Shillong: U Jitendra Singh, myntri ka tnat Development of North Eastern Region (DoNER), mynta ka sngi, ula kren shai ba ka jingweng noh ia ka artikel 370, kan nym don jing ia snoh eiei ruh em bad ka article 371, kaba dei ka article, kaba iada kyrpang ia ka jinglong jong ka thain shatei lam mihngi.

“Ka jing pynduh ia ka article 370, kam don jing ia snoh eiei ruh em bad ka article 371. Ki dei ki article, kiba iapher. Ka jingthmu jong ka article 371, ka iapher shibun” ong U Singh, haba kren ha ki kotkhubor mynta ka sngi.
Ka article 370, ka dei kaba ai bor kyrpang ia ka Jylla Jammu and Kashmir bad lyngba ka jingweng noh ia katei ka article, ka don bha ka jingiakren, ba yn lah ban weng noh ia ka article 371 ruh, kaba peit kyrpang ia ka bha ka miat jong ka thain shatei lam mihngi.

Shillong: Ka khynnah, kaba 14 snem ka rta, ka la shah bat bor ha ki lai ngut ki briew ha Gurugram, Haryana ha ki khyndiat sngi ba ladep bad ia katei ka kam, la pyntip sha ki pulit ha ka Sngi Balang.

Hadien katei ka jingjia, ki pulit ka Gurugram, ki la shimti ban tohkit bad ki la kem ia ar ngut ki briew bad nangta sa uwei pat u dang jah rngai, ong ka khubor.
Halor katei ka jingjia, kiba ha iing, ki la leit ban ujor sha Meghalaya House ha New Delhi, na ka bynta ban iathuh ia katei ka jingjia bad halor kitei ki jingjia, ki nongtrei ka Meghalaya House, ki la leit sha ki pulit ka Gurugram, ha kaba ki la ujor ia katei ka jingjia bad katei ka la pynlong ia ki pulit ka Gurugram, ba kin shim khia ia katei ka kam. La iathuh ba katei ka khynnah, ka dei kaba na Garo Hills.

Shillong: U Myntri Rangbah ka jylla, u Conrad K Sangma myn hynnin ka sngi, u la pynpaw ha ka jingialang ka national conference on e-governance, da kaba ong ba ka jingtreikam ki kor ki bor ne digital kan nym long kaba jop lada ym lah ban ai ka jingshakri sha ki paidbah basah ha khappud bad ka Bangladesh ne Mynmar ne China.

“Kiba haiing kiba trei ha BSNL ruh ki hap ban pyndonkam da ka network Grameen ka Bangladesh, wat ki nongtrei sorkar na India ha khappud Myanmar ne China ki hap ban pyndonkam da ki network na kiwei ki ri, haba ki leit sha khappud namar ba ym don network, bad kane ka dei ka jingeh jong ki paidbah ba sah ha khappud”, la ong u Conrad ba la don lang u myntri khynnah ka sorkar pdeng ba peit ia ka DoNER u Dr Jitendra Singh mynta ka sngiu.
U Myntri Rangbah ka jylla u la ong ba ka la donkam ia ka sorkar pdeng ba kan phai khmat sha kane ka bynta ban pynioh ia ka network sha khappud.
“Hooid, ka don ka ain bym shah ban pynpoi network 2 km eiei na khappud bad lada ka network ka jam sha shiliang pud, ka kompeni ka hap ban siew da ki lak sha ka sorkar, hynrei kane kam dei ban long ka jingeh ia ki paidbah ba sah sha khappud”, la ong u myntri rangbah.
Shwa ia kane, u myntri khynnah ka sorkar pdeng ba peit ia ka Department of North Eastern Region (DoNER), u Dr Jitendra Singh, ula ong ba lyngba ka atiar stad ne ka e-governance ne digital, uno uno u briew uba ioh jingmyntoi na ka skhim na ka sorkar pdeng, um donkam ban leit shim sha Delhi ne sha District hynrei kan poi hi ha bank account jongu.
U Dr Jitendra ula ong, ” mynta kano kano ka ophis ka sorkar pdeng na Delhi ka lah ban phah beit sak sha ka account jong uno uno u nongshong shnong uba ioh bynta lada u shong ha nongkyndong ha Wapung, Rymbai ka Jaintia Hills ne ha Umroi, Umsning ka Ri-Bhoi district ka Meghalaya”.
U la bynrap, “U ne ka ym donkam ban leit sha Delhi lane sha ka district headquarter ban leit shim ia ka jingmyntoi ba ai ka sorkar”.
U la ong ba ka sorkar kala weng ia ki sohkyrdot ba pynslem bad kiba suki.
“Baroh ki rukom pyniaid kyllaiñ la pynduh da ka sorkar. Namarkata, lada T. 1 la pyllait da ka sorkar pdeng, ka T. 1 kan poi beit sak ha pla ne account jong u ne ka ba ioh. Kane ka dei ka jingthmu jong ka sorkar u Narendra Modi”, la ong u Dr. Jitendra.

Nongstoiñ: Ki pulit ka Mairang Police Station, ki la ioh pdiang ia ka jing ujor na u wei u rangbah briew uba la tip kyrteng kum u Arbisstar Marbaniang (39), na ka shnong Mawblei kaba don sha ki thaiñ Mairang, ha kaba ula ujor pyrshah ia u Bryan Sohshang na ka shnong Mawdong bad ia ka khun jong u kaba dang 16 snem.

Katkum ka tyllong khubor ba la ioh lum na ki pulit la ong ba katei ka jingujor kala long ruh hadien ba u tei u briew bad ka khun jong u ki la shong kurim naduh u bnai Kyllalyngkot mynta u snem, hynrei hadien katto katne bnai kata ha u Naitung mynta u snem ka khun ka jong u ka la kem pang bad haba ki la leit ruh ban phah sumar noh hapoh kawei ka Hospital kaba don ha Nongbah Shillong.
Hadien bala mih noh na katei ka Hospital bad katkum ka jingbthah na ki Medical Ophisar jong katei ka Hospital u kpa jong katei ka khynnah u la leit ban ujor syndon ia kitei baroh ar ngut halor ka jingia shong kha jong jong ki namar ba katei ka kam ka long kaba beain.

Shillong: Napdeng baroh ki MLA ba don ha ka liangsynshar, dei tang u MLA ka Mawphlang u bah SK Sunn u bym treh ban bat, wat la ka la don ka jingtyrwa bad ka daw, ka long ba um kwah ban shu pynsyrwa kai ia ka pisa jong u paidbah.

Haba kren myn hynnin ka sngi, u bah SK Sunn u la ong ba ha ka jingshisha ka la don ka jingtyrwa ia u naduh mynshwa ban bat ia ka kam chairman jong ki Board ne ki Corporation ka sorkar, hynrei u la kyntait namar ba um kwah ban shu pynlut kai ia ka pisa u paidbah.
“Ka la don ka jingtyrwa ba ngan bat ia ka kam chairman ha ki tnad sorkar hynrei ngam shym la treh namar ba nga sngew ba ka dei ka jingpynlutkai ia ka pisa jong u paidbah”, la ong u bah SK Sunn.
Ha kajuh ka por, u MLA ka Mawphlang u la ong ba um shym la treh ruh ban shim ia ki PSO ne pulit pahara, namar ba um pat sngew donkam watla ka sorkar ka la phah sha u da u pulit synran.
“Ngam shym la treh ban shim ia u PSO ruh wat la ki la phah namar ba ngam pat sngew donkam”, la ong u bah SK Sunn.
Halor ka jingshah weng noh u Samuel Sangma na ka kam chairman ka Fishery Development Board, u bah Sunn u la pynshai ba kum u briew uba la tip ia kane, kam dei kaba shisha namar ba la pynsangeh noh ka sorkar namar ba kane ka Board kam don ka kyndon ain ba u lah ban sei ia ka honorarium, kumba long kiwei ki tnad sorkar bad ka sorkar kan sa ai da kawei ka kam.

Ha ka jaka ba don ki maw bynna ba la leit buh da ki Khasi Hills Autonomous Diastrict Council bad ka HNYF ha Khanapara Ribhoi District, hynrei ha kine ki sngi, la bret pathar da ki mawit ki ba la pynpra na ki dukan ba don hajan kane ka jaka.

Ia une u maw bynna u ba don ha Khanapara Ribhoi District, u dei ba la leit buh da ka KHADC, ha kaba ha une u Mawbynna ha katei ka jaka kaba la long kum ka sakhi kaba shai kdar halor u pud u sam.

Ka jing leit buh ia u ne u maw bynna ha ryngkat ka signboard kaba la thoh “WELCOME TO MEGHALAYA ”ka long ruh kum ka jingbuh pynsahnam bad pdiang sngewbha ia ki briew kiba wan na bar jylla sha kane ka jylla Meghalaya.

Shillong: U D Krishna Kumar u ba na Jylla Mysore, u la ialam ia ka kmie ka Chandrathan Kumar ban jngoh kai ia ki ri da ka scooter kaba la rim 20 snem.

Ha ba u la wan poi ha Shillong mynta ka sngi u la wan ban kynduh bad ki nong pathai khubor, u la iathuh shaphang ka jingiaid lynti ban ialam ia ka kmie ha kylleng ki jylla ha ka ba u la sdang naduh ka 16 tarik u kyllalyngkot 2018 na Mysore bad u ladep iaid haduh 18 tylli ki jylla kynthup ia ka ri Bhutan bad Nepal bad ki la iaid haduh 43,000 kilometer.

Ki jylla kiba U Krishna Kumar u ladep ialam ia ka kmie ki long Karela, Tamilnadu,Paundachery, Karnataka,Andrapradesh,Tilangana,Maharashtra, Goa,Chattisgar,Orissa,Jharkan,Bihar,Westbangal,Sikkim,Arunachal Pradesh,shina border,Tripura bad Meghalaya.

U Krishna u la ong “Ka Meghalaya ka long ka Jylla ka ba la kyrkhu ha ka jingitynnad tam ha ka mariang, ha Shillong ngi la leit sha Sohra,Dawki bad ka shnong na khuid tam ha ka Asia ka Mawlynnong.”

U la iathuh ruh ba ki don 6tylli ki pla ha ka ba u la thep ia ki jain ki blanket bad ki tiar pyndonkam man ka sngi bad ruh ki tiar ki ba dom kam ha ka scooter.

Shillong: Ka jingialang ka Central Executive Committee (CEC) ka UDP kaba long mynta ka sngi hadien ba la khlad noh u president jongka, u Dr Donkupar Roy, ka la bynshet ha u senior working president ka party u bah Bindo M Lanong ban pyniaid shipor haduh ban da jied ne ioh da u president ba thymmai ha ka jingialang ka General Council ha ka 11 tarik u Nalur ban wan.

Haba pyntip ia kane, u bah Bindo u la ong ba ka jingialang ka la rai ba ia ka General Council kaba la buh ban long ha ka 11 tarik Nailur, kan long beit bad ia mynta yn pyniaid shwa ma u haduh katei ka sngi.

“Na ka bynta ban pyniaid bad ban pynbiang ia ki jingdonkam ka General Council, la thaw ruh ia ka Organising Committee kaban khlieh da u bah Metbah Lyngdoh”, la iathuh u bah Bindo.

Ha kajuh ka por, u bah Bindo u la iathuh ba ka jingialang ka la rai ban pdiang ia kano kano ka rai ka UDP Shella circle na ka bynta ka elekshon shiteng samoi kaban sa long shen ha ki bnai ban wan.

“Ka jingialang ka la rai ban pdiang ia ka rai jong ka UDP Shella circle ban jied bad ban pynskhem ia u kyrtong na ka bynta ka elekshon shiteng samoi bad ka jingialang halor kane kan long ha ka 22 tarik Nailar ha Shella”, la ong u bah Bindo.

U bah Bindo u la iathuh ba ka party ka la iakren ruh ban pynkhlain bad ban pynthymmai ia ka party ha Garo Hills bad kin pyllong ia ka jingleit jngoh ha ka 17 tarik mynta u bnai sha Williamnagar.

Lucknow: Haba shu sngap, la sngew kumba ka dei ka khana kaba ju mih ha ki phlim hindi, hynrei ka jingshisha ka long ba kawei ka pulit langrut kynthei, ka la ia kynduh bad ia shoh jingieid bad uwei u snar nonglute, uba pawnam bha bad katei ka jingieid, ka sdang na kawei ka iing kashari kaba ha Noida bad hadien kata, ki sa ia poi kha syndon.

U Rahul Thasrana, uba 30 snem, ula shah kem halor ka kam pyniap briew, ha kaba ula pyniap ia U Manmohan Goyal, ha ka 8tarik Jymmang, 2014 bad ki don da ki dorjon ki mukotduma pyrshah ia u.
Ka Payal bad utei u nongpyniap briew, ka ju ia kynduh ha kashari ha Surajpur, namar ba ka ju dei ban pahara ha katei ka jaka. Ki pulit ki iathuh ba ha katei ka jing pahara hangtei, ka sdang ia ithuh ithaw bad U Thasrana, namar ba u ju wan ban shah bishar ha katei ka kashari bad kumta, ynda U Thasrana, ula lait patok, kumta ki la ia poi kha noh.
Kitei ki shijur, ki don mynta ha ka jaka sah, kaba kim iathuh briew satia, namar ba kim kwah ban don ba pynthut ia ki, khamtam namar ba U Thasrana, u dei uwei na ki snar nonglute uba triem bha.
Na ka liang jong ki pulit ruh, ki dang wad jingtip ha kine ki sngi, shaphang ka iaid ka ieng jong ka Payal, namar ba kam ju leit trei thikna shuh, hadien ba ka la ia poi kha bad utei u snar nonglute uba paw nam. U Ranvijay Singh, SP (Rural) jong ka katei ka thain, u iathuh ba yn lah ban shim ia ka rai kaba iahap, lada jia ba ki la sngew thikna shaphang ka jingleh jong ka Payal.

August: A man called D. Krishna Kumar, from Mysore, took along his mother Chandrathan Kumar on a tour just by driving his 20 years old scooter.

As soon as Krishna reached Shillong today, he met with the news reporters, telling them about his journey to different states with his mother which they started on the 16th of Jan 2018 from Mysore itself. And till date, they have completed a total of 18 states as well as Bhutan and Nepal.The total distance travelled by them till date is 43,000 Km.

The list of states they travelled so far include states like Kerela,Tamil Nadu, Pondicherry,Karnataka,Andhra Pradesh,Telangana,Maharashtra,Goa, Chattisgarh,Orissa, Jharkhand, Bihar, West Bengal, Sikkim, Arunachal Pradesh, Border of China, Tripura and Meghalaya.

During his stay at Shillong, Krishna visited places like Sohra,Dawki and of course the cleanest village in Asia-Mawlynnong. Krishna said that for his travel he has a total of 6 bags where he had kept his blankets and everything which would be essential for them during their journey.

According to Krishna, “Meghalaya is a blessed state with such a beautiful natural environment.”

Shamble Manners

Ba bteng..

Wohpun u bsiat ki Sai muka,,
Ka iam pangnud ka duitara,
U khaprip ngain, u jaw ummat,
U iohi rngai, liewlong ha khmat.

La bet la ber da tyngka pliah,
Heh khlieh ki khie naba iohthiah,
Ka dohkyndang ne kam pynroi?
Sdang ka iashrut, ka ialeh phoi.

Kyrngah ka khlieh, kohnguh u tdong,
Ha sbai baroh kylla khongpong!
Ka kti ka mon kam treh hi tdot,
Ka kti ka diang ka kner maphot!

Mano hi sha ban kynmaw ri?
Ba lap ka tieng ioh hap shuki,
Umsaw Brahma, eriong Surma,
Ko ri baieit pha ha jingma.

Ka ri khlem pud, ka ri khlem sam!
Ym don nongbud, tang nongialam
U sait da um, u wiat samrkhie,
U kyllain kai kum jalebi!

Ha diatiasom rieh iakjakor!
Ba pynjawdud ia u ri thor,
Ba un ioh khlong, u khroh u kjor,
Kawei ka sngi, un thom da bor!

La shoh umthiang, ki khlieh jongngi,
Ngin pom surok, to ia thap kti
La kum Iskat hakhmat Tirot,
U khroh na sdang, hadien un ot!

Thylliej padiah ki lei bunsnem,
Ki riew shisha ki hap pyndem
Tang ban saham ym don banud,
La dkut u ksai ryntieh Monbhut!

Kumba i ksuid ki ia kyndit,
Ki ksew ki jlaw baroh shimiet,
Ha tmier ka riat, ka ri ka don,
Mano ban kit ka khia ka shon.

Nongstoiñ: Ka Seng Hynniewtrep Youths’ Council West Khasi Hills District kala pynpaw ia ka jingpyrshah ia ka jing pynbna, kaba dated Shillong 29th May 2019 ha ka bynta ba 6 kaba la ong ka Nongstoin Industrial Estate, Mawiaban Nongstoiñ West Khasi Hills District kan long trai noh da ka sorkar jylla lyngba ka tnad Commerce and Industries Department, kaba khlem hap shuh ha ka jingkhmih jong ka Autonomous District Council Lane ki Traditional Bodies ne Dorbar shnong.

Katkum ka kyrwoh bala phah da u nongialam jong katei ka seng u Samla Lumlang Kharsyiemlieh President HYC West Khasi Hills, u la ong ba wat la katei ka jaka kadei jong ka sorkar hynrei katkum u pud u sam ka hap hapoh ka jingkhmih ka KHADC bad ka Shnong Siejlieh.
Shuh shuh u la ong ruh ban a ka liang jong ka Seng ka dawa ba ka sorkar kadei ban weng noh ia katei ka Notification bad kadei ban pynhap biang ia u pud u sam hapoh ka KHADC kumba ju long khnang ba ki bor shnong kin bteng ban peit kumba ju long baroh shikatta.
U tei u samla nongialam u la ong ruh ba katei ka Notification kan buh jingma ia ka thaiñ khamtam ha ka shnong Siejlieh kaba ju peit pyrkhin ia ki karkhana ha Mawiaban namar kitieng iaka bor shnong kim lehmon iaki hukum ne adongbala ai ka shnong bad lada ailad ba ka sorkar jylla kan khmih ia ki karkhana ha Mawiaban bad lada ka shnong kam donbor shuh ban turklar ki bar jylla kin sa wan ialam bad lok bad khun bad khlem labour License hangta katei ka jaka kan kylla ka kyntoit ne Colony jong kiwei pat ki briew.
“Ngi sngewtynnad ia ka jingkren u MR bad Symbud u MLA ka Nongstoiñ ha ka 7 tarik Nailar 2019 ha ka jingialang ha Nongstoiñ ba ngin long trai ia ki jaka puta ha kane ka Ri baieid jong ngi, ban longtrai iaka jaitbynriew kadei ka jingshynshar dalade ialade, kumta ngi kyrpad ia u MLA bad MDC ka thaiñ ba kin shimkhia ia kane ka kam namar lada ka shnong Siejlieh kam longtrai shuh ia ki karkhana ha Mawiaban hangta ngi la duh lypa ia ka hok longtrai ka shnong” ong u tei u nongialam.
Ka seng ha kajuh kapor ka dawa ruh ba ka sorkar kadei ban pynshai ia katei ka Notification bala pynmih namar haka jingpeit jong ka Seng la i kumba ka long khongpong na ka jingdawa ban pyntreikam iaka ILP ban iada na ka jingwan rung ki briew kiba na bar.

Shillong: U Jitendra Singh, myntri ka sorkar India, ba peit ia ka Department of Development of North East (DONER), ula kren shai mynta ka sngi, ba ka article 370, kam don jing iasnoh eiei ruh em bad ka article 371.

Haba kren ha ka jingialang plie ia ka jingrakhe 75snem jong ka kotkhubor The Shillong Times mynta ka sngi, U Singh, u ong “Tang naba la pynduh ia ka artikel 370, ki don bun kiba kylli ianga shaphang ka artikel 371” bad u ong shuh shuh, ka article 371, ka kren shaphang ban pynneh pynsah ia ka kolshor jong ki briew, ia ka roi ka par bad kaba dei ka ain kaba don ha ka riti synshar, wat la ka dei ka bym don bad ka bym trei kam ha kiwei ki bynta jong ka India.
U Singh, ula ong shuh shuh ba kiba bun ki briew na kane ka thain shatei lam mihngi, ki ju ong “Balei bym wan rah ia ka thain shatei lam mihngi kham shajan bad ka India”, katba na ka liang jongu pat, ula ong “Balei ngim wan rah ia ka India, kham shajan sha ka thain shatei lam mihngi”. U Singh, u ong shuh shuh “Ka India, ka dei ban tip kham bun shaphang ka thain shatei lam mihngi, ban ia kaba kane ka thain, ka dei ban tip shaphang ka India”, ha kaba utei u myntri, u ong shuh shuh ba kane ka dei ka juk jong ka India ba thymmai, ha ka jingialam jong U Narendra Modi.
Ha kajuh ka por, U Singh, u iathuh ba ka sorkar jong U Narendra Modi, ha ki san snem ba ladep, ka la pynbiang ia ki jaka kiba biang, na bynta ki samla pule jong ka thain shatei lam mihngi ha ki bynta bapher jong ka ri bad ula iathuh ba ia ki jaka sah ia ki samla pule, la shna ha phyllaw ka Bangalore University, na bynta ki samla kynthei bad u iathuh ba ka don shuh ka hostel, kaba la shna kyrpang ha phyllaw ka Jawaharlal Nehru University (JNU), na ka bynta ki samla pule ba kin shong kin sah hangtei bad sa kawei ka hostel, kan don ha Rohini, na bynta ki samla pule kiba pule ha Delhi University.

Shillong: “Ka jingkren jongnga, ka la mih shwa, ha shwa ba ngan kren” kren lyngngoh U Conrad Sangma, myntri rangbah ka Jylla, haba kren myn hynnin ka sngi, ha ka jingplie ia ka jingrakhe ba 75snem jong ka kot khubor The Shillong Times.

“Ka dei ka jingshisha, tangba ngam pat kren satia, hynrei ka la don hangne” ong U Sangma, da kaba kdew ia ka jingthoh, kaba mih ha ka special supplement jong ka rakhe 75snem katei ka kotkhubor bad ula ong ruh hangta “Kane ka dei ka por jong ka kotkhubor” bad ula ong ruh ba kane ka dei ka jingjia ka bym pat ju jia, da kaba u ong “Ka dei ha ka sien ba nyngkong ha ka jingim jongnga, ha kaba ka jingkren jongnga, kan mih shwa ha kotkhubor, ha shwa ba ngan kren” bad ula ong biang “Nga dei u myntri rangbah ba donbok tam bad ngam lah ban len ia kata”.

Nongpoh: Ki nongialam ka Khasi Students Union, Sengkmie, ha ryngkat ki nongialam na Ri Bhoi lem bad ki nongialam ka Education Cell ka KSU, hynnin ka sngi ki la leit ban kynduh ia u M. Houque, Chancellor ka University of Science and Technology, kaba don ha Killing ha Ri Bhoi District.

Katei ka jingleit kynduh da kitei ki KSU, ka long na ka bynta ban iakren halor shibun ki mat bad khamtam eh haba iadei bad ka bhah kyrpang ia ki samla pule Khasi, kiba leit ban pule ha katei ka skulbah.
Ha kane ka jingleit kynduh ia u Chancellor ka USTM, la ialam da u president ka KSU, North Khasi Hills District, u Samla Ferdinald Kharkamni bad u Pynshai Rani, Assistant Secretary ka KSU Education Cell ka Sengmie lem bad kiwei de ki nongialam bad dkhot ka KSU na Ri Bhoi bad Nongbah Shillong.
Haba kren sha ki lad pathaikhubor, u Samla Pynshai Rani, u la ong ba ka jingthmu jong ka seng ban leit kynduh bad iakren ia utei u Chancellor ka USTM, ka long ban pynpaw hakhmat utei u Chancellor, ba ki samla Khasi ki dei ban ioh haba ki kwah ban leit pule ha katei ka jaka.
U la ong ruh kumba long mynta ka jingpynslem ka NEHU ban pynmih ia ka Result, ka la pynkulmar ia ki samla pule ban leit pule ba kin leit wad jaka pule, na ka bynta ban pule ia ki kyndan kiba kham shalor, kumta halor kane ka bynta ka seng ka la ioh ban pynsngew sha utei u Chancellor, ban dawa na u ba um dei ban kyntait ia ki samla Khasi, kiba wan na kino kino ki jaka bad kiba kwah ban leit pule ha katei ka Skulbah.
Shuh shuh, u la iathuh ruh ba ha katei ka jingleit kynduh, ki la ioh ruh ban iakren halor ka bhah kaba kham kyrpang ia ki samla pule kiba dei ki Khasi, namar ba katei ka skulbah ka don hapoh ka jylla, ha kaba ka dei ka hok ia ki trai jylla ba kin ioh ban leit pule ha katei ka jaka.
Nalor kitei ki jingdawa ban pdiang beit ia ki samla Khasi, ka seng ka la dawa ruh na utei u Chancellor, ba u dei ban pyrkhat kham kyrpang ne ban ai ia ka jingpule ei, na bynta jong kito ki samla pule kiba wan na ki longiing longsem kiba duk.
Haba iadei bad katei ka jingdawa ka KSU, utei u samla u la iathuh ba na ka liang, ka pynpaw ia ka jingsngewkmen, namar halor kitei ki jingdawa ka KSU, na ka liang utei u Chancellor, u la ai ka jingkular halor ban pdiang ia ki samla pule Khasi bad ruh ban ai ruh ia ka jingpule ei, na ka bynta jong kita ki samla pule kiba wan na ki longiing longsem kiba duna ka ioh ka kot.
Ha kane hi ka juh ka sngi, kitei ki nongialam ka KSU, ki la leit ruh ban kynduh ia ki samla pule kiba dei ki Khasi, kiba pule ka USTM bad RIST, na ka bynta ban tip naduh ka rukom shim bairung, ka rukom ai jinghikai, ka jingshah niew shilling khmat lem bad kiwei kiwei.
Ki la don ki samla pule, kiba la pynpaw ia ki jingeh hakhmat ki nongialam ka KSU, kumta halor kitei ki jingeh kaba la iakynduh da kitei ki samla pule, na ka liang kitei ki nongialam ka KSU, ki la kular ba kin sa buddien khnang ban lap ia ki jingshisha bad ban iakren pynbeit halor kita ki jingeh, kiba la iakynduh da kitei ki samla.
Ha kajuh ruh ka por, ha kane ka sngi, kitei ki nongialam ka KSU, ki la kyntu ia kitei ki samla pule ha katei ka skulbah, ba ki dei ban long kiba iatylli.

Guwahati: U Bhubaneshwar Kalita, u shabuk rangbah jong ka seng Congress ha Rajya Sabbha, uba la mih noh na ka seng Congress, ula pyniasoh ialade sha ka seng BJP, ha ka sngi thohdieng.

U Kalita, ula pyniasoh sha ka seng BJP, ha ophis heh duh ka seng BJP ha New Delhi, ha ka jing don lang u myntri ka tnat rel, U Piyush Goel.
U Kalita, ula risain na ka seng Congress, hadien ba U Amit Shah, myntri kam poh iing ka sorkar India, ula leit rah ia ka ain ban weng ia ka article 370 na Jammu and Kashmir, hadien ba ka seng Congress, ka pyrshah ia ka jingweng ia katei ka ain.
U Kalita, u dei U MP ba ar jong ka seng Congress ban mih noh na ka seng bad iasoh BJP, kham mynshwa U Sanjay Singh, ula iasoh sha ka seng BJP, ha ka 31tarik Naitung 2019.

Shillong: “Ki don bun bah ki iing ha Shillong, ki bym ju ai rong satia ia la ki iing” ong U Conrad Sangma, myntri rangbah ka Jylla bad kumta u pynpaw ia ka jingsngew donkam, ha kaba u buh da ka kyntien “Nga, manga bad ka iing jongnga” bad ula ong shuh “Lada ki nongshong shnong jong ka Shillong, Jowai, Nongstoin, ki ai rong ia la ki iing, ai rong ia la ki kynroh iing, ka Sor Shillong kan thaba hi khriak” bad kumta U Conrad, u pynsngew ia ka jingdonkam jong ka kyntien “ma nga” ba ngin leh ia la ka jong ka bynta.

La ong biang U Conrad “Lada kawei ka longing ka kynshew na ka bynta ka kam kaba rit ban shna dabor um ha tnum iing, kata ka sdang ba ka jingpynkhuid ia ka sawdong sawkun kan dei na la rympei iing. To ngin shim kabu da kaba ong Ma Nga, Da Ma NGa bad ban iathuh lem sha kiwei ban bud nuksa ban sumar ia ki sawdong ban kiar na kaba leh jaboh”, la ong u Myntri Rangbah.
Ha ka jingkren jongu, u Myntri Rangbah u la phah khubor kitbok sha ka bor pyniaid ka Shillong Times halor ka jingjop jongki, ban iaid lynti ha kine ki 75 snem ba la leit. U la ong ba u Shillong Times u la don ha kane ka thain ban shakri ia ki paidbah ka jylla.
“Nga la ioh mynsiem na ki samla kiba kren da ka jingshit rhem bad nga iathuh ia ki ban mad ia ka ding bad ka jingshit rhem hapoh jongki, nga ioh mynsiem haba ioh sngap na ki nongkren kiba shit rhem”, u la ong.
U la ong ba ha ka por ba pynleit jingmut ialade, ka donkam ruh ban pyrkhat ia ka jingiashong iasahlang da ka jingkitkhlieh.
Ha kane ka sngi, la ioh ruh ia ka jingkren na u Dr Jitendra Singh, uba peit ia ka Development of North Eastern Region (DoNER), Prime Minister’s Office; Personnel, Public Grievances and Pensions; Department of Atomic Energy and Department of Space, nalor ka Editor ka kong patricia Mukhim, u Managing Director u Manas Chadhuary nalor kiwei.
Ha kane ka sngi, la pynshongshit ia ka jingialang da ka jingrwai bad ka jingshad bad ka jingsam khusnam sha ki katto katne ngut. La ioh ruh ia ka jingkren na u Afroz Shah uba la ioh khusnam na ka UN halor ka jingmaitphang jongu ban pynkhuid ia ki wah bad ban iada ia ka mariang.

Shillong: Ka jingialang ka Central Executive Committee (CEC) myn hynnin ka sngi kam shym la lah ban pynthina mano ban shimti ia ka kam Lamphang hadien ba la khlad noh u Dr Donkupar Roy uba long u President ka UDP bad kumjuh u Lamphang ka iing dorbar.

“Ngi sngew kumba naduh ba sdang thaw ia ka sorkar, ka shuki Lamphang ka dei sha ka UDP”, la ong u senior working president ka UDP u bah Bindo M Lanong hadien ba la wai ka jingialang mynta ka sngi.
“Ka jingialang ka la rai ba ia ka kam Lamphang dei ban iashong ka Parliamentary party jong ki MLA ban jied mano ban shimti ia kane ka kam”, la ong u general secretary ka UDP u Dr Jemino Mawthoh.
Ka UDP ka don 8 ngut ki MLA kynthup 2 ngut kiba shu wan iasoh.
22 tarik ka jingialang ka UDP Shella ban pynbna kyrtong
Ka jingialang ka la rai ruh ban bynshet ha ka Shella UDP Circle na ka bynta ban jied ia u kyrtong ka elekshon shiteng samoi na shella kaban sa long shen hadien ba la khlad kyndit noh u Dr Donkupar Roy dang shen.
Ka jingialang ka UDP Shella Circle halor kane kan long ha ka 22 tarik ha Shella ha kaba kan pynbna syndon ia u kyrtong.

Ki ar tylli ki phlim jong U Akshay Kumar bad U John Abraham, kin ia tyngkhuh ha ka 15tarik Nailar 2019, hynrei kitei ki don ka jingiadei kaba jan bha pat baroh arngut bad kitei la iohi, ba ki ia kynduh bad ia leh ieid bha, haba ia ki iakynduh ha ki khyndiat sngi ba ladep ha Mumbai, da kaba ki pyni ia ka dak jong ka jingiadei jongki ha ki dur ki dar.

U Akshay, ula pyni ruh ia ki dur, kiba u ia shon bad U John Abraham, da kaba u ong ruh @TheJohnAbraham #BrotherFromAnotherMother,” U John Abraham, u dei u para jongnga, na kawei pat ka kmie.

La iathuh ba kitei ki ar tylli ki phlim, Ka Mission Mangal bad ka Batla House, ki ban mih paidbah ha ka 15tarik Nailar, ki dei ki phlim, kiba pyni shaphang ka jingieid ri bad kumta, kan long ka jing ia tyngkhuh kaba khraw ha ki iing Cinema. Ka Mission Mangal, ka dei ka phlim U Akshay Kumar bad ka Batla House, ka dei ka phlim U John Abraham.