Quantcast
Channel: Rupang
Viewing all 25623 articles
Browse latest View live
↧

Yn mih noh U Griezman na ka Atletico, un iasoh bad ka Barcelona

May 14, 2019, 10:05 pm
$
0
0

U Antoine Griezmann, u snar ialehkai jong ka France, ula rai ban mih noh na ka klob jongu, ka  Atletico Madrid  bad un iasoh bad ka  Barcelona, ha ka dor kaba  €120million (£104m), ha ka 1tarik Naitung 2019.

La iathuh ba ka jingshah pynrem jong ka Barcelona, na ka jingialehkai Champions League, ha ka Semi Final pyrshah ia ka Liverpool, ka la pynliem ia ka Barcelona, ba kan khih khohreh ban wad ia U Griezman.

U  Diego Simeone, u nonghikai ka Atletico, ula ia kynduh ia U  Griezmann ha ka sngi hat majai, ha kaba ula ai jingut ba un rai noh ia ka jingthmu jongu bad ba un kren ruh da kaba shai ba ki riew ieid phutbol kin tip bad ha katei ka jingiakren, U  Griezmann, ula rai ban mih noh na ka Atletico bad ba un siew noh ia ka dor kaba un hap ban siew sha ka Club, kaba long £104m, kaba dei ka kyndon, kaba kin pyllait noh ia u bad ia katei un siew ha ka 1tarik Naitung.

↧
Search

Lap ia 116 tylli ki prek ha ka kpoh jong u briew ha Rajasthan

May 14, 2019, 10:21 pm
$
0
0

Ki doktor ha ka hospital sorkar ha Bundi, ki la lah ban weng ia 116 tylli ki prek bad nangta sa u waiar bad ki lyngkhot nar na ka kpoh jong uwei u briew, uba 42 snem ka rta ha Bundi, kaba hap ha ka Jylla Rajasthan. U Dr Anil Saini, uba dei u doktor puid briew, u iathuh ba ki prek kiba don ha ka kpoh jong utei u nongpang, kiba bun ki dei kiba jrong 6.5cm bad ka shim por shiteng kynta ban weng ia kitei ki tiar na ka kpoh jong utei u briew.

“Nga la kyndit, haba nga iohi ia kitei ki prek ha ka x ray report bad hadien kata, nga phah leh sa ka CT scan bad katei ka ruh ka pyni hi kumjuh bad kumta la puid ia utei u nongpang ha ka Lah Sngi U Blei” ong U Dr Saini.

Utei u nongpang, u dei uba la tip kyrteng U  Bhola Shankar bad ula leit pyni doktor ialade ha ka Sngi U Blei, namar ba u khie suh ha ki khyndiat sngi ba ladep.

U nongpang, ula sdang ioh bor mynta, tangba, um lah ban iathuh ba ha kano ka dur, ki leit rung kitei ki prek bad kiwei de ki tiar ha ka kpoh jongu bad kiba lah ban pynmynsaw jur ia u, lada ki leit dung ia ka snier jongu.

Utei u nongpang, u dei uba trei kum u mali bad wat kiba ha iing jongu ruh, kim tip satia, ba kumno u leit nguid ia kitei ki prek da ki spah tylli.

↧
↧

Wer ka FKJGP ia ki dkhot sha ka jingrakhe 30 snem, la 18tarik

May 15, 2019, 6:39 am
$
0
0

Shillong: Ka FKJGP sengkmie ka khot bad wer ia baroh ki dkhot jong ki circle bad ki unit bapher bapher ha kylleng ka ri khasi jaintia ban poi ryntih bad ban ia don ryngkat ha ka jing plie pyrda ia ka jingdap 30 snem jong ka seng ha ka 18tarik Jymmang 2019 sngi saitjain ha ka por 12 baje mynsngi ha Shillong Polytechnic, Mawlai. Ka seng ka khot sngewbha ruh ia baroh ki nongialam bad dkhot ba lah shong thait jong ka seng ba kin wan  ban don ryngkat lang ha katei ka sngi, ong ka kyrwoh na U bah  Arkinfield Khonglam, Information Secretary, FKJGP Seng Kmie.

↧

Lait jamin U Bah Michael Warjri, da ka hukum ka Guwahati High Court

May 15, 2019, 7:02 am
$
0
0
↧

Ka jing pynshai ba iadei bad ka jingialang jong ki nonghikai school Adhoc ha Mawkhar

May 15, 2019, 7:05 am
$
0
0
↧
↧

2 klur ki khynnah kiba shem jingeh ha India, ong ka SOS

May 15, 2019, 7:33 am
$
0
0

Shillong: Ka SOS Children Villages of India ka la pynlong ia ka International Day of Family  ha ka 15 tarik u Jymmang 2019 ha Umiam Ribhoi District.

Ha kane ka sngi la iadon ryngkat lang u bah Rangkynsai Kharbuki MDC ka Umroi Constituency lem bad ki dkhot jong ka  ka self-help group bad la pdiang burom da ki nongialam jong ka Families Strengthening Programmes.

Ia kane ka sngi la pynshong shit da ki jinglehkai drama bad ki jingrwai jong ki longkmie jong ki shnong kiba wan ban shim bynta kaba kynthup ia Ka Mynsain, Pynthor, Mawlyndep bad ka Umktieh pyllun.

La pyllait paidbah ruh ia u number jong ka “Child Alone Campaign” ban batai shai shaphang ki jingeh jong ki khynnah ki bym don ing don sem ki bym ioh jingieid na ki kmie ki kpa.

Haba ai jingkhein la don haduh 2klur ki khynnah ki ba shem jingeh bad kane ka lah ban kiew haduh 2.4 klur ha u snem 2021.

U Anuja  Bansal, Secretary General jong ka SOS  Children  Villages of India u la ong “Ki donkam ia ka jingkyrshan jong ki riewpaidbah, ki riewshimet bad khamtam na ka Sorkar ban pynbha shuh shuh”. U la bynrap ruh ba lada don ki ba kwah ban iarap ki lah ban ai Misscall ha une u number 8596996699 lane ban leit ha ka website www.childalone.org.

Ia ka SOS la Sdang ha u snem 1964 kadei ka seng ba trei mon sngwbha la sdang ia ka SOS ha ki 127 jaka jong ka ri bad mynta ka la don haduh 2600 ngut ki khynnah ki ba hapoh ka lama jong ka Family Based Programed (FBP).

↧

Buh jingujor ka briew ba shah pynloit lyngkhuid ha ki kynsi

May 15, 2019, 9:44 am
$
0
0

Guwahati: Kawei ka kynthei ba shah pynloit lyngkhuid,ka la la leit buh jingujor ha thanad,namar ka jingshah leh bein sat ha ki kynsi jongka.

Kane ka lanot ka la iathuh ba ha ka sngi u blei ba la lah,kine ki kynsi jong ka ki la tim la tla  bad ki la tar lut ia ka ki jain bad loit lyngkhuid ia ka. Ka la ujor ba kine ki kynsi ki la leh bein ia ka haba u tnga jong ka um don ha iing.

Ka tyllong khubor ka ong ba u kurim jong kane ka lanot u dei u ba trei kam lajong ha poh ka jylla Assam.

↧

Wat pyndem ha ka Assam, ong u bah Adelbert ia ka sorkar MDA

May 15, 2019, 9:53 am
$
0
0

Shillong: U Bah Adelbert Nongrum u la ong ba ka sorkar Meghalaya Democratic Alliance (MDA) kam dei ban pyndem ha ka sorkar Assam haba iadei bad u pud u sam.

“Ka sorkar kam dei ban shu peit kai namar haba wanrah kam pynroi da ka sorkar Meghalaya ha ki jaka ba dei hok jong ka jylla ha ki thain khappud n aka liang ki bor pyniaid ain ka Assam ki wan leh don bor da kaba pynjulor lane pynsangeh ia kine ki kam pynroi ba la shim da ka sorkar Meghalaya,” la ong u MLA ka North Shillong haba kren mynta ka sngi.

U la pynpaw ba la bun snem mynta ka sorkar Assam ka la leh donbor ha ki thain khappud da kaba pyntieng ia ki jaidbynriew jong ngi ha kitei ki thain bad ki la pyrshang ruh ban wanrah jubor ia ka roi ka par ha kine ki thain wad lada ki hap hapoh ka Meghalaya.

“Balei ka sorkar wat haba sa tang khyndait snem ba ka jylla Meghalaya kan dap 50 snem ia ka jingioh pura ia ka jylla ngin hap ban dang iai pynjem ha khmat ka sorkar Assam ha ba ia dei bad u pud u sam,” la ong u Bah Adelbert.

U la pynpaw ruh ba kane ka jingthmu ka sorkar Assam ban wanrah i aka roi ka par ha ki thain khappud ba dang hap hapoh ka Meghalaya ka dei ban kam trai ia kitei ki jaka. U Bah Adelbert u la ong ruh b aka sorkar MDA ka la jem palat haba iadei bad ka issue kyntur pud ka Assam.

↧
Search

Bthei bom ha Guwahati, mynsaw 10ngut, suba ba donkti ka ULFA

May 15, 2019, 10:20 am
$
0
0

Guwahati: Shiphew ngut ki briew, ki la mynsaw ha ka jingbthei bom ha khmat kawei ka dukan heh ha Guwahati. Kiba mynsaw, ki kynthup ia arngut ki pulit.

“Ka dei ka jingbthei bom bad kaba thew hi ban pynmynsaw ia ki pulit kiba pahara ha kaei ka jaka” ong U  Deepak Kumar, police commissioner jong ka sor bah Guwahati.

Kat haduh mynta, ym pat don ba kam trai halor katei ka jingjia, hynrei ka All India Radio, ka kam ba ka dei ka seng kaikhlaw  United Liberation Front of Asom (ULFA) kaba kit khlieh halor katei ka jingjia.

↧
↧

Donkam ban pynshlur ia ki briew lajong sha khappud, ong u bah Renikton

May 15, 2019, 9:31 pm
$
0
0

Shillong: U MLA ka HSPDP u bah Renikton L Tongkhar ula ong ba ka donkam eh ia ka sorkar ban pynshlur ia ki briew ban leit sah sha khappud shi bynta ban pynkhlaiñ bad ban khang lad ia ka jingwan skud jaka ka sorkar Assam.
Haba kren myn hynnin ka sngi, u bah Renikton u la ong ba ka kam khappud ka dei u dohnud jong ka HSPDP bad ka kwah ban don noh ka lynti ban pynbeit ia kane ka kam ïakajia pud.


“Kumba nga la kren ha iing dorbar, ban pynshlur ia ki briew ban sah ha khappud, la dei ban ai khublei ia u bah Michael Warjri uba la leit sah sha katei ka khappud bad kiwei ki dei ban bud nuksa ia u bah Michael”, la ong u MLA ka Mawkyrwat.
U la ong ba kumba ka paw, ka daw ka jingmih ka huri hura ha ka thain khappud bad dang shen ha Balakhawa, ka dei namar ka jingwanrah jingtrei ka Assam.
“Ka dawbah ka jingmih ka huri hura ha Balakhawa ka dei namar ka jingwan shna surok ka Assam sha jaka ka Meghalaya”, la ong u bah Renikton.
Ka New Balakhawa ka dei ka jaka jong ka Meghalaya ha kaba ka la don ruh ka sakhi ba la pynmih ka Kashari.
U la ong ba ka donkam eh ia ka surok ban iaid napdeng u pud ban long kum u maw pud hapdeng ka Meghalaya bad ka Assam bad ka party kan ai jingmut sha ka sorkar ia kane. “Ka party jong ngi kan ai jingthoh sha ka sorkar halor kane ka kam”, la ong u bah Renikton.

↧

Khih mian mian ka diengphna, ha ka Sngi ba ar ha Kongwang

May 15, 2019, 9:36 pm
$
0
0

Shillong:Ka jingkhih jong ka dur diengphna, kaba la jia naduh hyn shisngi, ha kawei ka iing ha shnong Kongwang, ka la kham duna jur mynta ka sngi, kaba dei ka sngi ba ar.


La iathuh ba mynta ka sngi, ka jingkhih, ka long tang 3 lane 4 sien duh baroh shisngi bad ka rukom khih ruh, ka la long mian mian, na kaba long hynnin ka sngi. Katei ka jingkhih, ka iai bteng naduh ka por 3baje mynta ka step haduh ka por 7baje mynstep bad hadien kata, ka la sangeh noh bad kam shym la khih thikna shuh baroh shisngi bad ka rukom khih ruh, ka la kham jai jai shibun, na kaba myn hynnin.


Myn haba u Rupang u la poi mynta ka step ha katei ka iing,da ki phew ngut ki trai Balang jong Ka Niam Katholik ki la iadon khrui ban pynlong ki jingduwai ha khmat katei ka dur sah narphna katba ka dang khih bha.Kane ka dur dieng sahnarphna teng teng ka khih shakhmat shadien,teng teng pat ka khih sha kamon kadiang.
Katei ka jingjia, ka dei ha ka iing jong ka Kong Balarihun Kongwang ba dei na ka Niam Katholik, ha ka shnong Kongwang, ha jan ka Dawki, East Khasi Hills Distrik bad katei ka dak phylla ha ka dur dieng phna, ka la sdang naduh ka por mynstep kumba 10 baje eiei,ha kaba la iohi nyngkong ia kane ka jingkhih da kawei ka khun jong kane ka longiing kaba kyrteng ka Wansiewdor Kongwang 21 snem, katba ka dang shong marwei ha iing.Markumta hi ka la iathuh ia ka jingiohi sha ki ba ha iing jongka ban wan peit.
Kane ka dieng dur diengphna, ba la shna da ki dieng ka heh 1 inshi eiei,ka don ka jingjrong tang kumba 10 inshi eiei bad ka don ka pyngkiang kumba 5 inshi eiei. La pynshong ha u jaka pynieng ba 3 inshi eiei ha ka jingrben ba kumba 1 inshi eiei.
Kane ka jing jia ka la pynlong ia ki trai iing ban sngewkmen bad I kong Balarihun Kongwang I la ong,” Nga don ka jingsngewkmen kein haba u Blei u wan ban pynpaw ka dak phylla ha ka iing jongngi”.Naduh mynhynnin ka sngi hi mar iatip iaka ne ka dak phylla,ki paitbah da ki spah ki spah bad imat la kot hajar ki la ia poi sha ka ne ka iing bad ioh khmih bad ki la pynlong ruh ki jingduwai hakhmat kane ka dur sah nar phna.Ki briew na ki thain Ri lum Jaintia,na Ri lum Khasi,bad, wat ki bymdei Khasi ruh ki la wan peit iakane ka jingjia.
U Samla Ambrose Kongwang,na ka Niam Katholik, ba dei na kane hi ka shnong u ba la iathuh ia ka jingsngew maian ba kan don ka jing jia eiei ha kane ka shnong kaba la pynsngew ha u naduh ka sngithohdieng ba la dep.U la iathuh ba haba kane ka wan jia u sngew ba ka dei ban kham pynjur iaki jingduwai rosary ban kylla ka ba mut, ban kham jan sha u Blei, namar ka Balang kan pynlong ia ka jing rakhe ia ka jingdap 25 snem ka iingmane jong ki ha ka 29 tarik U Jylliew,2019.Ha kaba baroh ki para bangeit jong ka Parish kin wan lang.

↧

Nga shitom palat ha ka khlieh bad met, namar nga la shah kawang da ki Maw, ong u Bah Warjri

May 15, 2019, 9:40 pm
$
0
0

Nongpoh: Hynniew sngi hadien ba u Bah Micheal Warjri, u la hap ban shong ha Guahati Central Jail kaba don ha Lokhra, namar ba u la shah rah noh ha ki Pulit ka Assam halor ka jingjia ha shnong New Balakhwa, hynrei myn hynnin ka janmiet u la lait jamin noh lyngba ka hukum ka Iingbishar Guahati High Court.

Mar ia tip halor ka jinglait jamin u Bah Micheal Warjri, ki dkhot ka FKJGP myn hynnin ka janmiet ki la ap ha Byrnihat, na ka bynta ban pdiang burom bad pyndeng syntiew ia ia u kum u riew
U Bah Micheal Warjri, u la lait noh na ka Guahati Central Jail ha ka por 5 baje ei ei janmiet bad ha katei ka por, la iasynranlang da ki nongialam ka FKJGP bad HNYF, kaba kynthup ia u Bah Eldie Lyngdoh, Vice-President ka FKJGP Sengkmie bad u Bah Luistar Lyngdoh, General Secretary ka FKJGP ha Ri Bhoi, katba la na ka HNYF, la synran da u Bah Marcus Marten bad u Bah Donroy Kshiar.
Ynda la poi ha Byrnihat, la pdiang sngewbha pat da ki dkhot ka FKJGP kiba la ap lypa ha katei ka jaka, ki la pdiang sngewbha ia utei u Rangbah ha ryngkat ka jingai sngewbha da ki syntiew bad kiba la pyrta ruh “Im slem Bah Micheal Warjri”.
Haba la poi ha Byrnihat, ka long shisha kaba isangsot ban iohi ia u Bah Micheal Warjri (76) snem ka rta, namar wat hapdeng ka jinglong tymmen, hynrei u hap ban mad ban shong ha Patok bad la iohi ruh ba u Bah Micheal Warjri, u long tlot bad uba i shem shitom wat tang ban iakren.
Haba iakren bad ki lad pathai khubor, u Bah Micheal Warjri, u la ong ba ia mynta hi um pat don ha ka met kaba shait kaba khlain, namar u dang don hapdeng ka jingshitom ha ki bynta ka khlieh, lbong lem bad ha kiwei ki bynta ka met, ha kaba ia mynta hi u dang donkam kyrkieh ban leit shah sumar ialade ha ki Hospital.
U la iathuh, ruh ba ka daw kaba la pynlong ia u ba un shitom, ka dei namar ba u la shah kawang da ki maw lem bad kiwei pat ki tiar, ha kato ka sngi kaba ki paidbah ki la wan ban pynjulor ia ka iing ka sem ka jong u, namar ha katei ka sngi, ki paidbah kiba la wan da ki spah ngut, nalor ba ki la pynjulor ia ka iing ka sem, hynrei ki la kawang da ki maw ban pynmynsaw ia u.
Katba na ka liang ka FKJGP, u Bah Eldie Lyngdoh, u la ong ba ka seng ka la shimkhia bha tang mar ia tip ba u Bah Micheal Warjri, u la shah thombor ha ki paidbah bad khamtam eh hadien ba u la shah rah ha ki Pulit ka Assam bad shah set ha Guahati Central Jail.
Ka seng hi, ka la shimkhia ban pynioh jamin ia u Bah Micheal Warjri bad ka la leit ban wad da ki nongiasaid Ain kiba tbit na Assam, na ka bynta ban ialeh shitom ban pyllait ia u Bah Micheal Warjri bad dei namarkata ba ka seng lyngba utei u nongiasaid Ain, ka la shim jamin syndon na Guahati High Court, bynrap u Bah Eldie Lyngdoh.
“Halor ka jingjia pyrshah ia u Bah Micheal Warjri, ka seng hi ka kyntu jur ia ka sorkar jylla ba ka dei ban shimkhia tyngeh ban iakren bad ka sorkar Assam, na ka bynta ban pynkynriah noh ia ka case u Bah Micheal Warjri na Assam sha Meghalaya, namar ka jingjia kaba la jia pyrshah ia u Bah Warjri ka la hap hapoh u pud u sam ka Meghalaya” ong u Bah Eldie Lyngdoh.
Lada ka sorkar jylla hi kan shimkhia, u Bah Micheal Warjri un lait na ka jingleit Hajir sha District & Sessions Court Kamrup ha Assam, hynrei lada ka sorkar kam shimkhia, u Bah Warjri un hap ban leit Hajir sha katei ka Iingbishar ha Assam, namarkata ka FKJGP ka dawa jur na ka sorkar ba ka dei ban shimkhia bha halor kane, u la bynrap.

↧

Kurup heroin na Mihmyntdu

May 15, 2019, 9:48 pm
$
0
0
Shillong: Hynnin ka janmiet, ha ka por 4.30, ki pulit ki la ioh bat ia kawei ka kali, kaba don ia u number AS-01C-6737 ha Mihmyntdu, West Jaintia Hills bad ha ka jing khynra, ki la ioh kurup ia 2.17 gram u heroin, uba shongdor T.57,166, ha kaba la ioh kurup na U Alex Lamare, uba dei u nongniah bad... Pule Shuh Shuh»
↧
↧

Ka jingjia kaba sngewsih ha ka par dewiong ha Rang Ksan

May 15, 2019, 9:53 pm
$
0
0

Ha ka jinglong tymmen kaba la ih bha, mynta la kumba arbnai ei ei la wan ka jingpyrkhat ha ka mynsiem jong nga halor kato ka jingjia kaba sngewsih ka la jia ha ki Par-dewiong ha Rang Ksan, Jaintia ba nga dei ban pynmih ha ki kot khubor Khasi ia ka jingsngew jong nga kaba nga la sngew naduh kaba sdang hynrei nga shu buh teng tad haduh kne ki sngi ba nga sngew ba wat ka la kham dier por ruh ngam dei shuh ban shu sngap tang ha lade.
Naduh ka sngi kaba nyngkong eh ba nga pule ha ka kot khubor shaphang kato ka jingjia kaba sngewshyrkhei, sngewtriem bad sngewsynei haduh katta katta ia ki 15/16 ngut ki nongbylla kiba la sahkut hapoh um ha ki krem dewiong. Kum ka Longkmie nga pynpaw kajuh ka jingsngewlem ia kiba ha iing ha sem jong kito ki lanot bad nga iai buh ha ki jingduwai na ka bynta jong ki ruh. Hadien ar bnai ba ki jingpyrshang ban wad bad sei ia ki kam seisoh (lait noh tang arngut) wan pat ka jingsngewsynei bad sngew ma ia ki nongtrei bad ki kynhun ai jingiarap bapher bapher kiba la iatrei bad shah shitom met bad mynsiem. Hadien kine kiei kiei nga iohi ba kan ym long da lei lei ban pynrngat ia ka jingjrein um na ka wah Lytein ha ka jingjylliew kaba 370 phut shapoh Rem-ew tang da ki pump bad da ka bor briew. Kumta ka wan ka jingpyrkhat ha nga ba kaba bha eh ka long ban shu pyndap bad set dam noh ia katei ka thliew krem bad plaster skhem bha da ka Dewbilat da ka jingpynshai bad ia sngewthuh jingmut lang bad kiba ha iing ha sem jong baroh ki lanot bad ban tei noh da u Mot sah jingkynmaw uba ha u yn thoh ia ki kyrteng jong baroh ki 15/16 ki lanot ryngkat bad ki kyntien sngewlem katba ki bor ba halor ki sngew dei. Bad ruh ban pyndep ia ka niam ka rukom ba khatduh katkum ka niam ki Lanot la ki dei ki Hindu, Muslim, Niam Tre ne niam Khristan. Nga ngeit ba baroh kiba ha iing ha sem, ki kur ki jait ryngkat bad ki nongtrei, nongiarap bad ki bor sorkar ba ha khliehduh jong ka state lajong kin sngewhun bad sngewtngen halor kane ka jingai jingmut khnang ba ka jinglut jingsep kaba shyrkhei bad ka jingma ia ki nongiarap ruh kan kut noh.
Nga ai ka jingsngewnguh, ka jingkhublei ia ki bor ba halor, ia kiba ha iing ha sem bad baroh kito ki kynhun jingiarap. Ha nga hi shimet nga sngew ba ki bor jingstad jong ngi ki briew kin ym lah da lei lei ban jop ia ki bor sha lyndet jong u Trai Kynrad Nongbuh Nongthaw bad ia ki jingthmu ba maian jong u kiba ngi dei ban da pyrkhat jylliew eh. Ki jingjia ha kine ki sngi kiba ngim lah shuh ban mutdur kiba baroh kiba ngeit Blei kin hap ban pyrkhat ba imat kine ki sing ki la dei kiba khatduh (End days) bad kaba sah ka dei sa tang ba ngin pyrkhat ialade shimet shimet namar ban ong shi iing shi sem ruh ym lah shuh mynta ban long.
Mei Ieid,
Sohra Rum, Saitsohpen.

↧

Ka synrum synrah bad ki kynrum kynram hapoh ka NEIGHRIMS

May 15, 2019, 9:57 pm
$
0
0

Da U Bah Philip Marwein

 

Ka jaboh jabain bad ka synrum synrah hapoh North East Indira Gandhi Regional Institute of Health and Medical Sciences ka la iaid bun snem mynta haduh ba ka la poi ha pud ba ki nongpang ki la kylla ki langknia. Ki kynrum kynram ki la mih ha kane ka hospital sorkar na ka daw ba ka don ka jingiakyan iakynat bad iatan tyllai bad ka jingiapyni bor hapdeng u Director bad kiwei ki heh doktor khamtam bad u khlieh jong ka tnat kaba sumar ha ka lain klongsnam.
Na ka liang jong u khlieh jong ka hospital u la kynnoh ba ka la don ka jingleh khlieh shrieh na ka liang jong u khlieh jong ka tnat kaba sumar klongsnam. La kynnoh ba u khlieh jong ka tnat kaba sumar klongsnam u jied tang ia kawei ar ki kompeni kaba supply ia ki tiar puid bad kiwei kiwei ki tiar kiba donkam ban sumar ia ki nongpang klongsnam. La kynnoh ruh ba ka dor jong kita ki tiar ki tar kum ki Stent bad ki Pacemaker ki long kiba remdor palat haduh ba ki nongpang kiba duk bad kiba tlot ha ka ioh ka kot kim lah kot bor shuh. Hynrei ha ka jingshisha ia kine ki tiar lah ban ioh ruh na ki dukan die dawai ba la ithuh da ka sorkar hapoh ka hospital kum ha ka Amrit Pharmacy bad kiwei ha ka dor kaba kham duna bun shah. Kumba lah ban sngewthuh kane ka jingthied ia ki tiar sumar nongpang hapoh kane ka tnat ka la iaid kumta la bun snem bad ki nongpang ki long ki langknia ba hab ban lut da ki bun phew hajar bad lakh ruh tang na ka bynta kita ki Stent, Pacemaker bad kiwei kiwei. Ia kane la kynnoh ba la lap da u Director jong ka Hospital. Ha kajuh ka por ka la don ka jingsuba bad ka jingkynnoh ruh ba wat kiwei kiwei ki tnat sumar ruh ki lah ban leh kumne da ka jingiasuh buit jong ki doktor bad kito kiba supply ia ki tiar sumar ha ka hospital. Kane ka mut ka long ka jingiohnong jong ki doktor bad ki supplier jong ki tiar sumar na ka bynta ki nongpang bad ka jingduhnong kaba khraw ka long ha ki paidbah nongpang ki bymtip ei ei hynrei ki shu shaniah beit ha ka jingpyniaid bad jingbthah jong ki doktor bad ki bor na hospital. Lada ka long kumne, shano kata ka jingsumar hok ia ki nongpang ka la leit?. Kaba sngewsih shuh shuh ka long ba u khlieh jong ka hospital bad katto katne ki doktor kiba dei ki khlieh jong ki tnat sumar nongpang kim iasngewthuh jingmut lang hynrei ki iashrut. Na kane ka jingiashrut jong ki ka la wanrah ia ka jingbymiaid beit ka hospital bad ka jingjynjar kaba khraw ia ki nongpang. Lada ki nongpang kim ioh ia ki dawai bad ia ki tiar sumar kin shu iap ei lane lada ioh ruh ha ka dor kaba iasuhbuit hapdeng ki doktor bad ki supplier ki nongpang ki jot lane ki shu iap ei.
Kaba lyngngoh ka long ba ka don ka bor kaba hakhlieh jong ka hospital ia kaba la khot ka Governing Council. Kane ka dei kaba khmih ia ka jingiaid ryntih ka hospital ha baroh ki liang. Ka dei maka kaba ai jingmut ia u Director bad ia ki doktor kumno ba kin iatreilang ryngkat ryngkat da ka jingiasngewthuh jingmut bad kumno ba ki tnat kin sngewthuh iala ki kamram. Ka dei ma ka kumno ban khmih ruh ia ka Discipline ha ka jingiatreikam hapoh ka hospital. Ka dei ma ka ka ban khot ia ki doktor kiba iapher jingmut bad ban pyni kumno ba kin iabeit bad iasuk ban ym ktah ia ka nam bad ka burom ka hospital bad ban ym ktah ia ki nongpang. Ka dei kamram jong ka ba kan khmih ba ka hospital kan iaid beit. Hynrei ngim tip ka la leh aiu kane ka Council, imat ka la klet ia la ka kamram bad lehse ka khlem iashong pyrkhat shuh la slem. Lada ka long kumne ka don jingmut aiu shuh ban dang thung ia kine ki dkhot jong kane ka Council. La dei ban weng noh ia ki mardor bad thung bujli noh da kiwei pat.
Shuh shuh, na ka liang u Director ruh u dei ban sngewthuh ba lada um lah ban wanrah ia ka jingsuk bad iabeit para doktor, um lah ban shu thombor ia ki hynrei u dei ban shu iehnoh kam lane ban pan transfer noh shawei bad ban ailad noh ban wan da uwei pat u bathymmai. Kum u director u dei ban long u nongialam, u nongai jingmut, u nongsynran bad u paralok jong kiwei pat ki para doktor bad wat jong kiwei pat ki nongtrei jong ka hospital ruh. Ki doktor bad kiwei ki nongtrei jong ka hospital ki dei ban ioh mynsiem bad jingkyrmen na u Director. Hynrei ha kane ka hospital pat kam long kumta, ka don pynban ka jingiapyni bor, iakyan bad iakynat hapdeng jong ki. Nangta, ki doktor jong ki tnat bapher, la ki dei ki khlieh jong ki tnat ruh ki dei ban iatreilang bad iasngewthuh jingmut bha bad u Director, namar khlem ka jingiatreilang ki kam kim lah ban iaid beit. Bad lada kane ka hospital ka don ha ka kynrum kynram ka dei namarba ba kam don ka jingiasngewthuh jingmut para doktor.
Kaba donkam kyrkieh mynta ka long ban pynkhuid ia kane ka hospital, ban bujli noh ia u khliehduh jong ka hospital bad kumjuh ruh ia u khlieh jong ka tnat sumar klongsnam, nangta ban thung ia ka Komiti kaba khlainbor ban tohkit halor ki kynrum kynram bad ki kam bamsap kiba don ha kane ka hospital bad kumjuh ruh halor kiwei kiwei kiba kynthup ia ka jingdon ki dawai, ki tiar hospital, ki Pharmacy bad kiwei kiwei ki rukom pyniaid ia ki kam ki jam bad ban tip ban ianujor kumno la pyniaid kam ha kiwei kiwei ki hospital heh jong ka India. Kane ka hospital ka long kaba heh bad kaba paw nam tam ha kane ka thain shatei lam mihngi, hynrei ki jinglong jingman kiba la jia ia kane ka hospital ki la pynjah burom shibun ia kane ka hospital.

↧
Search

Da ka ia bein briew, ha ka kanbas MP

May 15, 2019, 9:59 pm
$
0
0

Ka elekshon 2019, sha Lok Sabbha, ka dei ka sobjek, kaba da ijli tasam haduh katta, namar ba ka dei ka elekshon, kaba ia bein ia tim, ia niew tang ia ka jinglong shimet jong u ne ka briew bad kaba niew tang ruh wat ia ki briew kiba la iap bad ki bym don bynta shuh satia ha ka ialeh elekshon.
U Rahul Gandhi, uba dei u nong ialam ba rangbahduh ka seng Congress, um don thylliej da kumwei pat, lait na kaba bein ba khoh ia U Narendra Modi bad ka jingkren bein, ka la poi ha ka khep, kaba sngew jli sohsat bad kam dei tang katta, U Modi ruh ula sangah ia U Rahul, ia ka iing jongu bad u thylliej jong kitei ki arngut, ka long beit ban bein Congress bad na kawei ka liang ban bein BJP.
Ka jingshisha, ka kham don ia U Rahul, ba un kynthah ia ka seng BJP lem bad ia u myntri rangbah duh, namar ba ki don ha ka sorkar, hynrei lada jia ba na ka liang jong u myntri rangbahduh, u iai bein iai khoh tang ia ka Congress, kata te ka bym lah long satia, hynrei, u dei ban pynshai sha ki paidbah, halor ka jingioh ne ka jingduh nong jong ka India, na ka jing pynduh pisa, ka jing pyntrei kam ia ka GST, nangta sa ka skhim nongrep, kaba la dep mang ha ka mang pisa ba dang shu dep bad nangta sa kiwei pat.
Hynrei lada shu kynnoh shi kynnoh tang ia ka Congress, da ki kyntien kiba ong ba ka dei ka seng kaba bam sap, ka seng kaba pynhiar ia ka ioh ka kot bad kumta ter ter, kam long kaba u paidlang ka India, un sngew tynnad, namar ba ka jingjied ia ka seng BJP, ba kan ialam ia ka sorkar ha u snem 2014, ka la dei ka syrnot kaba pyni, ba u paidlang u thmu ia kata, hynrei lada shu iakren shi iai iakren ia kajuh shi kajuh, kata ka kylla long noh ka kam biej.
Ka la dei ka por, ba ngin kylla noh ia ka rukom kanbas elekshon bad kata ka long ba ngin buh ia ki mat kiba thmu na bynta ka Ri hi baroh kawei, namar ka jingkren bein iano iano, kam don jing myntoi satia bad kam hap hi ruh ha ka mat treikam jong ka sorkar (hadien ka elekshon) bad ban ia kaba iakren ia ka kam jong u shimet, ka la bha ban ia tai ia ka Brexit, kumba long ha UK, lane ban tei kynroh sha mar pud bad ka Mexico, kumba long ka elekson ha Ri America. [rms]

↧

Kyntait ki pulit ia ka jingkam ka HNLC, halor ka jingsiat iap ia U Romeo

May 16, 2019, 6:06 am
$
0
0

 

↧
↧

Shah teh u samla ha u dieng, naba don jing iadei bad kaba la don tnga

May 16, 2019, 6:45 am
$
0
0

Ka dei ka jingjia kaba sngew triem shi katdei, ha kaba uwei u briew lem bad ar ngut kiba kha jongu, ki la shah teh ha u dieng bad shah shoh ha ban da jem jai, ha ka sngi hat majai ba ladep bad ka daw, ka long tang namar ba u ia ieid bad kawei ka briew, kaba la don lok. Katei ka jingjia, ka dei ha Dhar District jong ka Madhya Pradesh.

Kiba shoh ia utei u briew, ki kynthup ia u lok jong katei ka briew bad nangta sa ar ngut ki samla kynthei, ki la shah ktah bad shah shoh, namar ba ki don bynta lem ha katei ka jing ia leh ieid jong utei u shynrang bad katei ka briew.

Ki don da ki spah ngut, kiba peit kai ia katei ka jingjia, hynrei, ym don mano mano ba iarap satia.

La iohi ruh ba ki don kiba nang ia rkhie, katba utei u briew bad kitei ki arngut ki thei samla, ki dang shah sympat.

Ki pulit ki la ujor pyrshah ia ki 9ngut ki briew, katba 4 ngut na kitei ki dang phet rieh ialade, ong U Sanjay Muwel CSP. U Muwel, u iathuh ba ka lok jong U Mukesh, uba dei u nongshoh, uba ialam ha khmat, ka la phet rieh bad utei u samla thymmai jongka, ha ki khyndiat sngi ba ladep bad kumta, ula ujor sha ki pulit, halor ka jingjah rngai jongka bad hadien ka jingwad, ula lap ia katei ka lok jongu bad kumta, ula phone ia utei uba ieid jongka, na ka bynta ban iakren, hynrei ynda haba utei u briew, ula poi ha katei ka jaka U Mukesh, u shoh ia utei uba ieid thymmai jong ka lok jongu bad nangta ula ktah kti bad leh jah burom ia kitei ki arngut ki khynnah kynthei ruh, kiba don bynta lem ha katei ka jingiadei jong kitei ki arngut.

↧

Buh pulit ka Meghalaya, ban pahara ia ka iing U Bah Michael ha Balakhwa

May 16, 2019, 6:53 am
$
0
0
↧

Ka tiar kaba T.25lak, ym pat pyndonkam. Don 100ngut kiba iap ha ka tnat Cardiology, naduh Kyllalyngkot 2018, ong U Director NEIGHRIMS

May 16, 2019, 8:33 am
$
0
0

Shillong: U Director ka NEIGRIHMS mynta ka sngi u la  pynpaw ia ka jingsngewkhia jongu, halor ka  khubor kaba kdew halor ka jingkhlad noh jong i nongpang klongsnam  i ba 52 snem ka rta. Halor kane u Director u la ong, “Kano kano ka jingiap ka dei ka jingjia ba sngewsih ia ngi, bad kum u khlieh jong ka Institution, ka dei ka jingkitkhlieh jong nga ban pyntikna ba uno uno u nongpang un ym iap, ia uba lah ban pynkoit.” Hynrei kaba sngewsih ka long ba don ki briew namar ka jingthmu ba sha lyndet ki ialam bakla ia ki briew, bad u la ong ba kum kane kam dei ban jia satia. Da kaba kdew ia ki jingkheiň na ka Medical Records Department, u ong naduh u Kyllalyngkot 2018, palat 100 ngut ki briew ki iap ha ka Tnad Cardiology na kaba kum kajuh ka jingpang ne ba ia syriem. Namarkata, ka long ka bym sngewtynnad ba don ki briew ki pynheh ia ka jingkhlad noh jong ine i nongpang na ki daw bym tip.

U la ong shuh shuh ba ka tiar kaba shongdor kumba 25 lak ia kaba la pan da ka Tnad Cardiology, ym pat ju pyndonkam mynno mynno ruh da kane ka Tnad, wat lada bun ki nongpang ki la khlad noh na ka juh ka jingpang ha ki por ba mynshwa. Bun na ki dawai bad ki jingdonkam la ai khlem donkam siew sha ki nongpang kiba duk, hynrei ia katto katne ki tiar kiba kham rem dor ki nongpang ki donkam ban thied.   Ia ka Amrit Pharmacy hapoh ka Institute la sdang ha u snem 2016 bad tang kawei ka jingthmu ban pynioh ia ki dawai bad ki tiar sha ki nongpang ha ka dor kaba biang. U Director u ai jingkhublei ia ki Faculty ka NEIGRIHMS ha kane ka por da kaba ong ba u la ioh ia ka jingiatreilang jong jan baroh ki Faculty ha kane ka liang. U la kular ba un dang iai bteng ia ki jingpyrshang jong u ban pynbeit pynryntih ia ka rukom treikam khnang ba kan long kaba sngewtynnad ia ki nongpang bad ia ki nongtrei ruh kumjuh.

U Director, u la pynpaw ruh sha ki Faculty ia ka jingpdiang ka Ministri ka Koit ka Khiah jong ka Sokar India ban pyntreikam noh man ka por ia ka Assessment Promotion Scheme ha  NEIGRIHMS naduh mynta u snem. Katkum ka shithi ha ka 2 tarik u Jymmang, 2019 ia ki phom (form) na ka bynta ka Assessment Promotion Scheme, yn khot man u snem ha u bnai Jymmang bad baroh ki Faculty kiba kot ia ki kyndon ba lah buh ki lah ban kiew kyrdan kiba kham hajrong. “Ka bor pyniaid ka lah bud dien bha ia kane ka bynta bad ka Ministri lah ar snem kynthih”, la ong u Director. Ki bor pyniaid jong kane ka Institute nalor ka jingiakhih na bynta ka hok jong ki nongtrei NEIGRIHMS ka don ruh ka jingsngewkhia ia ka jingai jingsumar na ka bynta ki nongpang ba duk jong ka thain Shatei Lam Mihngi. U la ai jingmut ruh ia ki Faculty ka NEIGRIHMS ban trei hok katkum ka jinglah jong ki khnang ba ka jingshaniah jong ki nongpang jong kane ka thain kan neh ha kane ka Institute.

↧
Viewing all 25623 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>