Ki kynthei kiba dei ki tnga jong ki heh BJP, ki ju tieng ba kin ia kynduh khah khah ki tnga jongki bad U Modi:Mayawati

May 13, 2019, 5:59 am

≫ Next: Dain ia u thylliej jong U Kamal Hassan, ong u myntri ka sorkar Tamil Nadu

≪ Previous: Ki nongrep bad ka Agriculture policy

Ka Mayawati, kaba dei ka nongialam ba rangbah duh jong ka BSP, ka la kynnoh mynta ka sngi, ba ki kynthei kiba dei ki tnga jong ki nongialam BJP, ki ju tieng bha, haba ki tnga jongki, ki ju ia kynduh khah ia U Narendra Modi bad ka daw, ka long namar ba ki tieng ioh ki shah pynshoi ha U Modi, ba kin ieh noh ia la ki jong ki tnga, kumba ula leh ialade.

“Nga ioh jingtip, ba kito ki kynthei ha ka seng BJP, kiba don ia ki tnga jongki, kiba shait ia kynduh khah khah ia U Modi, ki ju tieng bha, namar ba ki tieng ba kin sa iehnoh ia la ki jong ki tnga, kumba la leh U Modi” ong ka Mayawat.

Katei ka nongialam BJP, ka bthah ruh ia ki kynthei, ba kim dei ban vote ia U Modi, hynrei ki dei ban sngewlem ia ka tnga jongu, kum ka para kynthei, kaba la shah iehnoh bein ha u.

U Arun Jaitley, myntri pla pisa ka sorkar India, haba kynthoh halor katei ka jingkren jong ka Mayawat, ula kynnoh, ba katei ka briew, kam bit satia ba kan don ha ka kam shakri paidbah, wat la ka jingangnud jongka, ka long ban long myntri rangbahduh. Ka rukom trei kam jongka, ka rukom pyrkhat bad ka jingkren jongka, ka long kaba hiar kyrdan haduh katta katta bad khamtam ka jing kynnoh jongka, ia u myntri rangbahduh, ka pyni, ba kam bit satia ba kan trei kam paidbah, ong U Jaitley.

↧

Dain ia u thylliej jong U Kamal Hassan, ong u myntri ka sorkar Tamil Nadu

May 13, 2019, 8:06 am

≫ Next: Sei tuh T.31hajar na account SBI

≪ Previous: Ki kynthei kiba dei ki tnga jong ki heh BJP, ki ju tieng ba kin ia kynduh khah khah ki tnga jongki bad U Modi:Mayawati

New Delhi: U KT Rajendra Balaji, u nongialam jong ka seng AIADMK, ha Tamil Nadu, kaba dei ka seng synrop jong ka BJP, ula byrthen mynta ka sngi, ban dain noh ia u thylliej jong U Kamal Hassan, u actor ba khraw, namar ba u kynnoh halor ka kam lehnoh Hindu.

“Ia u thylliej jong U Kamal Hassan, dei ban dain noh. U pynmih kine ki jing kynnoh, tang ban ioh vote na ki rit paidbah. Ngim dei ban kynnoh ia baroh kawei ka kynhun, na ka bynta jong uwei u briew bad ka Election Commission, ka dei ban pynsaja ia utei u actor bad ban pynduh pyndam ia ka seng jongu” ong U Balaji, uba dei ruh u myntri ka tnat ri jingri ha ka Jylla.
U Hassan, uba dei u nongseng jong ka seng sain pyrthei, The Makkal Needhi Maiyam, ula ong ba U Nathuram Godse, u dei u lehnoh, uba nyngkong tam bad u dei ruh u hindu bad u dei utei uba la pyniap ia U Mahatma Gandhi.
Katei ka jingkren jong U Hassan, ka la pynmih ia shibun ki jingkren pynrem, ha kaba la kynnoh ba u kren ia ki kyntien kiba kwah ban pynpait pynpra ia ka jinglong ka sain hima sima ha kine ki sngi elekshon.
Ka BJP ruh, ka la ujor sha ka elekshon komishon, halor ka jingkren U Hassan bad la iathuh ba ula kren ia kitei ki kyntien ha Aravakurichi, kaba dei ka jaka, kaba ki dap smam, tang ki jait bynriew Muslim.

↧

Sei tuh T.31hajar na account SBI

May 13, 2019, 8:27 pm

≫ Next: Shibnai ai por ka KSU, ban pynduh jait ia ki trok bar Jylla sha War Jaintia

≪ Previous: Dain ia u thylliej jong U Kamal Hassan, ong u myntri ka sorkar Tamil Nadu

Shillong:U Bah Kynsai Edward Syndor, ula ujor ba ha ka 5tarik mynta u bnai, ka la don ka jingsei pisa tuh na ka account jongu, haduh hynriew sien, kaba shongdor T.31,752 bad katei ka dei ka pisa, kaba la sei na ka account jongu na ka State Bank of India.

↧

Shibnai ai por ka KSU, ban pynduh jait ia ki trok bar Jylla sha War Jaintia

May 13, 2019, 8:32 pm

≫ Next: Shoh bein ia ka tnga, namar ka dowri

≪ Previous: Sei tuh T.31hajar na account SBI

Shillong: Ka Khasi Students’ Union War Jaintia, hadien ba ka la iaid la bun bnai, na ka bynta ban beh ia kali bar jylla kiba don ha ki thain War Jaintia kiba kamai beain bad kit mawshun sha Bangladesh; kumta ki Nongkhaii ki la khot ia ka Seng sha ka miej jingiakren ha ka 11tarik Jymmang 2019 ha ka por 5:30 janmiet hapoh I.B P.W.D ha Dawki.
Ha kane ka jingialang la iadonlang u President jong ka War Jaintia Circle Samla Laitphar Syngkrem, Samla Ohibait Dkhar President KSU JHDU, Samla Leningrad Tariang Organising Secretary KSU JHDU, Samla Kindly Khyriem Finance Secretary KSU WJC, Samla Lurman B. Talang General Secretary KSU WJC bad la ia don ryngkatlang bad u Officer Incharge jong ka Dawki Police Station.
Ha kane ka jingialang na ka liang ka Seng, la kren da u Samla Laitphar Syngkrem bad Samla Ohibait Dkhar, ha kaba ia kane ka mat ki la ialeh naduh 2018, namar ka buh jingeh kaba khraw ia ka thain War Jaintia baroh kawei lyngba ka jingbun kine ki trok bar jylla. Ha kane ka jingiakren la don shibun ki nongkhaii, kiba la pan por na ka seng, namar ba ki la ai pisa (advance) ia kine ki kali ba ki shim na ki bar jylla khnang ba kin lah ban pyndep ia kane jingshimwai. Ki la kular ia ka Seng ba kin ialeh katba lah ban pynduh jait ia kine ki trok bar jylla, lada ka Seng ka aipor ia ki, wat lada dei kiba biang ki kot ki sla ruh kin ym shim shuh ia ki trok ba nabar.
Ka Seng kumba la rai ha ka jingialang ba la dep jong ka ba ki paradoh para snam kiba kamai hapoh ka thain kim dei ban duh ka kamai kajih bad halor kane ka Seng ka la ai por shibnai ia ki Nongkhaii, kumba ki la kular ba ki dei ban pynkhuid noh ia kine ki trok bar jylla hapoh ka thain War Jaintia baroh kawei. Ka KSU War Jaintia ka ai khublei ia u Samla Ohibait Dkhar President jong ka Jaintia Hills District Unit bad baroh ki dkhot kiba la wan iaraplang bad ia ki nongkhaii baroh kiba la pdiang bad kubur ba kane ka ishu, ba shim da ka Seng kadei kaba ktah shisha ka ka Ri bad ka Jaitbynriew baroh kawei, ong ka kyrwoh na u Samla Lurman B. Talang General Secretary KSU WJC.

↧

Shoh bein ia ka tnga, namar ka dowri

May 13, 2019, 8:35 pm

≫ Next: Leh burom ka Mawthoh Myrdon District, ba shongthait u Pastor L.S Nongphlang

≪ Previous: Shibnai ai por ka KSU, ban pynduh jait ia ki trok bar Jylla sha War Jaintia

Shillong:La ujor sha ki pulit ba ka Smt. Sima Deb, ka khun kynthei jong U A Sutradhar, uba na 4th Furlong, Polo, Shillong, ka la ia poi kha beain bad u Shri Rajan Deb, ha ka 31tarik Jymmang, 2016 ha ka niam Hindu.

Hadien ba ki la dep ia poi kha, u tnga jongka, ula shoh la dat ia ka, ha ka 15tarik Nailar 2016, ha kaba u tnga jongka, U Rajan Dev, u kong kynsi jongka, U Nishit Deb bad ka kurim jongu, ka Joba Deb, ki la pyndik bad ktah kti ia ka, namar ba ki dawa ia ka dowry na ka iing jong katei ka nongiathoh ka Sima Deb.

↧

Leh burom ka Mawthoh Myrdon District, ba shongthait u Pastor L.S Nongphlang

May 13, 2019, 8:38 pm

≫ Next: Ngi pan ktem pulit ha ka por U bah HDR, u ai pynban ha Sohiong, ong U Joint Secretary ka Hima Nongspung

≪ Previous: Shoh bein ia ka tnga, namar ka dowri

Nongpoh: Ki Hynniew tylli ki Balang Presbyterian hapoh ka Mawthoh Myrdon District, kiba kynthup ia ka Balang Mawlyngkhung, Banbudai, Nongbah Myrdon, Rtiang, Thad, Sohliya bad Mawtari Myrdon, hynnin ka sngi u Blei, ki la pynlong ia ka jinglehburom ia u Pastor L.S Nongphlang, u Pastor Rangbah uba la shongthait noh, hadien ba u la ai ia ka jingshakri kaba da ki phew snem bad khamtam eh kum u nongpeit nongkhmih ia katei ka District.

Ia katei ka jingleh burom halor ka jingshong thait utei u Pastor Rangbah, la pynlong ha Iingmane ka Balang Presbyterian Mawtari Myrdon, ha kaba la wan iashimbyntalang naduh ki Pastor, ki Tymmen Basan, ki Rangbah Balang, ki paid riewngeit ka Balang Presbyterain jong kitei ki Hynniew tylli lem bad kiwei kiwei.
Ha katei ka jingleh burom, kiba bun na ki riewngeit ka Balang Presbyterain jong kitei ki Balang, ki la pynpaw ia ka jingbynnud bad ruh kiba la jaw ummat, namar ba ki sngewlung mynsiem bad bynnud palat ba utei u Pastor un shongthait noh.
Khyndiat shaphang utei u Pastor Rangba bad uba dei ruh u Pastor ba nyngkong tam jong ka Mawthoh Myrdon District, u la shah Ordain kum u Pastor naduh u snem 1983 bad naduh kitei ki snem, u la ai ka jingshakri kaba bha ia ki paid riewngeit ka Balang Presbyterian jong kitei ki hynniew tylli ki Balang bad tad haduh ba un da shongthait noh na ka kam Pastor.
U Pastor L.S Nongphlang, nalor ba u ai ka jingshakri sha kitei ki Hynniew tylli ki Balang, u la bat ruh ha kiba bun ki kam ha ka Presbyterian Church of India, ha kaba u la long kum u Junior Secretary, Senior Secretary bad kum u Executive Member kat haduh mynta u snem.
Ha kitei ki snem kiba la leit noh baroh, u Pastor L.S Nongphlang, nalor ki kam kiba u bat ha ka PCI, hynrei u la bat ruh ia shibun ki kam hapoh ka Ri Bhoi Synod, kata la ka long ha ka Presbytery bad C.E Union. U la long ruh u nongkitkam hapoh ka NEICC, ha ka Governing Body ka UCC College, u dkhot ha ka JRTS Mawklot lem bad kiwei kiwei.
U Pastor L.S Nongphlang, u la ioh ruh ban mihkhmat na ka PCI sha kiwei pat ki Ri ka pyrthei kum sha Netherland, Bangladesh lem bad kiwei de ki Ri ka pyrthei.
Ha katei ka Farewell kaba hynnin ka sngi, ki nongkitkam hapoh ka Mawthoh Myrdon District, kata naduh ki Tymmen Basan, ki Rangbah Balang, ki senglongkmie, ki la ai da ki jingai sngewbha sha utei u Pastor Rangbah ym tang ha ka Mawthoh, hynrei ha ka Ri Bhoi hi baroh kawei.

↧

Ngi pan ktem pulit ha ka por U bah HDR, u ai pynban ha Sohiong, ong U Joint Secretary ka Hima Nongspung

May 13, 2019, 8:40 pm

≫ Next: Halor ka jingshah siat iap U Bah Romeo, don ka jingsuba ia ka HNLC

≪ Previous: Leh burom ka Mawthoh Myrdon District, ba shongthait u Pastor L.S Nongphlang

Shillong: Myn hynnin ka sngi, U Rupang u la ioh ban iakren bad U Joint Secratary ka Hima Nongspung,U Bah Philemon Kharmyndai. Ha ka jingiakren, ula iathuh ba haduh mynta kim pat tip tikna la ki la rajistar kes ne em pyrshah ia U Bah Michael Warjri, namar kim pat ia kynduh ia U. u la ong ba ka sienjam kaba kum ka Hima ka kwah ka long ban iai pyn kynmaw na ka por sha ka por ia ka sorkar ban buh noh ia ka ktem pulit ha katei ka thain khappud khnang ba ki paitbah jong katei ka thain kin shngain.
U la ong ruh ba u MLA jong ka Mawphlang ,U Bah SK Sun ruh mar syniatip iakane u la ia leit lang haduh katei ka jaka, ha Balakhawa ha ka 10 tarik Jymmang,2019 ban peit da la ki jong ki khmat, namar ka jaka treikam jong ka Hima Nongspung ka dei ha Nongspung,ka ba hap ruh ha poh ka konstitwensi Mawphlang bad mar mar u la thoh ia ka shithi sha U Myntri Rangbah ka jylla Meghalaya ,nangta sha u shongknor jong ka sorkar Jylla bad sha U C E M ka KHADC ban kyntu ia ki ba kin shim khia ia kane ka kam bad ban buh noh kyrkieh ia ka ktem pulit ha ka tei ka thain.
U la ong ruh,”Kumba ngi ju shim khia na ka por sha ka por ban kyrpad ia ka sorkar ban buh ia ka ktem pulit hangtei, hynrei ha ka por jong ka sorkar ba la leit noh,ha ka por ba long Myntri kam pohing U Bah HDR Lyngdoh ngi la dawa,hynrei u la buh pynban ha Sohiong ka jaka ba shngain”. U la kren ba u sngewdiaw ba ka jaka ba i donkam kim leh patiaw. U la pynpaw ruh ba kum ka Hima ki hap shim khia namar ba u Bah Michael Warjri u dei u nongkitkam jong ka Hima naduh u snem 1965 bad ba ka jingduh nong jong ngi ka long ba ki kot ki sla ki don bad u,wat la teng teng ka Dictrik konsil ka buh acting Sekretari da kiwei ,hynrei ki por ki ba bun hi ki dei ma u, u Sikretari.U la iathuh ruh ba na kapor sha ka por ki ju ia leit sha Balakhawa, namar haba don kino kino ki jingeh u ju pyntip sha ki bad ki don ka jing iatreilang,la iaki kam ba iadei sha ka jylla lajong ne shano shano ruh.
U la iathu ruh ba ka jingeh jong ka Hima ka dei namar ba ka sorkar jylla kam ju pynsngap iaki jingeh ba ka Hima bad u paitbah ki ju ud man ka por.Namar ka sorkar Assam ka wan ban tyrwa ia ki jingmyntoi sha ki briew jong ngi ki ba shong hangto,kum ka light ki ioh konekshon ei,ka um ruh ki pynbiang,nangta ki surok ruh ki pynshna bha,te ki briew ki donkam ia kine baroh.U la ong ruh,”Ha ka por ba long Chief secretary U Bah PBO Warjri,ki la leit pynieng ia ki pos elektrik bad wah tang ki sainar ,hynrei ka ding pat kam don.Te haba ki paitbah pat ki donkam ia ka lait.Haba ngi phun ia U Bah Michael u la iathuh ba ka la wan ka lait,hynrei sngewsih ba tang shi taiew ar taiew pat ka lip noh bad khlem don shuh ba wan peit bad u la ong ba ka shem jingeh ia ki ban bud dien kumba sharai masi”.Shuh shuh,u la iathuh ba ka Hima ka la kyrpad ia ka sorkar Meghalaya ban maramot noh iaki lai tylli ki jingkieng jong ka surok ha Ranibari,ha Muduki bad hangto ha Balakhawa ka la jia kumto,hynrei kim shym pynsngap satia.Namar kito ki briew ba shong ha kito ki lain kim dei ki khasi bad kim dei ba ki wan shong hadien ba ai jaka ka Hima,hynrei, ki la shong naduh mynshwa.Haba ki donkam ia ki jingmyntoi kim ioh,te nga tharai ki leit kypad ia ka Assam ka sa wan ai ki kam pynroi hangto.Haba la kylli ba ki kwah kam pynroi na Assam bad Meghalaya ruh,u la ong ,Em ki kwah na Meghalaya, hynrei namar kim ai,ka paw kumta ki sa pdiang noh na Asam, namar ka Assam ka pynkloi ban ai.”

↧

Halor ka jingshah siat iap U Bah Romeo, don ka jingsuba ia ka HNLC

May 13, 2019, 8:42 pm

≫ Next: U Dr. Mukul u dei ban pynshai

≪ Previous: Ngi pan ktem pulit ha ka por U bah HDR, u ai pynban ha Sohiong, ong U Joint Secretary ka Hima Nongspung

Shillong: Ka don ka jingsuba jur, ba U Bah Romeo Lyngdoh, u la shah siat iap ha ki dkhot jong ka HNLC. La ngeit ruh ba utei u rangbah, u shah siat da ka suloi kaba khlain bha, kaba lah ban dei ka AK 47, namar ba ha ka por ba u shah siat, ka jingsawa ka long kaba jur bha ha kaba la iohsngew da kiba bun ha ka shnong Lapalang.
Wat la ia ka daw, ym don ba tip satia, kaba la pynlong ia ki dkhot jong katei ka seng kaikhlaw, ba kin wad kput ia U bah Romeo, hynrei la pynthikna ba kiba pyniap ia U bah Lyngdoh, ki dei ki briew kiba nabar shnong, ha kaba ha ka por ba ki leit sha katei ka shnong, ki wan na shaneng jong ka shnong Lapalang, katba ynda haba ki la dep siat pat ki hiar sharum jong ka shnong bad ki iaid sha ka thain jong ka shnong Nongthymmai.
La iathuh ruh ba ki don ki samla shnong, kiba la pyrshang ban iakren bad kitei ki nongsiat, hynrei, ki la shah byrngem pynban bad kumta, ki samla kiba ieng kai ha surok, ki la hap ban shu sngap ialade, namar ba ki dei ruh ki briew kiba don bad ki tiar siat.
Ki nongshong shnong, kiba la ioh iakren bad U Rupang, kim shym la tip satia, la kitei ki nongsiat ki don tiar siat baroh lai ngut ne ioh ka dei beit tang kawei ka tiar siat bad la iathuh ba na kitei ki lai ngut, ki arngut ki ieng ha pajih, katba uwei, uba la suba, ba u dei uba siat iap ia U bah Romeo, u rung ha phyllaw bad u dei ruh uba leit khot ba un mih shabar.
U bah Romeo (52), u dei u briew uba trei kam lajong bad ula shah siat iap, ha ka miet jong ka 12 tarik u Jymmang 2019 ha ka por 10 baje mynmiet eiei. Une u rangbah, u dei uba shong sah ha Lapalang, harum Pynursla. La iathuh shuh shuh ba hadien katei ka jingshah siat, utei u rangbah, u la don ha ka jingmynsaw kaba jur, wat la um pat shym la khlad satia, hynrei, ula khlad noh pat ha ka por ba dang leit rah ia u sha Hospital.
Ki pulit ki la rah ia ka met une u rangbah sha Civil Hospital ban leh ia ka post mortem bad ka jingtohkit ka dang iaid shakhmat.

↧

U Dr. Mukul u dei ban pynshai

May 13, 2019, 8:46 pm

≫ Next: La thikna ban pyniasoh U Hazard sha ka Real Madrid

≪ Previous: Halor ka jingshah siat iap U Bah Romeo, don ka jingsuba ia ka HNLC

Ban shu kynnoh ia kiwei imat kaba suk bha ia ki rangbah Congress, hana ba kane ka Sorkar kabym don jingkit khlieh ia ki kam iakajia pud.

Hap ban pynkynmaw ia kine ki rangbah, ba kumba 38 snem ka sorkar Congress ka la pyniaid ia ka jylla Meghalaya. Ha Delhi lei, palat 50 snem synshar ka Congress, ha Assam ruh kumjuh. Aiu ki la leh kine ki nongsynshar Congress katta phew snem?

La kumno-kumno, ha ka por ka Sorkar AGP jong u Shri P.K.Mahanta bad ka sorkar UDP u Bah E.K.Mawlong, baroh arngut ki Chief Minister kila pynim bad khyllie ia kane ka kam pynbeit pud hapdeng ka Assam bad Meghalaya. Baroh arngut ki la leit jngoh ruh ia kita ki jaka ba iapher jingmut, da kaba ki her na suin ruh na madan ruh.

U Dr Mukul Sangma pat, khlem da kdew ia kiwei ki Chief Minister Congress, ma u marwei ula long Chief Minister ka Meghalaya la arwat (2009 haduh basdang u 2018). U dei ban pynshai ula leh aiu, haba ula kdew ia kiwei de?

B.M.Lanong

↧

La thikna ban pyniasoh U Hazard sha ka Real Madrid

May 13, 2019, 8:53 pm

≫ Next: Ki kam pyniap briew ka NEIGHRIMS

≪ Previous: U Dr. Mukul u dei ban pynshai

Ka Real Madrid, ka sngew thikna ba kan ioh ban pyrung ia U Eden Hazard ha kane ka kynti sha katei ka Club.

U Hazard, uba dei u nongialehkai ba snar jong ka Chelsea, la sngewthuh ba u kwah bha ban ia treilang noh nangne shakhmat bad U Zinedine Zidane, uba dei u nonghikai jong ka Real. Ki lad khubor ki iathuh ba ka Real Madrid, ka la mynjur ban siew ia U Hazard, ha ka dor kaba £87m.

La sngewthuh ba U Hazard, un pyniasoh ialade sha katei ka Club, hadien jong ka jingialehkai Europa League, ka ban long ha ka 29tarik Jymmang 2019.

Ka Chelsea, la sngewthuh ba kan duh ruh ia uwei pat u snar ialehkai jongki, U Callum Hudson-Odoi, uba la ap khmih lynti bha da ka Bayern Munich.

↧

Ki kam pyniap briew ka NEIGHRIMS

May 13, 2019, 9:06 pm

≫ Next: “U Diengdumbur”

≪ Previous: La thikna ban pyniasoh U Hazard sha ka Real Madrid

Ka la don ka jing kyrmen kaba khraw jong ka thain shatei lam mihngi bad khamtam ia u paidlang jong ka Ri Khasi Jaintia, lyngba ka jingwan ka NEIGHRIMS, kaba dei ka hospital ba khraw jong ka sorkar India bad katei ruh ka la long kaba shisha, haba la iohi, ba katei ka hospital, ka la nang iaid bad ka la ai jingkyrmen ia shibun ki riew paidbah kiba duh ba jynjar bad kiba don ha ka jingkutlad ha ka koit ka khiah jongki.
Hynrei mynta ha ki khyndiat bnai ba ladep, la iohi ba katei ka hospital, ka la paw da ki kam kiba sniew suda (pynban) ha ka jaka jong ki kam kiba bha, kiba ka dei ban ai nuksa sha kiwei pat ki hospital bapher ha ka nongbah Shillong bad ha ka thain shatei lam mihngi baroh kawei.
Kaba sngew jli sat bad kaba lah ban pynjot syndon ia katei ka hospital, ka dei, haba la mih kata ka jing ujor, ba ki nongpang ki leit sah ha katei ka hospital, na ka bynta ban iap bad kam dei satia, na ka bynta ban ioh biang ia ka jingkoit jingkhiah bad lada ka long ha katei ka dur, katei ka hospital, kan sa mad ia ki niang kynjah ha ki khyndiat bnai ban sa wan, namar ba nalor ba ka jngai, hynrei sa ka jingleh torti kaba la palat liam.
Ka sorkar Jylla, ka la shim khia ia katei ka kam bad wat ka Meghalaya High Court, ka la shim la ka jong ka bynta ban pynbeit ia katei ka kynrum kynram, hynrei, la iohi pynban, kumba ka ksuit kan iai neh hi ka ksuit bad kan nym long kaba suk ban tah dawai, da ki bym dei ki doktor.
Ha ka Lah Sngi U Blei, ka la mih sa kawei pat ka seng, kaba la leit khang tala syndon ia ka kamra jong U Director jong katei ka Hospital bad katei ka la nang pyni shai ba ka jing ijli ia ki kam jong ki bor pyniaid, ka la nang ingkhong ha ka mynsiem jong kiba bun ki trai shnong ha kine ki sngi.
Ki ar tylli ki bor kiba ha khmat duh, kiba kynthup ia ka sorkar Jylla lem bad ka kashari, ki la dei ban shim namarkata ia ka bynta kaba kongsan bha, ban pyniaid beit ia katei ka hospital bad ha kajuh ka por, ki la dei ban kynjat noh ia kito kiba long pynban ki maw jynthut ia ka jingtrei kam jong katei ka hospital sorkar bad ban tian bishar ruh halor ka kam torti jongki, kaba la pyniap ei ia ki mynsiem kiba leit shah sumar. [rms]

↧

“U Diengdumbur”

May 13, 2019, 9:09 pm

≫ Next: Hadien 10 snem, pynrem ka kashari ia u nong lehbor

≪ Previous: Ki kam pyniap briew ka NEIGHRIMS

AIS Suja

U diengdumbur u long u dieng uba don ki soh um da dei uba heh, u mih bha kum sha Ri Israel bad ha kiwei pat ki bynta ne Ri ka pyrthei, ha ka phareng ki khot “Fia Tree”. Ki long kynja diengsoh. Une u diengdumbur u shait khie lung ha kiba kut ki por pyrem ha shuwa ba kan wan ka lyiur.

Te shisien katba u Jisu u dang don hangne ha pyrthei, ha Israel u la leit phai sha shnong dang step, u hap ban iaid da ka kjat namar ym pat don kali ta ka por. U Jisu u la sngewthngan eh kum u briew. Harud lynti u iohi ia u diengdumbur, u la leit hajan ban kheit soh ban bam, te um shem ei ei ruh hynrei tang ki sla. U Jisu u la sngew bitar eh ba u thngan kum u briew, dei hangta u Jisu u la tim ia u diengdumbur u da ong – u soh un ym long shuh ha me lano lano ruh. Kumne kumne uta u diengdumbur u la iap tyrkhong noh!” Mathaios 21:18-22.
U Jisu haba u kren ia kane, u thew ruh ia ka hima Israel, bad uta u diengdumbur u dei ka Israel. Bad kam da mut haduh katta katta ba u Jisu u duh ban bam soh na u diengdumbur ba un tim ia u ha ban da iap. Hynrei kum u briew bad kum u Blei, u Jisu u kren ia kaei kaei kaba ki synran ne ki briew kim peiphang hynrei u thew beit beit ia ka Israel, haba u kren kumne.
Naduh kaba sdang hi, u Blei u la maham ia ki Israel. U ong lada phin kohnguh phin ioh ki jingkyrkhu bad lada phim kohnguh, phin ioh ka jingtim (cursing). U Blei u kular halor jong ki Israel ba lada kin kohnguh bad pdiang ia ki ain jong u Blei, u Blei un pyllong ia ki ‘ka khlieh, ym ka tdong: halor, ym hapoh; Deuteronomi 28:13. Hynrei lada kim kohnguh, ka jingtim kan wan halor jong ki. Kumta ki Israel ki la jied ia ka jingtim (cursing) ka jingtim ka la ngat ha ki, la pynsakma kylleng ia ki. Deuteronomi 28:15-25.

Haba u Jisu u la wan sha kane ka pyrthei u shem ia kane ka juh ka jinglong jong ki Israel – ka jingbymngeit kat haduh ba la pyllong ia u Jisu ban iam ym na ka bynta ialade hynrei ia ka Jerusalem. Mathaios 23:37-38.

Ha ka por ba u Jisu u rung ha Jerusalem,u paidbah u la ia pyrta – “Hosana Hosana ha kiba jrong tam eh. Haba la khih win, kiwei pat ki kylli uei une? Ki jubab – U Nongiathuhlypa uba na Nazareth ha Galilaia” Mathaios 21:9-10. Ki khlem ong ba u dei u khun u Blei ne u Messiah, hynrei ong pynban u Nongiathuhlypa (Prophet). Ki Israel ki la leh ha la ka mon ka ngeit la jong, ki iaid ha ka jingsngew niam jong ki bad kyntait ia u Messiah jong ki. Dei halor kine kiei kiei baroh, la pyllong ba u Jisu un tim ia u Diengdumbur kum ka dak ka jingtim ia ka jaid bynriew Israel kaba eh dohnud. Ki Israel ki la jied hi ia ka jingtim bad ym don soh don sla shuh ha ki, ki la sakma kylleng bad ki la iap tyrkhong kum uta u Diengdumbur. Ki la duh ruh ia la ka Ri. La synshar halor jong ki da kiba bun ki Syiem ki hima pyrthei kawei hadien kawei pat. Ki laduh ruh wat ia ka Temple jong ki ka Temple kaba Ar haba la thang pynjot ia ka khlem da iehnoh maw halor u maw. La pynjot thiaw ha u snem 70 A.D, haduh mynta ki Israel kim pat ioh Temple ban leh niam mane Blei.

U Blei uba dap da ka jingieit ia ki Israel u la thaw ka lad ka lynti u la phah ha ki Prophet ba shisien ka sngi ki Israel kin ioh leit phai biang sha la ka Ri. Ha u Amos u Blei u ong – “Te ngan pynwan pat ia ka jingpynwir ki briew jong nga, bad kin tei pat ia ki shnong ba la jot, bad kin shong ha ki; bad kin thung ki bri sohwain, bad kin dih ia ka wain jong ki, kin thaw ki kper ruh bad kin bam ia u soh jong ki; bad ngan thung thung ia ki ha la ka Ri bad yn ym rat noh shuh ia ki na la ka Ri kaba na la ai ha ki, ong u Trai u Blei jong me”. Amos 9:14-15.

Kane ka long ka jingiathuhlypa ha u Amos ia kaba la pyndep namar shisha u Blei u la leh kumba u la kular halor ki Israel, kata ba naduh u snem 1948 ki Israel ki la ioh ia la ka jong ka Ri bad ka UNO ka la pynbna ia kane. Ki nong Israel ki la wan phai na kylleng ki Ri ka pyrthei sha kiba la pynwir ia ki wat nangne na India ruh. Mynta ki la don ha la ka Ri Israel, ki la tei la shna ki la thung la tep bad ka la long ka hima Israel kaba khrawbor mynta ha ki liang baroh. Ka Israel mynta ka lon ka hima khlain bor wat ha ka liang ka science and Technology bad ki kam Tourist.

Ha u Isaiah ruh la ong shaphang kane ka bynta “Ka Ri khlaw bad ka jaka kynjah ruh kin sngewbha ……. Ha ki khlaw ki um kin kyrsoi, ki wah duid ha ka Ri shyiap, u shyiap uba shit phyrnai un long ka pung. Isaiah 35:1-7. Kane ka long mynta kumta.

Kumta, ngi long kata ka pateng kaba iohi ia ka jingkhie lung u Diengdumbur hadien ba la tim ia u. Na kata ka daw u Jisu u ong – “To nang ia ka pharshi na u Diengdumbur”. Ka mut ka jingtim ia u Diengdumbur ka long ka pharshi ka jingtim ia ka Ri Israel bad ba ka la jied hi ia ka jingtim (cursing).

Mynta pat u Jisu u ong – “To nang te ia ka pharshi na u diengdumbur haba ka tnat jong u ka la khie lung bad sei sla – phi tip ba ka Lyiur ka la jan” Mathaios 24:32.

Ka Israel, kum u diengdumbur ka la khie lung bad sei sla naduh u snem 1948 bad ka la long 61 snem mynta, bad haba une u diengdumbur (Israel) u la khie lung bad sei sla, ka mut ba la Lyiur ka la jan. ka Lyiur ka thew ia ki por kiba eh ki por ba u slap ka um saw ki wan ban rong noh ka long ka por ka jingma jingeh bad kumta ter ter.

Kaei kaba don ha khmat mynta ka long ba ka lyiur kan wan noh, ki por ba shitom jynjar. Kane ka lyiur kan sdang tang shu pynieng ia ka Temple ba Lai ha Jerusalem. U Jisu u ong – “Haba phin iohi ia kine kiei kiei, to tip ba ka long hajan, ha ki jingkhang” Mathaios 24:32-33.

Tang shu pynieng pat ia kata ka Temple Ba Lai ha Jerusalem, kan long noh ka lyiur, bad ha kane ka Temple u mrad khlaw un shong u ba long ruh u Khrist lamler u briew ka pop u ksuid u soitan, u da leh Blei ialade. 2 Thessoloni 2:1-4. Dei hangne ka don kata ka jingijli ba pynduh (Abomination that causes Desolation) ba la ong shaphang jong ka da u Daniel u nongiathuhlypa ba ka da ieng ha ka jaka kyntang (Temple) … naba hangta ka kordit bah kan long (ka lyiur) kaba ym pat ju long naduh myndanglong ka pyrthei lymne kan ym long shuh ruh” Mathaios 24:15-21. Kan long ka jingtynjuh ia u Deingdumbur bakhraw. Jingpynpaw 3:10.

Ka jingtim ia u Diengdumbur ka la dep ka jingkhie lung. Mynta kan wan ka Lyiur, “Kane ka pateng bynriew kan ym leit noh tad ynda la pyndep ia kine kiei kiei baroh”. Mathaios 24:34. Ka mut ba ka pyrthei kan ym pat wai tad ynda la pyndep ia kane ka LYIUR ka por ka jingjynjar bah. Ka por ha kaba u Mradkhlaw un shon shap ia ki briew ha ka kti ka Mon ne Shyllangmat da u Number 666. Jingpynpaw 13:15-18. Kan long ruh ka por Jingrongnoh bad ka por Jingmihpat kiba iap. 2 Thessoloni 4:13-17.

Kine kiei kiei baroh kin jia shen katkum ki dak ha pyrthei mynta. “Ka bneng bad ka khyndew kin sa leit noh, hynrei ki ktien jong nga KIN YM LEIT NOH SATIA” Mathaios 24:35. Ka mut ba ki ktien kiba u Jisu u la kren ki jia long thik kumba la kren, bad yn pyndep.

Namar kata – “Suk uta uba pule, bad kita kiba iohsngew ia ki ktien jong kane ka JINGIATHUHLYPA, kiba sumar ia kita kiei kiei ba la thoh ha ka – NAMAR KATA KA IA KA LA JAN” Jingpynpaw 1:3. Amen.

↧

Hadien 10 snem, pynrem ka kashari ia u nong lehbor

May 14, 2019, 8:47 pm

≫ Next: 70 percent la dep ka kam um ha Mawphlang, lap U Bah Process

≪ Previous: “U Diengdumbur”

Nongstoiñ: Ka kashari jong ka Special Judge POCSO Court West Khasi Hills ha ka 24 tarik Ïaïong, ka la rai pynrem ia u paieid u ba la leh beijot ia la ka jong ka khun ksiew da kaba phah set phatok haduh 3 snem 5 bnai bad 26 sngi ryngkat ka kuna kaba T. 10 hajar tyngka. Hadien kata sa ka kashari jong u Session Judge ka West Khasi hills, ka la rai pynrem biang sa ia u wei u runar u ba la tip kyrteng kum u Aboriginal Byrsat 44 snem, u ba la leh beijot ia ka khynnah samla kaba dang 16 snem, la 10 snem tam mynshwa.
Katkum ka hukum ba la pynmih da ka Court jong u Session Judge, ha ka 6 tarik mynta u bnai la ong ba katei ka jingjia, ka la jia naduh ka 2 tarik u Risaw jong u snem 2008, ha kaba utei u runar u la rahbor ia katei ka khynnah samla da ka jeep ka jong u hi bad kit sha kawei ka jaka kaba la tip kum ka Phodkynthei bad leh ia katei ka kam runar bad ia u tei u runar hadien ba la ioh ban kem la register ruh ia ka case katkum ka Nongstoiñ PS Case Number 91(10) 2008 bad la pyngat kyndon ruh ia u hapoh ka kyndon 376/363.
Shuh shuh la ong ruh ba ha ka jingiakhun ia ka mukotduma na ka liang jong utei u runar ruh uba la buh ia la ki jong ki nongiasaid ain ban iasaid na ka bynta jong u bad hadien ki jingbishar kiba bniah bha na ka liang jong ka ïing bishar ka la lap ba u tei u runar u la leh shisha ia katei ka kam runar ka jong u kumta na ka liang jong ka ïing bishar, ka la rai pynrem noh ia u tei u runar da kaba rai ban phah set phatok haduh 7 snem ha ryngkat ka kuna kaba T. 20 hajar tyngka.

↧

70 percent la dep ka kam um ha Mawphlang, lap U Bah Process

May 14, 2019, 8:54 pm

≫ Next: Kylla ka kali puh shilum ha 3mer shiteng

≪ Previous: Hadien 10 snem, pynrem ka kashari ia u nong lehbor

Shillong: U Bah Process T Sawkmie, u la leit hiar myn hynnin ka sngi ha Mawphlang ban peit bad ia kynduh ia ki ophisar jong ka tnad sam um na ka bynta kane ka Phase III bad ban tip ia ka jingeh halor ka jingkyrduh um ki nongshong shnong jong ka Mawlai bad kiwei kiwei de ki shnong ki ba myntoi na katei ka Top um ha Mawphlang, ha kaba la donlang ruh U Superintending Engineer,Electrical ka PHE shillong circle, u Bah C.Marngar, U E.E.PHE Electrical,Division Mawphlang circle,U Bah B.L.Lawai, Ka Kong Sadakani Pyrtuh ka SDO PHE Mawphlang.

U Bah Process T.Sawkmie u la pynpaw ruh ia ka jing khublei ia ki trai jaka ha Lad mawreng ba ki la kloi ban ai kylluid mynsiem ia katei ka jaka. U la pynpaw ruh ba ka sorkar ka donkam ia ki paitbah kumba ki paitbah ki donkam iaka sorkar.Namarkata, donkam ban pyrkhat ruh na ka liang ka sorkar ruh ia ka jingduh nong u paitbah.
Ha ka jingia kren jong u bad u nongthoh khubor,u la ong ba hadien ba ki paitbah ki la ibit ban jied biang ia u ban long kum u nongmihkhat jong ki,u kham pynleit jingmut kumno ban shakri ia ki paitbah ka konstitwensi Mawlai bad kyllum lang ruh ia ka jylla baroh kawei.U la ong ba um shym long nongmihkhmat ym tang jong ka Konstitwensi Mawlai, hynrei na ka bynta ka jaidbynriew bad ka Jylla kumjuh.Kaba pynlong ia u ba un ym hun ne suk ban shu shong kli kti,wat la u la ju iatai iaki ba bun ki jingeh ha poh Asembly ruh.”Ka daw bala pynlong ianga ban wan jurip ka long namar ka jingeh ba ki paitbah kim ioh um ha ki ing ki sem jong ki” ula ong.
Shuh shuh,u la iathuh ba ka daw ka long ba ki trai jaka ha Ladmawreng kim shym shah kham mynshwa ban pyniaid ia u pait um na ka kper jong ki.Hynrei hadien ba ki ophisar ka tnad sam um ki la ia pynbeit ki la shah bad mynta kumba shitaiew ki la ioh ban sdang ia ka jingtrei.
Shuh shuh,la iathuh ruh ba ka wei pat ka daw ka dei namar mynta la shisnem ka ophis shipai ba don ha Rhino kam shym ai lad ban trei lyngba ka jaka jongki,namar ki ong ba hap ban ioh jingbit na ka ophis Kmie.Nangta la pynpaw ruh ba ha kaba iadei bad ki jaka jong ka tnad PWD,ka tnad ka la kular ban hap siew bai lut ksan ne maramot ia ki surok ba dei iaid lyngba.
Haba la kylli ba lano ki paitbah kin ioh ban pyndonkam ia kane ka um, U SDO u la iathuh ba ia ka por ym lah ban tip,hynrei ka jingtrei ka la dep kumba 70% namar ba ka jingtrei ka la iaid shait shait mynta.
Shuh shuh la iathuh da u S.E Electrical ba na kane ka top um yn lah ban sam um kumba 135 litar shi sngi na bynta uwei u briew bad 8 million litar shisngi ban pyllait na katei ka Top um.

↧

Kylla ka kali puh shilum ha 3mer shiteng

May 14, 2019, 9:01 pm

≫ Next: 8 bnai mynshwa, ngi la dawa kynriah ia u director ka NEIGRIHMS: Hek

≪ Previous: 70 percent la dep ka kam um ha Mawphlang, lap U Bah Process

Shillong: Mynta ka step, ka la don ka jing kylla jong kawei ka kali puh shi lum ha ka khongdong surok ha 3mer shiteng, Upper Shillong bad katei ka la pynmih ia ka jingdheng kali kaba jur na ka bynta katto katne por.

Ki pulit pyniaid kali, ki la wan poi mar mar sha katei ka jaka bad ki la pynkhlad noh ia ki kali kiba hiar na ka surok Sawmer bad katei ka la pyn jynsur noh kloi ia ka jingdheng kali, kaba la dei ban neh slem bha ha katei ka surok bah.

↧

8 bnai mynshwa, ngi la dawa kynriah ia u director ka NEIGRIHMS: Hek

May 14, 2019, 9:04 pm

≫ Next: Mih sa kawei ka kotkhubor na nongbah

≪ Previous: Kylla ka kali puh shilum ha 3mer shiteng

Shillong: U myntri ka tnad ka koit ka khiah ka jylla, u bah AL Hek u la ong ba ma u lem bad u myntri rangbah ka jylla u Conrad K Sangma, kila dep iakynduh ia u myntri ka tnad ka koit ka khiah ka sorkar pdeng u JP Nadda ban pynkynriah noh ia u director ka NEIGRIHMS u Dr DM Thapa.
Katkum ka jingong u bah Hek myn hynnin ka sngi, ka daw ka jingthmu ban pynkynriah noh ia u Dr Thapa, ka long ym namar ba ki don daw shimet hynrei namar ba naduh ba la wan shimti ma u kum u director, ka NEIGRIHMS ka la mih tang ka jinghuri hura ha kaba man u bnai, la mih ka jingiakhih ki doktor.
“Phra bnai mynshwa, ma nga bad u myntri rangbah ka jylla u Conrad K Sangma, ngi la iakynduh ia u JP Nadda, ban pynkynriah noh ia u Director ka NEIGRIHMS hynrei namar ba u la leit ban kyrpad na ka Scheduled Tribe and Scheduled Caste Commission, ka la iarap ia u bad u la leh shwa kum u director”, la ong u bah Hek.
Ha kajuh ka por, u bah Hek u la iathuh ba ka jingialang kaba khot da ka Additional Chief Secretary ka jylla ka Kong Rebecca Suchiang ha ka 9 tarik mynta u bnai, ka la ai jingmut ba ka la donkam ban don ka jingtohkit halor ka kynrum kynram ha NEIGRIHMS.
“Ngin sa thoh noh sha ka sorkar pdeng ha kane ka taiew, ba kan thung ia ka jingtohkit halor ka kynrum kynram ha NEIGRIHMS”, la ong u bah Hek.
U la ong ba ka jingiakawang ktieh mar kylliang hapdeng u director bad ki doctor ka tnad Cardiology, ka la ktah ia ka jingtreikam kane ka jaka sumar kaba heh tam ha ka dong mihngi.

↧

Mih sa kawei ka kotkhubor na nongbah

May 14, 2019, 9:11 pm

≫ Next: Pynbna u DSO ka East Khasi ia ki nongialehkai sha ka State level

≪ Previous: 8 bnai mynshwa, ngi la dawa kynriah ia u director ka NEIGRIHMS: Hek

Shillong: Sa kawei pat ka khubor ka la mih pyrthei myn hynnin ka sngi na kane ka nongbah Shillong, ia kaba la tip kyrteng da ka “Meghalaya Express News” ka ban ai ia ka jingshakri sha ki nongpule kane ka jylla shi sien ha ka shi taiew kata ha man la ka sngi balang jong ka taiew.
Katkum ka khubor ba la iohlum la ioh jingtip ba ia kane ka khubor la pynmih da u wei na ki nongthoh khubor ba la rim jong ka jylla u bah Anthony N. Nongbri, uba la shakri ha ki ba bun ki bynta ha ka liang ban synniang ia ki khubor kiba tei bad ai jingtip ba bniah.
Kane ka khubor kan long kawei na ki kotkhubor ka ban ai jingtip sha ki samla ka jylla ha kaba iadei bad bun bah ki lad jingtip ha ka iohkam iohjam bad kan da bniah bha ruh ia ki lad jingtip ba khot thungkam ioh ba ki khun samla kin shah thok ei khamtam ha ki khubor ba wan nabar ka jylla. Nalor kane ka khubor kan sa bsiap ruh ia ki jingtip ba kongsan na ka bynta ki khun samla ha ka ba iadei bad bun kiei kiei ki ba bun ki dang dei ban pule bad ban tip.
Shuh shuh, lah ban pynkynmaw ba u bah Anthony N. Nongbri, u la long u wei na ki samla rangbah u ba la duriap bha ha ka kam ban pynmih khubor bad kane ka jinglong ka la ktik ia u ban ym shong kli kti hynrei ban nang synniang ia ki jingtip ba bun ia ki khun samla wat hapdeng jong kane ka juk internet ne Social Media.

↧

Pynbna u DSO ka East Khasi ia ki nongialehkai sha ka State level

May 14, 2019, 9:14 pm

≫ Next: Ka jait ka khong U Khasi

≪ Previous: Mih sa kawei ka kotkhubor na nongbah

Shillong: U District Sports Officer (DSO) ka East Khasi Hills District, ka la pynbna ia ki kyrteng ki khynnah kynthei bad shynrang kiban mihkhmat ia ka distrik sha ka lympung ka State Level Inter School Atheltic Meet ba la buh ban long ha ka taiew kaba kut mynta u bnai ha nongbah Shillong.
Kine kiba shah jied ki dei kiba la iashim bynta ia ka district level inter school athletic meet kaba dang shu dep shen.
Ki kyrteng ki khynnah ba shah jied ki khynnah kynthei ha ka U-14: ki long Felicita M. Rynjah, St Mary’s Hr Sec School, Katelyne Tyra Wahlang Loreto Convent, Kyrsoilin Nongneng Secred Heart Hr Sec School, Merabel P. Kharwanlang Umthli Sec School, Jesica Momin St Margret Hr Sec School, Risakmen Mary Syiemiong Loreto Convent, Lawan-pynhun Marweiñ Synod Higher Sec School. U-16: Anjelina J Jackson St Mary’s Hr Sec School, Gabriela Dondor Kharrubon Loreto Convent, Bethlyne G Makri St Mary’s Hr Sec School, Ibapdianghun Tangsang Goodshephard Hr Sec School Jongsha, Mer-ciful Kanai St Mary’s Hr Sec School, Diya A Sangma St Mary’s Hr Sec School, Durka Padit O. M. Roy Memorial Hr Sec School, Carmelia Rajee St Mary’s Hr Sec School, Wankaname Allya Loreto Convent, Wansaka Blah St. Mary’s Hr Sec School, Avelyne Francisca Khriam Loreto Convent, Ibakordor M. Umlong Seven Hut Hr Sec School, Daffinia Kharhunai Synod Hr Sec School.
U-18: Careen War Loreto Convent, Glorify Kurbah Shillong College Hr Edu-cation, Bala Ai Hun Rynta-thiang Loreto Convent, Aitihun Lyngdoh St Mary’s Hr Sec School, Janailin Khar-pran O. M. Roy Memorial Hr Sec School, Badarisha Kharunnuid Umthli Sec School, Juliana Syiemlieh St Mary’s Hr Sec School, Haphidari Phawa K. C. Sec School, Aveley Warjri Loreto Convent, Deiphibashwa Nongsiej Lady Kean College Hr S S, Yaiveinai Ngade D St Mary’s Hr Sec School, Nisilia Majaw Lady Kean College Hr SS, Asomi Chowdhury K. C. Sec School, Rosemary Sohbar K. C. Sec School, Vyonica Dkhar St Margret Hr Sec School.
Ki kyrteng jong ki khynnah shynrang ki long U-14: Rahul Mahato1st MLP Bn Sec School, Hadrian K Jyrwa Secred Heart Boys Hr Sec School, Stevefordson Lyng-doh Sevenhut Hr Sec School, Damonkio D Lamare Osisa Sec School, Shanbor Wanniang Secred Heart Boy Hr Sec School, Ferdinan C Chyne Sevenhut Hr Sec School, Tylliborlang Nong-rum Brookeside Adventis School.
U-16: Donbok Shabong St Joseph’s School Pynthor, Mewayoki Pyrbot St An-thony’s Hr Sec School, Repol Dkhar H Elias Memorial Hr Sec School, Nathanial Lyng-doh Secred Heart Boys Hr Sec School, Trechwa Najiar K. C. Sec School, Malvin Lyngdoh Pyndenlitha Sec School, Leameban Synrop Kharmawphlang Sacred Heart Boys Hr Sec School,M Malemnganba Singh Brooke Side Adventis School, Donbok Hahshah Sacred Heart Boys Hr Sec School, Namtiphrang War Sharon Memorial Hr Sec School, Dameshwa Nongrum Sacred Heart Boys Hr Sec School, Gideon Mawlieh St An-thony’s Hr Sec School, Mangkara Sambor Sunn Pearly Dew Hr Sec School.
U-18: Nelson Nigel Laloo St Anthony’s Hr Sec School, Khrawkupar Shabong St Anthony’s Hr Sec School, Samlang Lytan St. Edmund’s School, Nick Iver Majaw St Anthony’s Hr Sec School, Serophin Narlong Sacred Heart Boys Hr Sec School, Lilas Rani Christian Academy School, Damoncius Khar-kongor Sacred Heart Boys Hr Sec School, Hepstarly Lunkhoi Shillong College Hr Ss Edu, Heibhahmi Shadap H Elias Memorial Hr Sec School, Clament Wansamlang Khar-shiing St Anthony’s Hr Sec School, Henry Nongneng H Elias Memorial Hr Sec School, Hestoning Mawlong Sacred Heart Boys Hr Sec School, Balajied Nongtnger St Francis D Assisi Hr Sec School, Jaden D Ladia St Anthony’s Hr Sec School, Alfredo Aikupar Nongrum Shillong College Hr Edu-cation. Kane ka long ka kyrwoh ba la pyllait da ka ophis u DSO.

↧

Ka jait ka khong U Khasi

May 14, 2019, 9:19 pm

≫ Next: Kyrduh um ka Mawlai Nongmali, hap thied Um 3 kali shi taiew, ong ka FKJGP

≪ Previous: Pynbna u DSO ka East Khasi ia ki nongialehkai sha ka State level

Stephan Star Marwein

Halor ka jingthoh i bah I.R Dkhar “Ka jait ka khong u Rangbah Khasi” kaba la mih ha ka 25/03/2019, kaba i la kdew hangto ia ki bill ba la pynmih da ka KHADC “ Kawei ka Khasi Social Custom of Linage 2nd Amendment Bill 2018 ha kaba la ong ba ka kynthei Khasi kaba ioh lok ne shong kurim ia u dkhar (non-tribal) kan duh noh ia ka jinglong scheduled Tribe bad baroh ki hok jong ka kum ka Khasi nangta sa kawei ka Bill kaba ong “Ki Khasi kiba shim jait na u Kpa kin duh noh ia ka jinglong Khasi jong ki”. Kaba mut scheduled Tribe bad ki khun ki kti jong ki ruh kin duh noh ia ka jinglong Scheduled Tribe bad ka Clan Bil kaba pyrshah ia ka jingai jait phareng.
Halor kitei ki ar tylli ki Bill ba la wanrah da ka KHADC kaba nyngkong bad kaba ar, nga ruh nga sngew pyrshah jur. Namar ka Bill kaba nyngkong katkum ka jingsngewthuh jong nga ka kdew ne kren pyrshah ia ka jingieit. Ha nga marwei, ngam sngew iahap ban pyrshah ia ka jingiaieid jong kano kano ka briew ne jong uno uno u brie w, namar ha nga marwei nga ngeit ba ka jingieit ka kham khraw ban ia kiei kiei baroh kaba ha kane ka pyrthei ka lah ban ai ia ngi. Ha nga marwei, nga sngew ba ha khmat ka jingieit, ym don kano kano ruh ba lah ban ia nujor ne pynia ryngkat dor, ym ka spah ka phew, ka niam ka rukom, ka rong ka sniehdoh, ka ktien ka thylliej ne wat ka khong ruh. Te kumta ban shna ia katei ka ain ban pyntieng ia ki khun kynthei jong ngi ba kin nym shongkha shuh ia uwei pat u jaid bynriew, ha nga marwei, ka dei tang ka jingpyrkhat biej bad ka dei tang ka kam biej suda.
Halor ka Bill kaba ar kaba ong “Ki Khristan kiba shim jait na u Kpa kin duh noh ia ka jinglong Khasi jong ki, kaba mut scheduled Tribe”. Halor kane ka Bill ruh nga sngew pyrshah jur, namar ha nga marwei, nga sngew dei ban ai lad ia ki kur shynrang jong ngi ruh ban pynroi ka kur ka jaid lada ki don ka jinglah. Kata u shynrang Khasi jong ngi u poi ban shongkha ia kiwei pat ki jaid bynriew ki bym dei ki Khasi, dei ban ai lad ia u ba un shim jait sha lade ia ki khun ki kti jong u ban ioh ban pynroi ia ka jaid ka kynja Khai jong ngi, namar hangne, hangno kan don kata ka jingshong sang jong ki khun jong u bad ki Khasi namar ki wan na kawei pat ka jaid bynriew kaba ym don jingiadei kur ei ei bad ki Khasi. Ha nga marwei, katei ka ain ka long kaba ia shah liang, kaba kdew shai ba ka ai lad tang ia ki kynthei Khasi ban ia jait kat ba mon kam pher da ki ioh khun na uno uno u jaid bynriew ruh, hynrei u shynrang Khasi kata ka briew (ka lok) ka kwah eh ban ai noh da ka jait jong u lok jong ka ia ki khun ba kha na u ruh. Ka ain barabor kam ju noh shilliang, ka thew mar kat juh. Kane ka ain nalor ba ka ia shah liang, kan dang khniot shuh shuh ia ki iktiar u Rangbah Khasi Khara uba la jakhom lypa naduh ba ym pat don kane ka ain ruh.
Ha nga marwei, ki khun jong u shynrang Khasi uba don na kawei pat ka jaid bynriew ka bym dei Khasi, ym don kam ban pyndonkam ia kata ka tang jaid, hynrei dei ban ai beit da ka jaid u Kpa jong ki hi, namar katkum ka jingsngewthuh jong nga, kine ki khun jong u ruh wat lada tang jaid ne ai beit da ka jaid u kpa jong ki ruh, ki la ia long kajuh ka kur hi bad ki kur u kpa jong ki. Ki khun jong kita ki khun shynrang Khasi, wat lada ki tang jait ruh, kin ym lah ban shongkha ia ki kur u Kpa jong ki da lei lei ruh wat lada ki la poi ha kano kano ka pateng bynriew ruh namar ki la ia long shi kur bad ka kur u Kpa jong ki. Te lada tang jaid ia kine ki khun jong ki khun shynrang Khasi. Ha nga marewi ka dei tang ka jing i bein, lehbein bad leh shiliang khmat ia ki khun shynrang Khasi jong ngi hi ha khmat ka kur bad ka jaidbynriew Khasi. Ha nga marwei, ka jingtang jaid ka shu long tang ka jingpyni jaboh ia ka jaid tynrai kaba la pyniasnoh noh da kawei pat ka kyntien na khmat, hynrei ka dei ka juh hi ka jaid lane ka kur.
Ha nga marwei kane ka Bill kaba ar ka long kaba shah shiliang kaba kdew ba tang ki kynthei Khasi kiba lah ban pynroi ia ka kur ka jaid Khasi da kano kano ka rukom shongkha ruh. Kaba mut, lada ki shongkha da u Khasi ne u bym dei Khasi ruh ki lah ban pynroi ia ka kur ka jaid Khasi, katba ia u shynrang khasi pat ha kane ka jylla jong ngi la shah i bein bad nion bein beit ha baroh ki liang.
Hooid halor ka Clan Bill kaba pyrshah ia ka jingai jaid phareng. Halor kane ka Bill te nga kyrshan ia ka KHADC namar ka long kaba dei ba ngin ai kyrteng Khasi, ngin kynnoh Khasi ba ngi kum ka jaidbynriew ngim neh ka jinglong kyrpang kum ka jaid bynriew rit paid.
Kumba i Bah I.R Dkhar i kyrshan ba kum ka jaid bynrew Khasi ngi dei ban pynkyllla noh ia ka rukom ai jaid jong ngi sha u Kpa na ka kmie. Kumta ruh nga da kyrshan jur ba ka jaid bynriew Khasi jong ngi ruh ka la dei ban pynkylla noh ia ka rukom shim jaid na u Kpa, namar lada ngi shim jaid na u Kpa kumba nga la juh thoh ha ka kot khubor, ka jaid bynriew jong ngi kan lait na kine ki jingeh ba ka jaid bynriew jong ngi ka mad mynta ha kane ka por ba ngi da ai sha ka jaid jong ka kmie kum ka:-
Ka jingshong sang ha ka shongkha shongman:-
Ha ka jingiohi jong nga, ka jingai jait sha ka kmie ka la wanrah ia ka pap ka sang kaba khraw bha ha ka shongkha shongman jong ngi u Khasi ha kaba kiba shipara trai trai ki poi ban ia shongkha para ma ki. Balei nga ong kumne namar u wei u shynrang briew haba u shong lok ia ka 10 (shiphew) ngut ki kynthei kaba ka jaid jong kita ki kynthei ki iapher iwei ia iwei pat bad ki dei na la kajong kajong ka shnong. Kine ki kynthei baroh lada ki ioh khun na uta u shynrang briew mar 3 (Lai) lane 5 (san) ngut ki khun, ynda haba kine ki khun jong ki ki la heh bad wan ban pule lane trei ha sor ne ha kano kano ka jaka lada ki poi ban ia itynnad para ma ki lane wat ban ia poi shongkha para ma ki, namar ka jait jong ki ka iapher iwei na iwei pat kim sngew shong sang ha ka shongkha shongman bad lada ki poi ban ia shongkha para ma ki kaba mut ki ia shong sang namar ha ka jing shisha kine ki ia long shipara trai trai namar la pynkha ia ki da uwei u briew (Kpa) hynrei shu iapher tang ki kmie ba kha ia kine ki khun. Hato kane kam dei ka kam kaba sang bad kaba pop tam ha sla pyrthei, ha kaba kiba shipara trai trai ki poi ban ia shongkha bad kane kan iai long bad nang iai jia katba dang mih ki sngi lada ngim pynkylla noh wut wut ia ka rukom ai jait jong ngi sha u shynrang kum ha kane ka juk jong ngi mynta kaba jyllei ki kynthei kiba shah pynkit khunrei.
Ka jingduh noh ka jinglong trai / kyrpang ka jaid bynriew Khasi:-
Kane ka rukom ai jait sha ka kmie kan sa pynduh ia ka jinglong kyrpang ka jaid bynriew Khasi jong ngi. Mynshuwa nga juh iohsngew ba ki ju ong ba kane ka jaid bynriew jong ngi ka long kaba kyrpang. Hynrei kane ka rukom ai jait kmie ka la pynjot, pynjah ia kata ka jinglong kyrpang u Khasi jong ngi, namar u Khasi ym long shuh u Khasi uba kyrpang, balei nga ong kumne, namar u Negro, u Phareng, u Dkhar, u China bad kiwei kiwei ki jaid bynriew jong ka pyrthei kiba wan shong shnong ha Meghalaya ki ong ba ki dei ki Khasi namar la kha ia ki da ki kmie Khasi (Ba ioh kpa da u Negro, u Phareng, u Dkhar, u China bad kiwei kiwei ki jaid bynriew jong ka pyrthei) bad ki ioh ia ka jaid jong ka kmie bad ki long khasi katba ka dur ka dar ka met ka phad jong ki pat kam iahap satia ba ka jong u Khasi. Hynrei ki kam ialade ba ki dei ki Khasi bad im ruh kum ki Khasi. Dei hangne ba ka jaid bynriew jong ngi kam long shuh kaba kyrpang kumba ki ju ong ha ka por hyndai hynthai. Ka jing ai jait sha ka kmie kan sa pynlong khyllah ia ka jaidbynriew jong ngi ha kane ka sla pyrthei, namar ngin sa duh noh ia ka dur ka dar Khasi tynrai, ka rynieng ryniot Khasi tynrai bad ngin sah sa tang ka nam Khasi hynrei ka dur ka dar ka rynieng ryniot jong kiwei pat ki jaid bynriew jong ka pyrthei. Hynrei lada ai jait sha u Kpa pat. Hooid ka jaid bynriew Khasi jong ngi kan long shisha kaba kyrpang, kan ym don kata ka shongsang ha ka shongkha shongman namar lada ai jaid sha u Kpa, ki khun jong ki khun kynthei kiba iapher makna ka jaid hadien ba ki la ia shongkha kin yn lah ban iashong kha para ma ki namar ki long shi bakha namar ki kmie jong ki ki long shipara, hynrei ki khun jong ki khun kynthei jong ki pat ki lah ban shongkha tad ynda la poi lai pateng bynriew kumba long ki khun jong ki khun shynrang mynta ha kane ka por ba dang ai sha ka jaid jong ka kmie.
Ka jingbym neh ka spah ka phew:-
Ha ka jingiohi jong nga lada ai sha u shynrang ka khaii ka pateng jong ngi u khasi ruh kan nangkiew na kawei ka pateng sha kawei pat. Kum ka nuksa lada u kpa u la seng ia ka kano kano ka dukan ha ka jait jong u hynrei hadien ka jingiap jong u Kpa kata kajuh ka dukan lah ban shimti da ki khun shynrang kumta ka kyrteng bad ka jait jong kata ka dukan ka iaineh bad ka nang heh artad. Hynrei kumba ka long mynta pat kano kano ka dukan ba la seng da u Kpa hadien ka jingiap noh jong u Kpa ia kata ka dukan la shimti noh da ki khun kynthei kaba ka kyrteng bad ka jait jong kata ka dukan ka la kylla noh kum ka nuksa mynshuwa kata ka dukan ka kyrteng A B hynrei mynta pat ka la kyrteng noh C D bad kane ka jingkylla kyrteng kan nang iai kylla na kawei ka pateng sha kawei pat ka pateng bad ka jingkhaii ruh ka la nang hiar namar ki nong khaii kiba wan wad mynshuwa ia ka dukan A B katba mynta pat kam dei shuh ka A B hynrei ka la dei ka C D. Kata ka dukan kan iai kylla shi kylla kumta shi kumta ka kyrteng bad ka jait na kawei ka por sha kawei pat. Hynrei lada ngi ai jait sha u Kpa pat hadien ka jingiap jong u Kpa ka kyrteng bad ka jait jong kata ka dukan kan iai sah kumjuh bad kata ka dukan kan nangheh nangheh na kawei ka por sha kawei pat.
Ka jingshah shah ieh khunrei ki khun ki kti:-
Ka jingai jait sha ka kmie ka la pynkha ia ka jingshah ieh khunrei ki khun ki kti jong ngi u Khasi khara. Ka jingai jait sha ka kmie ka la pynlong ia bun ki longiing longsem Khasi ym baroh ba ki lok (shynrang) ba kin khein sting ia la ka jong ka longiing longsem kaba pynpoi sha u pud. Kumjuh ruh don bun ki longiing longsem Khasi ym baroh ba ki lok (kynthei) bad ki kiaw kurim kim burom ia u lok lane u pyrsa kurim kaba la pynpoi sha une u pud ka jingshah ieh khunrei ki khun ki kti. Hynrei lada ia ka jaid ka khong yn ai noh ha u shynrang kan yn don kata ka jingkhein sting na u shynrang, namar lada u leh kamkai, u hap ban kit ia ki khun ki kti namar ki dei ki jaid ki khong jong u. Kane kan pynthanda ruh ia u shynrang ban leit shibun ki lok lada ym don ka jinglah ban bsa lut ia kita ki khun ba ioh na kita ki lok jong u.
Ka jingshongkha khynnah:-
Ka jingai jaid sha ka kynthei ka pynshlur ruh ia ka jingshong kha khynnah, namar u shynrang u lah ban shongkha ha kano kano ka por namar ym donkam ban kit khlieh ia ka iing ka sem ne ki khun ki kti ba ioh na ka lok jong u hynrei dei ki kur ki jaid jong ka kynthei kiba hap ban kitkhlieh ia kata ka kynthei bad ki khun ki kti jong ka lada long kumno kumno ruh.
Khatduh eh, ban bha ka jaid bynriew jong ngi, ka la dei ka por ba ki khun samla, ki Sengbhalang. Ki Balang bapher bapher bad ki Riew Rangbah ban ia pyrkhat shaphang kane ka liang ym na ka bynta ka mynta, hynrei na ka bynta ki pateng jong ngi ki ban dang wan ba kin bha kin miat bad ba kin ioh pyrto. Ym shuh kum ma ngi mynta kiba ia kyrsum lang bad kine ki jingiakynduh kiba eh ha ka imlang sahlang ka ban nang kham sniew na kawei ka por sha kawei pat.

↧

Kyrduh um ka Mawlai Nongmali, hap thied Um 3 kali shi taiew, ong ka FKJGP

May 14, 2019, 9:37 pm

≫ Next: Yn mih noh U Griezman na ka Atletico, un iasoh bad ka Barcelona

≪ Previous: Ka jait ka khong U Khasi

Shillong: Ka FKJGP Mawlai Circle halor ka jingioh jing ujor na ka bynta ka um, na ki nongshong shnong ka dong Nongmali kaba hap hapoh ka Mawlai Mawdatbaki, ba ka jingioh um ha katei ka dong kam long kaba tikna satia bad ba ki hap thied um lah kumno kumno 2ne 3 Kali shi taiew, te halor kane ka FKJGP Mawlai Circle lem bad ka Mawdatbaki unit ka lah wad ia ki jingshisha bad leit ia kynduh ruh ia u rangbah dong ka Nongmali u bah A. Khonglah, ban iamir jingmut bad ban tip kham bniah ia ka daw.Nangta ki la leit ia kynduh ruh ia u CEO jong ka Municipal u bah B. Sohliya, ha ka 24tarik Iaiong 2019, namar kane ka dong Nongmali ka hap hapoh ka jingpeit jong ka municipal. U CEO ruh khlem da pynslem u lah phah ban ia kynduh ia ka Kong S.Khongwir, kaba dei peit halor kane ka bynta bad ha ka jingiamynjur lang, la ia pynbeit da ka jing ia jurip lem bad u rangbah dong ia ka jaka ba wan bad ba pynlang um kaba don ha Pasteur Ganeshdas hospital, ha ka 30.04.2019.

Kane ka jingleit inspection lah lap ia u pipe ba shu set da u dieng ia ka um bad ka Kong S.Khongwir ruh mar mar ka lah kyntu ia ki plumber ban pynbeit bad leh ia kaba donkam. Hynrei haduh mynta ruh ka um kam pat mih tikna satia.

Ka Seng ka kyntu ruh ia ki MLA, MDC, jong kane ka Constituency ba kin tuklar bad iarap lem da ki kam halor kane ka bynta, ong ka kyrwoh lah pyllait da u President ka FKJGP Mawlai Mawdatbaki. Mr. Aldrin Shangpliang.

↧