18 Rymphang ka Dorbar Pyllun ka Hima Mylliem

Shillong, 11 Rymphang:
La ioh jingtip ba mynta ka sngi ka Hima Mylliem ka la shong ia ka Executive Dorbar jong ka ban pyrkhat na ka bynta ka Dorbar pyllun jong katei ka Hima.La ong ba ha katei ka jingialang la rai ba ka ia ka Dorbar pyllun yn pynlong ha ka 18 tarik mynta u bnai. Lah ban kdew ba ka KHADC ka la ai por ia ka Hima Mylliem 45 sngi ba pynlong Dorbar kaba u CEM ka KHADC u bah Pynshngaiñ N Syiem u la ong ba kan kut hapoh ka 10 tarik u lber hynrei ki myntri ka liang pyrshah ki la ong ba katei ka jingkren u bah Pynshngaiñ ka dei tang ka jingkren khlem ka jingthoh hynrei kaba paw ha ka jingthoh ka long ba ka dei ka 22 tarik u rymphang ka tarik ba khadduh.