Sangeh iakhih ki nonghikai SSA WKH

Nongstoin, 11 Rymphang:
Ka MSSASA, West Khasi Hills ka la pyntip ba ia ka pokram  iakhih jong ki Nonghikai SSA kaba la buh por ban pynlong ha ka 12 tarik Rymphang la pynsangeh noh shwa shipor na ka daw ba ki Managing Committee jong ki skul bapher bapher, ki la wan ban ia phylliew jingmut bad ka seng da kaba kyrpad  ban pyn sangeh shwa shipor namar ka iatakhuh palat bad ka por plie skul. Kumta hadien ka jingiaphylliew jingmut ba sngew shong nia la iakut ban pynsangeh noh shwa shipor.
Ki Managing Committee ki pynpaw ia ka jingsngewnguh  ia ka MSSASA ba ka la kloi ban shim ia ka jingbahkhlieh  ban pynsngew sha ki bor bahalor ia ka  jinglehbein ia ki Nonghikai SSA, la ong ka kyrwoh na ka seng.
Ka la ong ba ki Managing Committee ki kyrpad ia ka Sorkar ba kan siew noh kloi ia ka tulop jong ki Nonghikai Skul SSA bad wat ap tad haduh ban da pynlong ki jingiakhih da ki Nonghikai badonburom hynrei lada kane kan jia lynter ki bor pyniaid skul kin ym lah ban teh la kam ia ki Nonghikai haba ki pep skul namar kin hap leit bylla ba kin pyndap ia ki jingdonkam ha ing bad lada kan iai jia kumne  ka jingnang jingstad kan hiar arsut bad ka daw ka dei na ka jingleh jong ka Sorkar. La ong ka kyrwoh na u Babu Peter Thyrniang, Organizing Secretary MSSASA, West Khasi Hills.