Shillong, 11 Rymphang:
U bah Commander Shangpliang uba dei u Chairman jong ka Rilang People Development Council (RPDC) u kwah ba u MLA ka Mawkyrwat uba dei ruh u symbud myntri rangbah ka sorkar jylla ba u dei ba kyrshan ia ka Synjuk Ki Nongsynshar Shnong ka Bri u Hynniewtrep bad ba un kyntu ia u myntri rangbah ka jylla u Dr.Mukul Sangma ba u dei ban kynran dien na ka rai ban khang bat kam shnong kalen kam seng ia ki nongtrei sorkar.
U la kyntu ruh ia u bah Rowell lyngdoh ba un ai ka jingkyrshan ia Ki nongialam ka Synjuk ki Nongsynshar Shnong ka Bri u Hynniewtrep ( SNSBH) kiba ieng ha ka nongrim ban dawa pyndam noh ia ka jingpynbnaba la pynmih dang shen halor ka jingpynkylla ia Meghalaya Service ( Conduct) Rules, 1990 lane ka jingbuh kyndon halor ka jingiadon bynta jong ki nongtrei Sorkar ha ki kam shnong kam thaw lane bad ki seng lane ki kynhun treimon sngewbha.
↧
“Kyrshan Rangbah Shnong Bah Rowell”
↧
