Dawa ki Rangbah Shnong ka sor Jowai, ban kynriah ia u DC ka WJH

Jowai, 16 Naiwieng:
Hadien ka jing dawa ki sengbhalang ban pynkynriah ia u DC ka West Jaintia Hills, u Arun Kumar Kembhavi na West Jaintia Hlls, mynta ka sngi, ki rangbah shnong ka sor Jowai ki la leit ban ia kynduh ia u Chief Secretary ban ban buh sa kawei ka jingujor pyrshah ia utei u heh District na ka bynta ban dawa ban pynkynriah noh ia u na kane ka District.
Ki Rangbah shnong ka Nongbah Jowai, ki la ud la nam ruh ia ki jingeh jong ki khamtam ha kaba iadei bad ka kam rangbah shnong bad kiweikiwei ki jingeh kiba ia kynduh ha kaba iadei bad ki kam pyniaid shnongpyniaid thaw.Ka tyllong khubor kaba tikna ka la iathuh ba ki Rangbah shnong ki la dawa ba dei ban pynriah kam noh ia u DC na mar une u DC um ju kwah ban iatrei bad ki Rangbah nongsynshar shnong naduh ba u la sdang ban wan shimti ia ka kam kum u khlieh jong ka District. “Ngi la ia kynduh ia u Chief Secretary, hyrnei ngim kwah ban ong ei ei namar ngim kwah ba kane kan paw sha ki lad pathai khubor”, la ong uwei na ki Rangbah shnong. Uwei pat u rangbah shnong u bym shym la kwah ban pynpaw kyrteng u la ong, “Shen ngin sa dawa ban pynkynriah sa ia u ma CS Laloo, namar une
ruh udei uba arsap u bym shym la trei ia ka kam katkum ki ktien jong u.