Jowai, 16 Naiwieng:
Ki dkhot nong thoh khubor ka rilumJaintia hapoh ka lama ka Jaintia Journalist Association (JJA) mynta ka sngi ki la rakhe ia ka sngi ki nongthoh khubor ha ka ri ha ophis ka Myntoilang Network, Iamusiang, Jowai.
Kane ka jingialang ka long kaba rit hynrei kaba donkam bha ba la pyniaid da u Bah C.H. Passah u president ka JJA kaba iatai halor ka phang “Ka jingshai ha ki tnad treikam paidbah”.
Ka jingialang ka la mynjur ba ka jingtrei bad ka kam jong ki lad pathai khubor kam dei tang ban thad madan ia ki kam bamsap ha ki tnad sorkar hynrei ka dei kaba donkam ba ki lad pathai khubor ki dei ban long kiba trei hok haba pyndep ia ka kam.
Ki nongthoh khubor ha Jaintia ha ka jingpyrshang jongki ban thad madan ia ki kam bamsap ha Jaintia Hills Autonomous District Council (JHADC), ka jinglum khajna beain da ki pulit ha surok bah bad bun kiwei la iakren ha kane ka jingiatai.Ka JJA ka pdiang sngewbha ruh ia ka Wyrta ka website na ka district kaba iaid iew bha bad khublei ia ka Wyrta bad ka Ri-luk kaba dei ka webzine na kane ka nongbah. Ka district ka don ar tylli webzine kaba lah ban pule ha ka ktien Pnar, Khasi bad phareng. Ki dkhot ka JJA ki la pynpaw ruh ia ka jingsngew nguh ia ka Meghalaya Editor and Publishers Association (MEPA) kaba jied ia ki nongthoh khubor na ka district ban leit shah hikai sha New Delhi kaban long ha u Nohprah ban wan.
↧
Rakhe sngi nongthoh khubor ka JJA ha Jowai
↧
