Kwah iakren iasuk ka AMEF bad ka sorkar

Shillong, 16 Naiwieng:
Ka A’chik Matgrik Elite Force (AMEF)  ka la ong ba ha kane ka sngi Nyngkong ba ka kwah ban wan sha ka miej iakren ban iakren jingsuk bad ka sorkar.
“Lada ka sorkar Meghalaya bad ki nong ialam jong ngi ki ai ia ka lad, ngin wan shakhmat ban iakren bad ka jingsuk. Ngi sngew ba ka rai jong ngi kan long na ka bynta jingsuk”,  la ong u Bah Kuatsrang Matgrik  u publicity secretary ka seng.
U Matgrik  u la ong ba ka seng ka la rai ban mih shakhmat namar ba ki briw na rilum Haro ba ialam da ki sengbhalang bad ki nongialam balang ki la kyrpad na ka bynta ka jingsuk. “Ngi kwah ba ka sorkar ban ai ia ngi ka lad ban wan shakhmat ban iakren jingsuk. Ngi sngw ba baroh ki kwah ia ka jingsuk ha rilumGaro”, la ong ka AMEF.
Ki la kyntu ia ki sengbhalang ban bud bad kiar na ka lynti jong ki kam sniew.  “Lada ka sorkar ka ai ia kalad nga kwah ban kyrpad ia ki seng bad kiba halor jong ngi ban bud ia ka lynti ka jingsuk”, la ong.
Ka seng ka pdiang ia ka jingshisha ba lada ka jingsuk kam wan, kam nym don ka jingsuk ha rilum.  Ka seng ka la shim ia ka rai ba ki sengbhalang bad kiwei ki seng ha ka jylla ki la pynlong ia ka jingialang paidbah ban wad jingsuk.