Kan jia aiu ia 18ngut ki Parliamentary Secretery ha Meghalaya?

New Delhi, 13 Jylliew:
U President Pranab Mukherjee, ula kyntait ia ka jingthaw thymmai jong ka sorkar Delhi, ia ka ain, kaba dei bad ka jingthung Parliamentary Secretery, ia 21ngut ki MLA. Ka jingkyntait jong U President, ka mih ia ka jing artatien, kaba khraw ia ka nusip jong kitei ki 21ngut ki MLA.
Ka sorkar Delhi, ka la pynkylla ia ka ain, kaba pynhap ia ki Parliamentary Secretery, ha ka ophis kamai pisa bad katei ka long, ba ka sorkar AAP, ka thung shwa ia kitei ki Parliamentary Secretery bad hadien pat, ka sa pynhap ia ki, ha ka kyndon, ba kam dei kaba ki kamai pisa.
Ka dei ha ka 13tarik Lber 2015, ba u myntri rangbah ka Delhi, U Arvind Kejriwal, ula pynmih ia ka hukum, kaba thung ia 21ngut ki MLA, kum ki Parliamentary Secretery.Hadien katei ka jingthung Parliamentary Secretery, ka sorkar Delhi, ka kwah ruh ban pynkylla ia ka ain Delhi Members of Legislative Assembly (Removal of Disqualification) Act, 1997.
Lyngba katei ka ain, u mih u dak jingkylli, ia kaei ka ban jia ia ki 18ngut ki Parliamentary Secretery, kiba la thung ha kane ka sorkar Congress, haba U President, um shym la ailad shuh ia ki, wat la ki sorkar Jylla, ki kren shai, ba kitei kim shym bat ia ka ophis kamai pisa.