Shah kem lai ngut ba shoh briew

Shillong, 14 Jylliew:
Lai ngut ki briew ki la shah kem halor ka jingdon kti jong ki ban shoh briew ha   Mawlai-Mawkynroh. Kitei ki lai ngut ki kynthup ia u Franklin Kharkongor (20 snem ka rta), u Horsius Mukhim (25 snem ka rta) bad u Thalainsing Khong sit (32 snem ka rrta) bad baroh ki dei Mawlai Mawkynroh. Ki khubor pulit ki iathuh ba la rah ia ki sha thanad ban set ia ki 14 sngi.
Katei ka jingleit kem ia kitei kiba la kynnoh donkti ka la long hadien ha ka ejahar ba la thep da u  Bhalang Sing Phanbuh uba la pyntip ba ki la don lain gut ki riew kiba rung tuh sha ka kompon ing jong u ha ka sem ha  Mawkynroh Block-3, Mawlai myn ha ka 13 tarik u Jylliew bad ktah kti ia ki nongtrei jong u kiba don hangtei da kaba pyndonkam da ki nar rod bad ki mawit. Ar ngut ki nongtrei ki la mynsaw bad la rah ia ki sha Civil Hospital ban ioh ia ka jingsumar.