Sangeh treikam ki Doctor, bym don ding ha Pdengshakap PHC

Amlarem, 14 Jylliew:
Ka Pdengshakap PHC kaba don ha shnong Pdengshakap kaba hap hapoh jong ka Amlarem Sub- Division ka la poi ha pud mynta ba ki hap ban pynsangeh noh mynta ka 13tarik jong u ne u bnai Jylliew, ia kito ki briew kiba wan thiah pang ha kane ka PHC na ki daw bym biang bording mynta la lai bnai tam ha kane ka PHC namar ba ka long ka shem shitom ia ki naduh ki Doctor bad ki nongtrei ban trei ha jingdum kham tam ha kapor mynmiet.
Bad haba ia kren bad u Doctor In charge jong kane ka PHC u Dr H.Synmon ba na ka liang jongu, u la pynpaw ba kum u Doctor ba dei peit ia kane ka PHC, u la ong ba kum ka PHC ki dei ban don la u jong u Transformer kum kiwei de ki PHC namar ba haduh mynta ka PHC mynta ka dang pyndonkam da u Transformer jong ka shnong Pdengshakap bad jong u ruh u la pyrshang ban ia kren bun bun sien sha ka Office bad u thoh ruh da shithi sha ka Office jong ka Health Department dang ha kine ki ar ne lai snem na ka bynta ban pynioh da la u jong u Transformer na ka bynta ka PHC bad na ka liang jong ka Office ruh naduh u snem 2014 ki ladep ban phah ia ka shithi sha ka MeCEL ha kaba ia dei ban pynbiang Transformer hynrei haduh mynta na ka liang ka MeCEL kam leh eiei ha kaba ia dei bad kane ka bynta.
Shuh shuh na ka liang jong u Doctor u la ong wat la ka bording mynta la lai bnai tam kam don na ka liang jong u bad ki nongtrei, ki hap beit ban iasah ha jingdum bad ba ki shem shitom bha ruh khamtam ha ka por ba ki pynkha khun bad emergency case bad ka long kaba eh ruh kumno ba ki dung thyrnia bad ai drip hapoh jingdum, hynrei wat la katta ruh ki hap ban trei beit ha jingdum na ka bynta ka khia ka shitom jong u paidbah baroh bad ba wat la ki la iashah baroh shikatto ban trei hynrei ymdon ba shim khia halor jong kane ka bynta u la ong.
Bad ha ka juh ka por ruh u la ong ba na ka liang jong u, u la ong ba ka Sorkar ka dei ban shimkhia na ka bynta ka tulop jong ki staff namar ba la lai bnai tam kim ioh tulop shuh ka la long kaba eh ia ki ban sah miet ha kane Hospital mamar ki hap ban thied naduh ki bombati, ka phniang sharak bad kiwei ki jingdonkam jong ki bad u la long ba na ka liang jong ka office jong ka PHC ba kin ai por ia ka MeCEL bad ia ka Health ba ki trei shitom khnang ban pynioh bording ia ki lym kumta na ka liang jong ki lah ban khang ruh ia ka Hospital ha kaba ia dei bad kane ka jingeh baroh.