Quantcast
Channel: Rupang
Viewing all 25884 articles
Browse latest View live
↧

Kwah shalan kyrkieh ka seng JHTOA, ban die dewiong

May 17, 2019, 7:43 am
$
0
0

Shillong:Ka Jaintia Hills Truck Owners Association (JHTOA) lyngba ka kyrwoh ba la phah da u Vice President jong ka, u ma Pyrkhat Shylla ka kyrpad ia ka Sorkar jylla ba kan pyllait kloi ia ki shallan khaiï dewiong, kiba la dep ban ishu khnang ba kin lah ban pyndep ia ka jingshalan ia u dewiong jong ki hapoh ka por ba la buh da ka Supreme Court naba ka por ka long kaba lyngkot kaba tang 15 sngi.

            Shuh shuh u ma Pyrkhat Shylla, u ong ba kum ki dkhot jong ka Jaintia Hills Truck Owners Association (JHTOA) ki kyrpad ia ka sorkar ba kan shim khia ia kane ka kam ban pyllait kloi ia ki Shallan ba ma ki kum ki Nongkha-ï  Dewiong kin lah ban pyndep ban shallan ia u Dewiong hapoh ka por ba la buh da ka Supreme Court. Nangta u ma Shylla u ong ba haduh mynta ka sngi (17/05/2019) kim pat ioh ban shalan ia u Dewiong wat lada ka Supreme Court ka la pyllait naduh ka 15/05/2019.

            Na ka liang ka Seng, Jaintia Hills Truck Owners Association sa shisien ka ban jur bad kyntu ia ka sorkar ban shim khia ban  ishu kloi ia ki shallan, khnang ba kin lah ban shallan dep ia u Dewiong hapoh ka por bad ki sngi ba la buh da ka Supreme Court pynkut u ma Shylla, Vice Prsident ka Jaintia Hills Truck Owners Association.

↧
Search

Sam Musari ka HYC sha ki paidbah ha Umsawnongkharai

May 17, 2019, 8:02 am
$
0
0
Nongpoh: Kum shi bynta ban ai ia ka lad jingiada ia ki paidbah na ka jingpang Khieshohrieh ne (Malaria), mynta ka sngi ki dkhot ka HYC, Umsawnongkharai Unit, ki la pynlong ia ka jingsam ei ia ki Musari sha ki katto katne ki paidbah kiba wan na ki longiing ba duk ha shnong Umsawnongkharai.

Ia katei ka jingsam ei ia ki Musari, la pynlong ha Iing Durbar ka shnong Umsawnongkharai, ha kaba ki la don bunngut ki dkhot ka HYC kiba la wan ban sakhi ha katei ka sngi, kata kaba kynthup ia u

Haba iadei bad katei ka jingsam Musari, kitei ki nongialam ka HYC, ki la ong ba ka daw kaba la pynlong ia ka seng ba kan sam ei ia kitei ki Musari sha ki paidbah, ka long ban iarap ia kito ki longiing kiba duna ka ioh ka kot, khnang ba ki ioh jingmyntoi bad khamtam ba kin ioh pyndonkam ban lait na ka jingshah dait na ki kain pyrjong.
↧
↧

Ym pat pynbna ka MBoSE ban pynmih result matrik

May 17, 2019, 9:39 am
$
0
0
↧

Pynbam ka Rangdajied da 7-0 ia ka Ryntih

May 17, 2019, 8:02 pm
$
0
0
Shillong: Ka Rangdajied United ka la pynbam jem ia ka Ryntih da 7-0 kol ha ka jingiakhun jong ka lympung U-18 ka Shillong Premiere League kaba long myn hynnin ka sngi ha madan Polo. Ia kine ki kol ka Rangdajied la thep da u Rame John Lyngdoh (15,79), u Oresterwell Langshiang (16,17), u Star June Jana (54), u FerNando Sohklet(60)... Pule Shuh Shuh»
↧

Yn mikhmat Pratlynti SS, Sati Raja Memorial bad ka Khliehumstem SS sha ka State Level

May 17, 2019, 8:12 pm
$
0
0

Nongpoh: Ka District Level Subroto Mukherjee Cup 2019, kaba la pynlong da ka ophis u District Sports Officer Nongpoh, ka la poi noh sha kaba kut hynnin ka sngi ha madan ialehkai ka shnong Umsaitsning bad lyngba jong kane ka sngi, ki la don Lai tylli ki skul na Ri Bhoi, kiba la pynthikna ialade ba kin ioh ioh mihkhmat na Ri Bhoi, na ka bynta ban aireng sha ka State Level Subroto Mukherjee Cup ka ban sa long haNongbah Shillong.


Ha kaba pynkut ia katei ka lympung, la sakhi da ka jingdon u Bah Arki Nongrum, CEO ka Meghalaya Football Association kum u Kongsan bad u Bah Dipshon Ryntathiang, General Secretary ka RBDSA kum u symbud kongsan, ha ryngkat ka jingdonlang u Bah P.M Marbaniang, DSO ka Ri Bhoi, u Bah R. Kharkrang lem bad kiwei de.
Haba phai sha ka jingiakhun phainal kaba la long hynne ka sngi, ha kaba ka jingiakhun kaba nyngkong ha ka U-14 Boys kaba la long hapdeng Evershine UPS pyrshah ia ka Khlieh Umstem SS, ha kaba ka Khlieh Umstem SS ka la lah ban pynliem noh ia ka Evershine UPS haduh 4-0.
Ha ka U-17 ki kynthei, ka Sati Raja Memorial SS, ka la ioh ban rah ia ka namlahduh hadien ba ka la lah ban pynliem noh ia ka St. Micheal HSS da 5-0.
Hynrei ka jingiakhun kaba la kham pynitynnad bad pynshongshit eh ia ki nongpeitkai, ka dei ka jingiakhun hapdeng ka Mynken Christian HSS, Bhoirymbong pyrshah ia ka Pratlynti SS kaba dei na Sohliya Umsning, ha kaba ka jingiakhun jong kine ki ar kynhun ka la long kaba iakhaid bad iabiang bor bad ha ka jingiakhaid naduh ka kylla step haduh ka kylla miet, kumta la rah noh ia ka jingiakhun sha ka Tie Breaker bad dei hangne ba ka Pratlynti SS ka la lah ban pynliem noh ia ka Mynken Christian HSS da 4-3.
Hadien ba la kut ka jingiakhun, na ka liang ka ophis u DSO, ka la sam ruh ia ki khusnam shimet sha kito ki khynnah kiba la lah ban ialehkai bha ha kane ka lympung bad iaka nam Best Goalkeeper ha ka U-17 Girls la ioh da ka Bilika Lamare na ka skul Raid Iapngar UPS, ha ka U-14 Boys pat ia ioh da u Baniohnam Shadap na ka Nehru Memorial HSS bad ha ka U17-Boys la ioh da u Jophila Mynsong na ka St.Francis SS.
Katba ia ka nam Best Player ha kane ka lympung ha ka U-17 Girls, la ioh da ka Banrinylla Nongdhar na ka St. Micheal HSS, ha ka U-14 Boys da u Lamphrang Lyngdoh na ka Christian HSS Nongpoh bad u Ribankyrshan Rympei na ka Mynken HSS Bhoirymbong. Katba ha ka nam Best Player ha ki kynthei la ioh da ka Ibahunshisha Malieh na ka Sati Raja Memorial SS, u Bansngewrit Shlem na ka Khlieh Umstem SS ha ka U-14 bad u Iaryngkat Kharkrang na ka Pratlynti SS u la ioh ha ka U-17.
Lyngba jong katei ka namjop ka Pratlynti SS ha ka U-17, ka Khlieh Umstem SS U-14 bad ka Sati Raja Memorial SS ha ka U-17 ki kynthei, ki hap ban pynkhreh bha ialade na ka bynta ban ioh aireng sha ka State Level ka ban sa long ha Nongbah Shillong.

↧
↧

Ngin don ka bynta ba khraw ha ka sorkar Delhi, ong u President NPP

May 17, 2019, 8:27 pm
$
0
0

Shillong: U President ka NPP Meghalaya, u Dr WR Kharlukhi u la kam ba ka NPP kan long ka bynta ba khraw ban pynsngew ia ka sur jong ki paidbah ka dong mihngi ha ka sorkar pdeng hadien ka jingniew vote kaban long ha ka 23 tarik mynta u bnai.
Haba kren myn hynnin ka sngi, u Dr Kharlukhi u la ong ba ka NPP ka don ka jingkyrmen ban jop ym duna ia ka 8 ngut ki MP na baroh ka Dong Mihngi ha kane ka elekshon MP.
Ka NPP ka pynieng 11 ngut ki kyrtong na ka 25 tylli ki konstitwensi ha kane ka dong mihngi ha kane ka elekshon MP ha ki jylla kane ka dong mihngi ka India bad ka don ruh ha ka kynhun synrop ka NDA ba ialam ka BJP.
“Ngin khmih ban jop badoh bad ym duna ia ka 7-8 ngut na baroh kawei ka dong mihngi”, la ong u Dr Kharlukhi.
Ki jaka ban jop ki long na Manipur, Arunachal Pradesh, Assam nalor ka Meghalaya. “Ngi kyrmen ban jop lut ki kyrtong namar ba ngi la buh kyrtong ngi la don jingkyrmen”, la ong u Dr Kharlukhi.
Ha kajuh ka por, u la ong ba ka NDA kan sa wan biang ha ka bor ha ka sorkar pdeng bad ka NPP kan don beit ha ka NDA.

↧

“U Dr Mukul u la synshar 8 snem, kylli shwa ialade”, ong u President NPP

May 17, 2019, 8:42 pm
$
0
0

Shillong: U President ka NPP Meghalaya, u Dr WR Kharlukhi u la ong ba ka jingkynnoh u Dr Mukul Sangma ba ka sorkar MDA ba ialam ka NPP, kam don ka jingkitkhlieh ia ka jylla bad khamtam ia u pud u sam, kam don jingmut namar ba ialade u la synshar phra snem, u leh leh aiu.
“U ialade u la synshar 8 snem, ka Congress ka la don 30 snem ha kane ka jylla, ka bha ba un buh jingkylli ialade”, la ong u president ka NPP.
Haba pynrem ia ka jingkynnoh ka Congress ia ka sorkar, u Dr Kharlukhi u la ong ba ka jingshah rem ka Congress ha ka elekshon ba la dep, ka paw ba ki paidbah ki ai jingsneng ia ka jingleh jongki.
“Nga tharai namar u dei ban buh jngkylli ialade bad u la rem namar ba ki paidbah ki ai jingsneng ia u”, la ong u Dr Kharlukhi.
Lah ban kdew ba hynnih ka sngi, u myntri rangbah u Conrad K Sangma u la ong ba u la dep iakren ia u Myntri Rangbah ka Assam u Sarbananda Sonowal ban iakynduh shen ban iakren ia u pud u sam hapdeng kine ki ar tylli ki jylla.
La sngewthuh ba ha ka taiew ba nyngkong ne baar jong u Jylliew, ka jingiakren ka lah ban urlong khamtam hadien ba la mih ka jingshah hiar thma u secretary ka Hima Nongspung u bah Michael Warjri ha ki paidbhur dang shen ha New Balakhawa kaba don ha khappud bad ka Assam.

↧

Leh jrongkti u doktor ia ka nongpang

May 17, 2019, 8:44 pm
$
0
0

Shillong:U wei u doktor Ayurvedic, Yoga Naturopathy, Unani, Siddha bad Homeopathy (AYUSH) u la shah kem noh hynnin ka janmiet ha kaba u la jrong kti ia kawei ka nongpang ba mut leit shim dawai na u ha Dispensari ha Sibbari ha Rilum Garo ba shathie.

Ia u ne u Doktor la tip kyrteng kum u AZ Sheikh bad la kem noh da ki pulit ka Rilum Garo ba shathie.Ka la iathuh ba u la phah loit lyngkhuid ha ka kamra peit jong u bad namar ba ka la pyneh,u la mut ban leh da ka bor bad mar kumta hi ka la pyrta briew bad la iarap kem noh da ki nongtrei ka Dispensari.

“Kane kamdei shuh ka sien ba nyngkong ba u jrongkti ia ka.Kham mynshwa ruh,bunsien u la pyrshang ban jrong kti ia kane ka kynthei 27 snem.Hynrei, mynta ka la shlur ban iathuh bad ban ujor pyrshah ia une” la ong u Heh ki pulit,U Abraham T.Sangma.

Ka Garoland State Movement Committee (GSMC) ka la leit ban synran lang ia kane ka lanot katba ka dang leit ban ujor sha ki pulit . “Ia une u Doktor la kem noh mynnin bad mynta u don hapoh ka jingtohkit ki pulit”la iathuh u SP.

“Ngim lah ban sngewthuh ba u doktor AYUSH u mut aiu ha ba u phah loit lyngkhuid ia ka khynnah bad ia ka ba kum kane ka kam poh ngi da pynrem jur.Kane ka dei kaba u thmu ban leh kam sniew,bad kyrmen un ioh ka jing pynsaja katkum ka ain.Ngi kwah ruh ban tip kumno ia une la shah ban ai dawai Allopathic bad ba un ioh ban trei ruh kum u doktor ba pura.”La kylli u President ka seng AYC,u Silning D Sangma haba u la tip iaki ne ki jingjia.

Ha ki bun tylli ki jaka sumar ha ka jylla,ki doktor AYUSH ki ba dei ban treikam tang ban ha kaei ka lain ba u pyntbit,hynrei la ju shem ba ki trei pat kum ki doktor pura.Wat ha kaba peit ia ka jingpyniaid ia ki kam bad ban thoh ki lis dawai nongpang ruh.

↧
Search

Da ka kilo, buh kyndon ka sorkar Jylla, ban pynkit ia ki khynnah skul

May 17, 2019, 8:46 pm
$
0
0

Shillong: Ha kaba bud ia ka jingbthah jong ka Ministry ka Human Resources Development, jong ka Sorkar India,U Principal Secretary ka tnad Pule puthi jong ka sorkar Jylla Meghalaya,u la ai jingbthah ia baroh ki skul ba hap hapoh ka tnad,ba ki dei ban bud pyrkhing katkum ki jingbthah jong ka sorkar baki pla kot jong ki khynnah kim dei ban khia namar kan ktah ia ka jing koit jing khiah jong ki bad kane kan sdang treikam noh artad.
Ki skul kim dei ban pynban khia da kaba phah pule kot palat ia ki khynnah rit haduh ki klas I bad II ,lait noh katkum kito bala buh da ka MBOSE/ICSE/CBSE.KI pla kot na bynta ki klas I bad Klas II kim dei ban palt ia ka 1kilo shiteng.Katba iaki klas II haduh V ka pla kot kan long 2 haduh 3 kilo.Na ka bynta ki Klas VI haduh VII pat ka dei 4 kilo.Na ka bynta ki Klas VIII haduh IX kan long 4 kilo shiteng.Bad ia ki Klas X kan long 5 kilo.Ym dei ban pynbor ban phah rah iakiwei pat ki kynja kot ne kiwei pat ki tiar ia ki khynnah skul laitnoh tang ki kot ba la dep jer kyrteng.Ki skul kin pyntikna ba ki khynnah kin wanrah beit tang ia ki kot ba la dep ai katkum ka rutin jong ki.
Kiba halor jong ki skul bad ki nonghikai kidei ban shna ia ki rutin ha kata ka dur ba ki khynnah ha ki Klas bapher ba pher kin lait ban wahrah shibun ki kot ne kopi man ka sngi.Dei ban pynshlur ba kin pule ia ki kot na jaka buh kot jong ka Skul,ne kin iashim bynta ban ialehkai,ban dro jing dro ne ki wei de ki jait ba pynproh jabieng bad pyn wandur ia ki khynnah.
Ka kyrwoh khubor ka ong ba kane ka jingpynbna kan sdang treikam noh mardor.

↧
↧

Kyntait U Syiem ka Hima Nongspung, ba ai mynjur ia ka Assam

May 17, 2019, 8:51 pm
$
0
0

Shillong: U Syiem ka Hima Nongspung, u Paiem Patrick Syiemiong, u la kyntait ia ka jingkynnoh ban ai No Objection Certificate (NoC) ia ka Sorkar Assam ban shna ia ka surok na ka skhim Pradhan Mantri Gram Sadak Yojana (PMGSY) kaba pyniasoh ia ka West Guwahati, Assam bad ka New Balakhawa, Ribhoi District.


Hynnin ka sngi, u Symbud Myntri Rangbah ka Jylla, u Bah Prestone Tynsong u la ong, “Katkum ki kot ki sla, dei ka Hima Nongspung kaba ai ïa ka No objection Certificate (NoC) ne ka jingbit ban shna ïa ka surok PMGSY ha katei ka jaka.”
“Kiba kren (Symbud Myntri Rangbah) sha ki lad pathai khubor kin sngewbha ban ai kopi lem ia nga,” ong u Pa’iem Patrick Syiemiong.
U la ong ruh ba ka surok PMGSYka dei ka projek jong ka Sorkar Pdeng, kumta kam don jingpher ei ei lada shna da ka Sorkar Meghalaya lane ka Sorkar Assam namar ka jingmyntoi ka dei hi na ka bynta ki paidbah nongshong shnong ha ka thaiñ khappud.
“Nga sngew kyndit haduh katta katta ban iohi ha ki kot khubor ba ka la mih ka jingkynnoh ba nga ai NoC ia ka Sorkar Assam ban shna ia ka surok PMGSY ha Balakhawa,” pynshai u Syiem ka Hima Nongspung.
U la ong ba um don jingtip eiei ia ka jingai ia ka mynjur, namar ba um ju pdiang ia kino kino ki kam kiba wan na Assam.
“Ngam don jingtip eiei halor ka jingai NoC namar lada wan kano kano ka kam pynroi na ka Assam ne ka jingwan thung nar post electrict ruh nga ujor bad nga pyntip sha ki bor ba dei peit,” bad bynrap, “kumno nga ai ia ka NoC haba nga dang khang pyrshah bad halor ka jingai NoC ia ka Sorkar Assam mano ba ai ngam tip”, u la ong.
U Paiem Patrick Syiemiong u la iathuh ba un sa lum ia ka Executive Committee jong ka Hima Nongspung ha ka lah sngi u Blei jong ka taiew ban wan khnang ban tohkit bniah mano ba donkti ban ai ia ka NoC sha ka Sorkar Assam na ka bynta ban shna ia ka surok na ka skhim PMGSY.
U la ong ha ka por ba u MLA ka West Guwahati u la phah da ka jingthoh ban ailad na ka bynta ban shna ia kane ka surok, u la pyntip mar mar sha u Myntri Rangbah bad sha u Deputy Commisioner.
Ha kaba iadei bad ka jingpynbna jong u Deputy Chief Executive Member (Dy.CEM) ka Khasi Hills Autonomous District Council u Bah Pyniaid Sing Syiem uba peit ruh ia ka tnat Elaka ban khot hajir ia u Syiem ka Hima Nongspung bad ia ki nongialam jong ka Hima, u Paiem Patrick ula ong ba haduh mynta ka KHADC kam pat ai ktien eiei hynrei ia kane ka jingpynbna la shu iohi tangba lyngba ki kot khubor.

↧

Tang ban pynjhieh, hap siew T.30 ha Mar Ba Hub ha Khyndai Lad

May 17, 2019, 9:03 pm
$
0
0

Shillong: Ka seng Hynniewtrep Achick National Movement (HANM) myn hynnin ka sngi ka la leit ban tuklar ia ka jingoh dor rem palat ka bor pyniaid ka Mar Ba Hub kaba don ha Khyndai Lad ia ka bai pynjhieh ne leit painkhana, kaba don ha mala ba shajrong duh kane ka iew dukan.

Ka HANM ka la leh ia kane hadien ba ka la ioh ia ka jingujor na ki paidbah ba ngat ha kane ka jingshah dain dor kaba heh bha kaba long haduh T. 30 (lai phew tyngka) shisien ba la leit sha painkhana.

Ka HANM ka la leh ia kane lyngba ka Anti-Influx Operation Cell, ba ialam da u bah Bobby Basaiawmoit u chairman ka Anti-Influx Operation Cell, u Vice Chairman u John Sangma, u secretary bah Nelson Kharbani bad kiwei kila iapyneh bad pynphai nia bad u General Manager katei ka Mar Ba Hub, halor kane ka jingbuh palat ia kiba leit rung sha painkhana. U General Manager ula ai daw ba la buh dor rem ka dei namar ki daw ban wanrah ia ka jingshngain, hynrei um shym la batai ia kata ka daw ka jingshngain ka ban pynlong ban khein dor haduh T.30/-.

Hadien ba la iania, ka HANM ka la bthah ba ki dei ban pynhiar ia ka dor bad kan ujor ruh sha u Deputy Commissioner ka East Khasi Hills halor kane ka bynta. Ha kajuh ka por, u John Sangma u vice chairman jong kane ka Cell, u la ong ba ka bor pyniaid ka Me Ba Hub, ka la ai daw ba ka jingkhein rem ka dor painkhana, ka long namar ba ki don ki briew kiba wan pynlong jaka dih drok ha katei painkhana.

Hynrei halor kane, ka HANM kala lyngngoh ha kano ka rukom, ka dor kan khang lad ban wan dih drok bad kumno kito ki nongdih drok kin ioh rung ha kane ka dukan heh haba la ap da ki bor pahara naduh nar shaduh shapoh.

↧

Haduh T.3,429klur kurup pisa, ka tnat elekshon na kylleng ka India

May 17, 2019, 9:49 pm
$
0
0

Ka jingkanbas elekshon Lok Sabbha, ka la kut noh hynnin ka sngi bad ha baroh kawei ka jing pynkhreh elekshon, ka Election Commission, ka la ioh kurup pisa T.3,439klur na kylleng ka Ri bad kane ka dei ka sien, kaba bun tam ka jingioh pisa. Ha ka elekshon Lok Sabbha 2014, ka tnat elekshon, ka la ioh kurup pisa T.1,200klur.

Ka Tamil Nadu, ka wan ha khmat duh, ha kaba ka jingioh kurup pisa ka poi sha ka T.950klur, ka Gujarat, ka wan ba ar, ha kaba ka jingioh lum pisa ka poi sha ka T.552klur bad ka Delhi, ka wan ba lai, ha kaba ka jingioh ka poi sha ka T.426klur. La don ruh haduh 500 tylli ki  jing ujor pyrshah halor ki jing pynkhein elekshon bapher, ha kaba na kitei ki don hynriew tylli kiba la ujor pyrshah ia U Narendra Modi bad na kitei, ym shym la pdiang satia, wat tang kawei ruh.

Ka elekshon komishon, ha ka sien nyngkong, ka la pynsangeh ia ka elekshon Lok Sabbha ha Vellore, ha Tamil Nadu, halor ka jingkynnoh sam pisa bad ka la pynduna ruh ia ka por kanbas ha West Bengal, da 19 kynta, namar ba ka jing kanbas ka la poi sha ka jing ia shoh ia dat bad ka jing ia mynsaw briew.

↧

Khein ka Assam, ia ki Khasi kum ki mraw?

May 17, 2019, 10:19 pm
$
0
0

Ka la nang paw pyrthei, ka kam thombor jong ka Assam ia ki Khasi, kiba don ha katei ka Jylla bad katei ka long ba wat tang ban ai Scheduled Tribe ruh kam treh satia, hynrei, ka aiti ha kawei ka sengbhalang bad kam dei satia ka seng jong ka sorkar lane kaba ki ai kyrteng ka Tribal Sangha bad ka kam jong katei ka seng, ka long ban ai syrnot jinglong trai shnong ia ki Khasi kiba don ha Assam, haduh kumba ar lak tam.
Katno ka long ka jingleh niewbein ia ki Khasi bapli, ha kaba kam pat ju don ka ain jong ka sorkar ban aiti ia ki kot ki sla kiba long ain sha kiwei pat ki kynhun seng, kumba leh ia ki Khasi.
Ngi tip, ba ka Assam, ka lah ban nym ithuh ia ki Khasi, kiba don ha katei ka Jylla, kum ki traibal (lehse lada ka sngew dei), hynrei ban aiti sha kiwei pat ki seng, ka la nang pyni, ba ka dei ka kam pap, ka kam thombor, ka kam leh niewbein bad ka jingkhein ia kitei ki nongshong shnong, kum ki mraw jong katei ka Jylla.
Ngim pat ju tip bad kam pat ju jia hi ruh, ha ka dong shatei lam mihngi, ba ia ka hok nongshong shnong jong kano kano ka jait bynriew, yn ithuh pynban da ka kynhun sengbhalang bad katei ka dei ka jingleh jot kaba la palat liam, da ka Assam, ia ki trai shnong Khasi, kiba la im ha katei ka Jylla, da ki spah snem mynshwa.
Halor kane ka jingleh, ka pyni shai ba ka sorkar Meghalaya, ka la ailad than ia katei ka Jylla ba marjan bad ba kam shym la nud ang ruh shi kyntien, ban iakren ia kat katei ka kam niewpoh ia la ki jong ki trai shnong, kiba ka India, ka tip bad ka ithuh shai ia ki, ba ki dei ki rit paid bad ki traibal.
Mynta ngi sngewthuh ba ki bor District jong ka Them Barak, ki la mynjur ban ai noh dalade ia katei ka Scheduled Tribe certificate, hynrei katba ka jia, ka pyni, ba ka dei ka jingleh kaba ngin nym lah satia ban pdiang, namar ha ki hynniew snem ba ladep, ka la don ka jingkhanglad ha ka ioh kam iohjam, ka pule puthi bad wat ha ka shong ka sah jongki, lada ki kwah ban wan phai sha Ri Khasi Jaintia bad katei hi ka thew, ba ia kitei ki 2lak ngut, ka don ka jingthmu ban ithuh shipor ia ki, tang ha Assam bad hadien pat, ban sa mait noh, namar ba kam dei ka hukum jong ka Sorkar. [rms]

↧
↧

Dawa ka JSU, ban sam bai thang ding man u bnai sha Amlarem

May 17, 2019, 10:49 pm
$
0
0
↧

Ia kynduh ka FKJGP ia u sahep ka DMR halor ka challan dewiong

May 17, 2019, 10:55 pm
$
0
0
↧
Search

Ym iahap ka HSPDP ba ai dulir pud ka sorkar MUA sha Assam

May 17, 2019, 11:00 pm
$
0
0
↧

Hiar khynra bar Jylla, ka KSU sha Amlarem

May 18, 2019, 8:34 pm
$
0
0
↧
↧

Plie pyrda ka FKJGP, ia ka jing rakhe ia ka jingdap 30snem

May 18, 2019, 8:52 pm
$
0
0

 

↧

Kwah ia pyllait sanshyieng noh na u tnga, ban ia poi kha bad u nongialehkai PUBG

May 18, 2019, 9:05 pm
$
0
0

Kawei ka nongialehkai PUBG, kaba na Gujarat, ka la phone ha ka number 181 ha Gujarat, ha kaba ka pyntip, ba ka la kwah ban ia pyllait sanshyieng noh bad u tnga jongka, namar ba ka kwah ban ia poi kha noh bad uba ieid thymmai, uba ka dang shu ia kynduh, ha ka jingialehkai PUBG.

La iathuh ba katei ka briew, ka la ia poi kha bad uwei u kontraktor shna iing, ha ka por ba ka dang don 18snem ka rta bad mynta ki la ioh khun kynthei. Ha kine ki khyndiat bnai ba ladep, ka la pynlut por bha ban ialehkai PUBG bad ha katei ka jingialehkai, ka ia kynduh paralok bad uwei pat u samla, uba ju bang bha ia katei ka jingialehkai.

Na ka liang jong katei ka projek Abhayam, 181 ka la tyrwa ban ai jaka sah ia ka shawei pat, ba kan ia shongkhlad noh bad u tnga jongka, hynrei, ka la kyntait, namar ba ha katei ka jaka sah, kam ioh ban pyndonkam mobile phone bad kan duh noh ban ialehkai PUBG, ong U Narendrasinh Gohi, u nongpeit ka  Abhayam 181.

↧

Ngam ju pan eiei na U Blei, ong U Modi

May 18, 2019, 9:35 pm
$
0
0

U Narendra Modi, myntri rangbah duh, u iathuh ba u dang pynkhreh ia ka plan, na ka bynta ban pyn itynnad shuh shuh ia ka jaka mane blei ha Kedarnath, ha kaba ula leit duwai ha katei ka jaka, ha shwa ka sngi khadduh jong ka sngi thep vote jong ka elekshon Lok Sabbha 2019.

U Modi, ula sah ha katei ka jaka mane blei, ula ong ba u kwah ban pynkiew ia ka kam shang pyrthei, ban pynneh ia ka mariang bad pyn itynnad ia ka jaka kaba don sawdong jong katei ka jaka mane blei.

Haba la kylli, la ka jingleit duwai jongu hangtei, ka long ba un ioh ban long biang kum u myntri rangbah duh, U Modi, ula ong “Ngam ju pan eiei na U Blei, namar nga ngeit ba ula ai ia kaei kaba u dei ban ai”.

↧
Viewing all 25884 articles
Browse latest View live
Search
<script src="https://jsc.adskeeper.com/r/s/rssing.com.1596347.js" async> </script>