Nongpoh, 11 Lber:
Kawei ka Lomg kmie ka la duh noh ia la ka jingim ha ka janmiet jong ka sngi palei hadien ka jingmynsaw jur na ka jingshah tynrah ha kawei ka Bolero Pik-up tang namar ka jingniah khlem akor jong u wei u draibar ha Nongpoh.
Kane ka jingjia ka la jia ha ka janmiet jong ka sngi palei ha ka por 7 baje eiei katba katei ka long kmie kaba la tip kyrteng kum ka Kong Lusia Khymdeit (55) ka ba shong ba sah ha Mawkapiah kaba dang thmu ban jam sha shiliang u surok, hynrei namar ka jingniah sted palat iaka kali u Draibar u ba niah ia katei ka kali u khlem lah shuh ban teh lakam iaka kali haduh ba u la leit ban jynrat beit ia katei ka longkmie haduh ba kan da mynsaw jur bad khlad noh shen hadien ka jingjur palat ka jingmynsaw.
Hadien kane ka jingjia ia kane ka longkmie la pynkit noh mardor sha Civil hospital Nongpoh ban ioh iaka jiingsumar ba kham kloi namar ka jingmynsaw kaba jur, hynrei namar ka jingjur palat ka jingmynsaw la pynkit noh mardor sha Shillong ban ioh ka jingsumar ba kham bha, hynrei namar ka jingjur palat ka jingmynsaw kane ka longkmie kala khlad noh shen.
Kat kum ka jingtip bala ioh lum naki pulit, kila iathuh ba ia katei ka kali la niah da u Bah A Kharthangmaw ba shong ba sah ha Nongbir Them ha Ri-Bhoi, kaba don ia u number ML 10 A 5948 hadien ba ki pulit kila ioh ban kem ia u bad bat iaka kali.
Shuh shuh kat kum ka jingiathuh jong ki pulit kila pyntip ba utei u draibar hadien ba u la dep ban tynrah ia katei ka longkmie u la pyrshang ban phet krad na katei ka jaka, hynrei daka jingshim khia ki pulit jong ka Nongpoh mar mar kila kthong bad ioh kem ia u ha Umling.
Naka liang ki pulit kila dep ruh ban register case pyrshah ia une u draibar halor ka jingniah khlem akor jong u iaka kali haduh ba katei ka longkmie kala duh noh syndon iala ka jingim, bad naka liang ki pulit ki dang pynlong ka jingtohkit halor kane ka jingjia.
↧
Khlad ka longkmie ba shah tynrah kali
↧