Lip ding khah khah ha thaiñ Umsning

Shillong, 11 Lber:
Ka UHM North Khasi Hills District ka la leit ban ujor sha ki bor ba dei peit ia ka tnad bording namar ka jinglip ding kaba khah khah ha ka thaiñ Umsning.
Katei ka seng kaba la ialam da u Aiban shan Syngkli President bad u Dapkupar Nongrum General Secretary ki la leit ban ia kynduh ia ka kong I Diengdoh kaba dei peit ia ka thaiñ Umsning. Ha ka jingiakren bad ki nongialam katei ka seng katei ka ophisar ka la kular ban shimkhia ba katei ka jingjia kan ym jia shuh . Ka la leit ia kynduh ruh ia u Rajiv Dutta uba dei peit ia ka meter reading namar ba ka don ka jingdkoh ha ka jingshim jingkheiñ ia ka bai thangding kaba la pynpoi sha manla ki thliew ing.