Quantcast
Channel: Rupang
Viewing all articles
Browse latest Browse all 24925

U bah HS Shylla un iakhun MDC na Nongkrem?

$
0
0

Shillong, 11 Rymphang: Ka mih bha ka jingiakren ha kine ki sngi, shaphang U Bah HS Shylla, uba dei U Chief Executive Member ka KHADC, ba un lah ban dei uwei na ki kyrtong ha ka elekshon MDC shiteng samoi ka KHADC na Nongkrem Konstitwensi. Kat kum ka tyllong khubor, kaba iajan bha bad U bah Shylla,ka iathuh ba utei u rangbah, u la iaid sharum shaneng ban ia syllok bad ki paidbah ka konsti twensi na ka bynta ba iaid shaphrang ia katei ka kam.
Shuh shuh ka tyllong khubor kaba u Rupang u la ioh lum ka la iathuh ba u bah Shylla ha ka jing shisha um da don jingmut than ban ia aireng ha ka elekshon MDC hynrei la ong ba ki la don ki jing pynbor kiba jur na u paidbah ka Nong krem konstitwensi ban sei biang sa shisien ia utei u rangbah ha ka lympung jong ka politik. La iathuh ba kate ka jingpynbor ka la jur bha na ka thaiñ Smit kaba u bah Ardent M Basaiaw moit-MLA ka Nongkrem u ioh duna bha ki vote.
Ki lad khubor ba iajan bad u bah Shylla ki la iathuh ba nyngkong kim lah ban pynkohnguh ia u hynrei kham hadien ki la ia kren bad kane ka jaitbynriew mynta ka don hapdeng ka saw ka sian bad ka donkam kyrkieh ia u bad kumta na ka ling jong u ruh u la mynjur ia ka jingkren jong ki bad u la ong ba un ia khun beit ha kate ka elekshon.
Haduh ba thoh ia kane ka khubor u nongthohkhubor um pat shyn la ia kren markhmat bad u bah Shylla halor katei ka kam, hynrei ki briew kiba ju ia don ha kti ha kjat bad u ki la ong ba un ia khun beit.
U Rupang kumba ar bnai mynshwa, ula dep kylli ia U bah HS Shylla, la u don jingmut ne em ban ia khun ia ka elekshon MDC, ka ban sa wan, hynrei utei u rangbah, ula kyntait, ba um shym don satia ia katei ka jingmut, ban leit phai biang sha ka kam sain pyrthei.


Viewing all articles
Browse latest Browse all 24925


<script src="https://jsc.adskeeper.com/r/s/rssing.com.1596347.js" async> </script>