Rung Congress ki heh UDP bad HSPDP ha Rambrai

Shillong, 10 Rymphang:
Hadien ba u la risaiñ noh kum u dkhot jong ka UDP- u MDC barim u bah JTS Thongni ryngkat ki nongkyrshan jong u ki la leit ban pyniasoh noh bad ka seng Congress, ki la leit ia soh ha ka jingialang jong ka Rambrai-Jyrngam Block Congress Commi ttee(RJBCC) kaba la long ha ka 9 tarik u rymphang, 2016. Nalor u bah Thongni ki la don ruh ki nongialam ba hakhmat ka HSPDP kiba la leit ban ia soh sha ka Congress bad kitei ki dei u bah Overlin Nongsiej bad u Nestor.
U kyrtong elekshon MDC shiteng samoi jong ka seng Congress na Rambrai Jyrngam u Kimfa Marbaniang u la pdiang sngewbha ia kitei baroh kiba la wan ia soh sha katei ka seng bad kiba la wan ru ban pynkhlaiñ ia katei ka seng ha ka elekshon shiteng samoi. Ka khubor na ka seng Congress ka la ong ba mynta ka kynti u paidbah ka West Khasi Hills u la sngewthuh kumno ban jied nongmihkhmat bad kim kwah shuh ia ki briew kiba thiang tang ka thylliej hynrei kane ka elekshon MDC shiteng samoi kan pynlyngngoh ha kaba ka Congress kan jop lut ha baroh lai konstitwensi.