Mynta yn sdang u khaw tad ha jylla, ong u Myntri

Shillong, 9 Rymphang: Ka jylla Megha laya ka long kaba la khreh ban pyntreikam noh ia ka skhim khaw tad, ka National Food Security Act (NFSA) naduh mynta u bnaai.
Katkum ka jingong jong u Myntri ka tnad sam marbam ka jylla u Clement R Marak, ka NFSA kan ai jingmyntoi ia 21, 49, 095 ngut ki nongshong shnong ka jylla.
U Marak u la ong ba ki nongioh jingmyntoi na kane ka skhim kin ioh khaw tad ha ka dor T.3 shi kilo bad u kew T. 2 shi kilo.
U la ong ba na ki 21,48, 095 ki nongshong shnong, 18, 45, 631 (77.79 per cent) ki dei na nongkyndong bad 3, 03, 464 (50.87 per cent) ki dei na jaka sor.
U myntri u la ong ba ka tnad ka la dep sdangban sam ia ki kot reshon sha kiba dei ban ioh bynta na ka NFSA.
“Ki bor pyniaid na ki district ki la iathuh ba kin pynlong biang ia ka jingbishar paidbah ban pynrung ia ki bym pat rung bad ban weng ia kiba bym dei” la ong u Marak hynne ka sngi Hatmajai.
U la ong ba ki nongioh bynta na ka NFSA kin ioh khaw 5 kilo shi bnai shi khlieh katba kito kiba dei jong ka Antyodaya Anna Yojana (AAY) kin ioh 35 kilo shi bnai.
U Marak u la iathuh ba ka sorkar kan ioh 8792.18 metric ton u khaw bad 1483.85 metric ton u kew katba u khaw AAY yn ioh 448.53 metric ton ha ka shi bnai.