Byrngem ka GHADC ban sloit kam, ia ki bym leit trei

Shillong,12 Nailur:
Ka GHADC mynta ka sngi ka la byrngem tyngeh ia ki nongtrei jong ka kiba pyneh ia ka hukum ba ka Council ka la pynmih bad la sngewthuh ba lada kin dang pyneh kin shah sloit ruh na ka kam jong ki. Katei ka jingpynmih hukum ka GHADC ka dei hadien ba ki don ki nongtrei jong ka kiba dang ia khih bad ki bym pat trei ia ka kam jong ki watla ki la don kiba sngewthuh ia ka jingkren ka Executive Committee.
Ka EC ka GHADC ka la byrngem ruh ba lada jia ba kitei ki nongtrei kin ym leit sha jingtrei jong ki ha ka sngi balang jong kane ka taiew ka EC kan leh ia kaba donkam katkum ka aiñ , ia kane la iathuh da u Dipul RMarak EM ba peit ia ka Civil Work. Katkum ka jingong utei u EMu la ong ba hadien ba ka EC ka la pynsngewthuh ia ki nongtrei bad ba ka la kular ban siew noh ia ka tulop jong ki hapoh shibnai,ki la bun ki nongtrei kiba la leit trei biang ia ka kam jong ki hynrei ki don pat ruh kiba pyneh. La ong ba ka jingpep trei jong ki nongtrei ka la pyndik ia ki kam ki jam jong ki paidbah kiba wan donkam sha katei ka Council bad ka la ktah ruh ia ka jingsam um sha sor Tura.