Sngewlem ia ki MLA ba khlad

Shillong, 09 Nailur:
Ka iing dorbar mynta ka sngi ka la pynpaw ia ka jingsngew lem ia ki nongmihkhmat paidbah ba la khlad noh ba kynthup ia u Bah OL Nongtdu uba long MLA, myntri sorkar barim bad u MP Rajya Sabha barim, ia u Bah Medras Mylliem Umlong u MLA barim ka Sohiong ba long ruh u MDC ka KHADC ha ki snem ba la dep. Nalor kine, ka pynpaw ruh ia ka jingsngew lem ia ka jingkhlad noh u NN Simchang u MLA barim na Garo Hills nalor kiwei pat ki nongialam ba don ha kiwei ki jylla.
Kiba iashim bynta ha kane ka jingsngew lem ki long u Myntri Rangbah u Dr Mukul Sangma, u nongialam liangpyrshah u Dr Donkupar Roy, Bah DD Lapang, u SC Marak, u MM Danggo, Rowell Lyngdoh, Dr Jemino Mawthoh, u James K Sangma, HDR Lyngdoh, Dr RC Laloo bad u Lamphang u AT Mondal.