Pulom ka jingleit lute petrol pump, ki dkhot rim GNLA

Shillong, 08 Nailur:
Mynta ka sngi ki pulit ka Special Cell ka East Khasi Hills, ki la ioh ban pynpulom noh ia ka jingthmu jong ki dkhot pyndem wait ka GNLA ban leit lute na ka petrol pum ba don ha ka surokbah.
Katkum ka khubor na ki pulit, uwei u dkhot pyndem ka GNLA u Nobin D. Sangma na Tikrikilla Nidanpur u la shah kem noh ha ki pulit bad ha ka jingtohkit u la kubur ba u la thmu ban leit lute lem bad ar ngut kiwei na ka petrol pump.
Da ka jingialam jongu, ar tylli ki.22 pistol bad 9.22 kuli la ioh kurup na kawei ka jaka ba la buh rieh ha trai siej ba don ha pung Nan Polok, Shillong. U Nobin u la ialam biang ia ki pulit na kane ka jaka sha ka jaka ba don ar ngut kiwei pat ki dkhot pyndem ka GNLA kynthup u Salgra D. Sangma 18 snem na Dalu, Magupara, West Garo Hills bad u Sengsang R. Marak 28 snem na Resubelpara, North Garo Hills kiba la shah kem suk ha ki pulit.
La pynngat mokotduma ia kine baroh hapoh ka kyndon ka Arms Act bad ka jingthmu ban lute. Ka jingtohkit ka dang iaid.