Khlad u samla ba tynrah ka trok ia ka Scooty

Jowai, 18 Nailur:
Uwei u samla uba dei u Assistant Architecture ha Jowai Polytechnic, uba la tip kyrteng kum u Miyo Phawa (22 snem) uba dei na ka shnong Iongkaluh, East Jaintia Hills, u la khlad noh hashen hadien ba ka trok 12 tyre kaba don ia u No. NL01L-3446 ka la tynrah ia ka Scooty (AR01B-5552) jong utei u samla mar khmat hadien ka la iuh ia utei u samla na khlieh haduh ba la pait ka khlieh khlem lah ithuh dur khmat shuh la ong ka khubor.
Ki pulit ki la kem ia u driver jong katei ka Truck kaba thmu leit sha thain Silchar.
Ka khubor ka iathuh ruh ba utei u samla u dang wan na Ladrymbai ban leit phai sha shnong ha ka por kumba 3:00 eiei janmiet. Ia ka met jong utei u samla la shimti da ki pulit Ladrymbai ban pyndep ia ki jingdonkam bad la kit ia ka met sha Khliehriat CHC na ka bynta ban leh ia ka Post Mortem lashai ka sngi.