Jah ar ngut ki khynnah skul, lap tang ka shithi

Jowai, 14 Jylliew:
Hadien ba ki ar ngut ki khynnah skul ka Khliehriat East Upper Primary School ki la jah rngai na ka iing, mynta ka sngi ki pulit ka Khliehriat ki la ioh tam ia kawei ka shithi ‘pyniap ialade’ bala thoh da kitei na kawei ka jaka kaba la tip kum ka Chapchap hajan jingkieng Umsylli, Rymbai Road.
Kitei ki ar ngut ki khynnah kynthei kidei kiba la tip kyrteng kum ka Pretty Pohplet na Syndai bad ka Romphin Shadap kaba na Narwan. Kidei kiba hapdeng 13 bad 14 snem ka rta.
Kitei ki khynnah ki la jah naduh hynnin ka janmiet bad mynta ka sngi, ka la don ka jingiawad paidbah ia ki bad ki pulit ki laioh tam ia katei ka shithi.
Haduh ba la thoh ia kane ka khubor, ki pulit kim pat lap ksai bad ym pat lap satia ia kitei ki khynnah.