Ka ain khang bat ar kam iap, ong u Bah Rowel

Shillong, 14 Jylliew:
Ka rai pynksan jong U Lat ka jylla ia u Bah Pynshngain N Syiem bym dei don jingktah ka ain bat arkam ka Prevention of Disqualification (Members of the Legislative Assembly of Megha laya) Act, 2015 kam shym la pynthut ia u Bah Rowel Lyngdoh u Symbud Myntri Rangbah ba peit ia ka tnad kam ain.
“Ka Prevention of Disqualification (Members of the Legislative Assembly of Meghalaya) Act, 2015 kam iap, ka jingbatai ia ka jingmut jongka, ka shong ha ka iing kashari kata lada don ki briew kiba ujor pyrshah ia kiba bat ar kam”, la ong u Bah Rowel.
Haba twad jingmut, hato ka don nongrim ne em ia ki MDC ba la risain ba kin dawa ban weng noh ia ka jingrisain jongki, u Myntri kam ain, u la ong, “ki la dep risain, ka kam kan iaid beit bad hap ban pynlong da ka elekshon thymmai”.
U la ong ba ka Prevention of Disqualification (Members of the Legislative Assembly of Meghalaya) Act, 2015 kan don beit namar ba ka la dep ioh ia ka jingmynjur jong u Lat ka jylla bad ka jingtreikam ne ka jingbym treikam jongka, kan shong ha ka jingbatai ka Kashari lada don kiba ujor pyrshah ia kito kiba bat ark am.
Ka jinglong artatien jong kane ka ain, ka la mih hadien ba u Lat ka jylla u la ai ia ka rai pynksan ia u Bah Pynshngain u bym shym la risain satia na ka jinglong MDC/MLA bad ka jingrisain kyrkieh jong ki 6 ngut ki MDC ki la kylla babe ei.