Ba pyni U Vivek Oberoi ia ka dur jong ka Aishwarya, ha ka dur ka exit poll, ujor ka NCW

May 20, 2019, 7:03 am

≫ Next: Byrthen ka HNLC, ban pynhiar kput ia ki bar Jylla, kiba don ha kylleng ka Ri Khasi

Ka National Commission for Women (NCW), mynta ka sngi, ka la phah jingthoh sha U Vivek Oberoi ba un jubab halor ka tweet jongu, kaba u kynthah ia ka Aishwarya Rai, da kaba u pyn ia syriem bad ki jingthoh ha kine ki sngi, kiba iadei bad ka elekshon Lok Sabbha.

Ka Rekha Sharma, kaba dei ka lamphang jong ka National Commission for Women, ka iathuh ha ki lad pathai khubor, da kaba ong “Ngi kwah ba un pan map ha ka social media bad kumjuh ia katei kaba ula kynthah bad lada um leh kumta, ngin shim da ka bor jong ka ain ban ialeh pyrshah bad u”.

Ka Maharashtra State Commission for Women ruh, ka shim khia bha halor katei ka jingthoh jong U Oberoi bad ka la phah ia la ka jong ka jingthoh, halor katei ka jingkren jongu, ong ka Vijaya Rahatkar.

Ha ka dur, kaba pyniahap bad ka exit poll, U Oberoi, u pyni ia ka dur jong ka Aishwarya bad U Abhishek Bachchan, nangta bad U Salman Khan bad nangta bad ka dur jongu ruh.

Ha kaba pyn ia syriem bad ka exit poll, U Oberoi, u pyni shwa ia ka dur jong Aishwarya bad U Salman Khan, ha kaba u thoh ba ka dei ka “Opinion Poll” nangta ia ka dur jong ka Aishwarya bad u, ha kaba u shim ba ka dei ka exit poll bad ia ka dur jong ka Aishwarya bad U Abhishek bad ka Aaradhya bad ka dei ka “Result”.

↧

Byrthen ka HNLC, ban pynhiar kput ia ki bar Jylla, kiba don ha kylleng ka Ri Khasi

May 20, 2019, 7:42 am

≫ Next: Dei U bah Michael bad U Syiem, kiba mynjur ia ka Assam ban shna surok

≪ Previous: Ba pyni U Vivek Oberoi ia ka dur jong ka Aishwarya, ha ka dur ka exit poll, ujor ka NCW

Shillong: Ka HNLC, ha ka kyrwoh ba ka pynmih mynta ka sngi, ka la pynsngew ba ka ktien pyndem wait lane ka iakren iasuk, ka la dei noh pynban tang ka ktien kaba komik tam lane ka political joke. Katei ka seng, ha ka kyrwoh, kaba la phah da ka phareng, ka ong “Ngim shaniah satia ia ka sorkar Congress lane ia kane ka sorkar ruh kumjuh. Ngi la ngiah ia ki jing kular bad ki jingthok ruh kumjuh. Lada ka sorkar, ka kut jingmut, ka dei ban thung noh ia u ksiang” ong ka kyrwoh.

Ka HNLC, ka kren artatien halor ka jing pyndem wait bad ban sa iakren pat hadien, namar ba ka HNLC, ka ong ba ha ki san snem ba ladep, la shu sngap mynthi na ka liang jong ka sorkar bad ka ong biang ruh “Ngim lah ban leh shlur ban shu pyndem ia ki tiar ialeh jongngi”.

Ka HNLC, ka ong shuh shuh ba u myntrikam poh iing, u dei ban ia syllok bad ki sengbhalang, ki seng niam bad ki MLA, kiba na Khasi Jaintia, halor ka jingdonkam ban iakren bad ka HNLC ruh, kumba ka sorkar ka la iakren bad ka ANVC.

Ka HNLC, ka ong shuh shuh ba hadien ka jingialeh pyrshah kaba da ki phew snem, ka kwah ban don ka jingiakren iasuk bad ka sorkar Meghalaya bad kumjuh bad ka sorkar India, hynrei haba ka sorkar Jylla, ka iai sngap mynthi, ka seng, ka ong shuh shuh “Mynta ngi don ia ka thong ban ialeh bad ban iap ruh kam pher”.

Ka seng ka ong shuh shuh ba kam pdiang satia ia ka kyntien pyndem wait bad nangne shakhmat ka HNLC, ka kren shai ba kan trei peit da ki kam pynhiar kput bad kan trei beit ia ki jaka ba ki don ki bar Jylla, kiba la shlei mam ha Khasi Jaintia Hills. “Ka shong ha ka sorkar, la ka kwah ban ailad iangi ba ngin wan phai sha ka jingiasuk ne ba ngin bteng da ka jing ia umsnam” ong ka kyrwoh na U Bah Saiñkupar Nongtraw,General secretary cum Publicity secretary, HNLC.

↧

Dei U bah Michael bad U Syiem, kiba mynjur ia ka Assam ban shna surok

May 20, 2019, 7:57 am

≫ Next: Dawa ka Warmawsaw-Umsohbar Raid Land Ribhoi Council, Hima Nongspung ban ithuh noh ia ka Raid

≪ Previous: Byrthen ka HNLC, ban pynhiar kput ia ki bar Jylla, kiba don ha kylleng ka Ri Khasi

Shillong: Ka Warmawsaw-Umsohbar Raid Land Ribhoi Council, Hima Nongspung mynta ka sngi ka 20 tarik u Jymmang 2019, ka la iakren bad ki nongthoh khubor, halor ki kynrum kynram ki ba mih ha ka 7 tarik u Jymmang 2019 ha ing u secretary shnong ka Balakhawa, u bah Michael Warjri.

Katkum ki kot ki sla ba la pynthikna, katei ka jaka ka hap hapoh u pud u sam jong ka Meghalaya bad ba ki jingjia ki jia hadien ba ka sorkar Assam ka la shna ia ka surok ha ki jaka hapoh u pud u sam jong ka Meghalaya bad kam dei ba ka sorkar Assam ka wan knieh hynrei ka dei tang namar ka jing ailad jong ki briew na shnong da kaba ai NOC.

Katkum ka jingiathuh jong u Sirdar Shnong ka Umsohbar Raidland Nongspung Syiemship, u bah Manoson Daloi, la ong ba dei u Syiem ka Hima Nongspung u Petrick Syiemiong ryngkat bad u bah Michel Warjri, Secretary ka Hima Nongspung ba la ia soi bad u MLA ka Assam u Ravindar Narayan Kalita.

U bah Manoson Daloi u la ong, “Kum ba la pynpaw ha ka pyrthei ba u bah Michel u dei u ba khang ia ka ne ka surok ban pynthame ia ngi ba u dei u nongiada jong ka ri hynrei ngi lap ba dei u bah Michel Warjri hi uba ba ai ia ka NOC.”

U bah Manoson Daloi u la ban shuh shuh da kaba ong, “U bah Michel, u Syiem ka Hima Nongspung bad u MLA ka Assam, u Ravindra Narayan Kalita, hadien ba ki la dep ia soi ia ka ne ka NOC u la ai ki copy sha ka Sorkar Meghalaya ha ka ba u bah Prestone Tynsong ruh u la ioh ia ka” bad mar kumta hi ka sorkar Assam ka la sdang ban pyntrei ia ka surok, kaba na Garolik lyngba ka Patgang sha Balkhawapara, ki la dep pyntrei bad kaba sah ka long na Maw Dawki haduh Jimrigaon, ia kaba ki dang pyntrei shaid shaid.

U bah Manoson u la kynnoh shuh shuh ba u “Syiem bad ki baheh jong u kynthup ia u Joint Secretary ki don ka jingiadei bad kane ka kam ban ia soi ia ka agreement.”

U bah Manoson u la pynshai da kaba ong, “Namar ka jingkhang jong ki ia ka sorkar Asssam kam shym long ban khang ia ka jingshna surok, hynrei ka dei namar ba ki nongtrei kim don ia ka trading licence na ka KHADC, bad ia kata ki la leh ha ka 21 tarik u bnai June 2018.”

“Te ki kontrak jong ka Assam ki khlem sngap ia kane, kumta dei na kane ba la sdang ka jingkulmar,” la pynshai u bah Manoson Doloi bad u la ban jur ba kadei ka jingleh jong u bah Michael Warjri da kaba khang ia ka lynti bah sha Maw Dawki.

↧

Dawa ka Warmawsaw-Umsohbar Raid Land Ribhoi Council, Hima Nongspung ban ithuh noh ia ka Raid

May 20, 2019, 8:03 am

≫ Next: Jah ka longkmie na Mawlai Nongkwar

≪ Previous: Dei U bah Michael bad U Syiem, kiba mynjur ia ka Assam ban shna surok

Shillong: Ka Warmawsaw-Umsohbar Raid Land Ribhoi Council, Hima Nongspung ka la dawa na ki bor jong ka Khasi Hills Autonomous District Council (KHADC) lyngba jong u Chief Executive Member (CEM) ba kan ithuh noh ia ka Warmawsaw-Umsohbar Raid Land Ribhoi Council kaba hap hapoh ka Hima Nongspung kum ka Raid kaba pura kumba long naduh hyndai hynthai kulong kumah.

Halor kane ka Warmawsaw-Umsohbar Raid Land Ribhoi Council ka la leit bah buh ia ka dorkhas ha ka ophis jong u CEM ka KHADC ha kaba ka la pyntip ba katkum ka rai jongka Dorbar ha ka 23 tarik u Lber 2013 ka la kwah ban pynithuh ialade kum ka raid hapoh ka Hima Nongspung.

Ka Dorbar ka la kdew ruh ia ki nongrim kiba ka la ieng ba ka dei ka Raid kaba pura namar ba naduh hyndai hynthai la synshar katkum ka riti dustur da ki basan ka raid Warmawsaw bad Umsohbar naduh ka snem 1860 eiei.

Ha ka mat kaba ar, ka Dorbar ka la kynnoh ba u Syiem bad ki ba khraw jong ka Hima ki la synshar ha ka jinglong khwan myntoi da kaba kynnoh ruh ia u Syiem Peter Syiemiong bad u Acting Syiem Medrick Rani kumjuh ruh ia u bah Michael Warjri ba ki leh donbor bad iuhroit ia ka riti dustur.

Haba kren bad ki lad pathai khubor ha ka 20 tarik u Jymmang 2019 hadien ba ki la leit ban buh ia ka dorkhas ha u CEM ka KHADC, u bah Manason Doloi u la ong ba ka jingsynshar hapoh Hima Nongspung ka long kaba kulmar ha kaba u “Syiem u dei ban long u Syiem u kmie pynban u long u Syiem u Rakot.”

↧

Jah ka longkmie na Mawlai Nongkwar

May 20, 2019, 8:18 am

≫ Next: Ngin ap ha ka 23 tarik, wat la, la iathuh lypa ban jop biang ka NDA:Conrad

≪ Previous: Dawa ka Warmawsaw-Umsohbar Raid Land Ribhoi Council, Hima Nongspung ban ithuh noh ia ka Raid

Shillong: Kawei ka longkmie ia kaba la tip kyrteng kum ka Kong Cicilia Rynjah 44 snem rta, khun jong ka Kong Nongkynrih bad para jong ka Kong Bih bih sngaid ba shong ba sah ha Mawlai Nongkwar Block 8, ka la jah na la iing naduh ka step jong ka 18 tarik mynta u bnai bad ym pat shym la lapdien haduh mynta.

Halor kane ka jingjia na ka liang kiba haiing hasem ki la dep ruh ban ujor sha ki pulit ka Mawlai Police Station ban leh ia kaba donkam.
Kumta na ka liang kiba haiing ki kyntu jur ia kino kino kiba iohi ne don jingtip shaphang ine ki longkmie kin sngewbha ban phone sha kine ki nombor : 9612361701 & 9774219726, lane sha ki police station kiba hajan eh.

↧

Ngin ap ha ka 23 tarik, wat la, la iathuh lypa ban jop biang ka NDA:Conrad

May 20, 2019, 9:17 am

≫ Next: Kut ka jingialehkai siat suloi ba ar sngi ka SAM

≪ Previous: Jah ka longkmie na Mawlai Nongkwar

Shillong: U Myntri rangbah ka jylla u Conrad K Sangma u la ong ba watla ki lad pathai khubor ki la iathuh lypa ba ka NDA kan wan biang ha ka bor hynrei kaba kongsan ka long ban ap haduh ka 23 tarik kaba dei ka sngi niew ia ki vote.

Haba kren sha ki lad pathai khubor mynta ka sngi, u Conrad u la ong ba katkum ka jingiathuh lypa, ka jingkhein kyllum ka la kdew shai ba ka NDA kan wan biang ha ka bor hapoh ka jingialam u Myntri Rangbahduh ka ri u Narendra Modi.

U la ong ba kumba ka paw ka jingwan biang u Modi ha ka bor, kan pyni ba ki paidbah ki shaniah bad ki hun ia ki jingtrei jongu ha kine ki san snem ba la dep.

“Ka jingiathuh lypa ka ai ia ka phang bad katkum ka jingkhein kyllum ka NDA ka lah ban wan biang ha ka bor bad kane ka dei ka jingiathuh lypa ha kaba u Modi un wan biang namar ba ki paidbah ki sngew hun ia ki kam jongu hynrei ngin hap ban ap ia ka result ba shisha”, la ong u Conrad.

Hynrei ha kaba iadei bad kane ka jylla, u Conrad u la ong ba ki ar ngut ki kyrtong ka MDA kin jop beit ha kane ka kynti. “Ka MDA kan jop na baroh ar tylli ki na Shillong bad Tura”, la ong u Conrad.

↧

Kut ka jingialehkai siat suloi ba ar sngi ka SAM

May 20, 2019, 7:50 pm

≫ Next: Hikai coach ka AIFF ha Polo, Shillong

≪ Previous: Ngin ap ha ka 23 tarik, wat la, la iathuh lypa ban jop biang ka NDA:Conrad

Shillong: Ka Shooting Association of Meghalaya (SAM) ka la pynkut noh ia ka jingialehkai siat suloi kaba long ar sngi ha ka 18 bad 19 tarik mynta u bnai. Ia kane ka jingialehkai la pynlong ha Assam Regimental Center, Happy Valley, Shillong ha ki jingiakop siat ba kynthup ia ka 10 meter air pistol, 10 meter air rifle, 25 meter sports pistol, 25 meter standard pistol, 50 meter small bore. 22 rifle.

Ia ka jingsam khusnam ia ki nongjop la pyllong ha Meghalaya Police Shooting Club, Police Reserve, Shillong, ha kaba u Director General of Police, Meghalaya, u R. Chandranathan ,IPS, u long kongsan ba la don lang ka kong Claudia Lyngwa, SP, East Khasi Hills District.
Ki nongjop ha ka 1st Shillong Open Shooting championship 2019 ki long ha ka 10m AIR PISTOL WOMEN-1st.position, Balarishisha Rani, 2nd position, Shirley Mary Kharbuli 3rd position, Toiaibha Mylliempdah. Ha ka 10m AIR PISTOL MEN- 1st position, Walshall Momin, 2nd. position, Davis NR Marak, 3rd position, Desi Derius Pakma. Ha ka 10m AIR RIFLE WOMEN-1st position, Anjali Singh, 2nd position, Lai Nengboi Kipgen, 3rd position, S Rebecca. Ha ka 10m AIR RIFLE MEN-1st position, Wanpliborlang Nongsiej, 2nd position, Banrilang Blein, 3rd position, Mathaius Ch Sangma. Ha ka 25m Sports PISTOL WOMEN-1st position, Balarishisha Rani, 2nd position, Toiaibha Mylliempdah, 3rd position, Shirley Mary Kharbuli. Ha ka 25m STANDARD PISTOL MEN-1st position, Walshall Momin, 2nd position, Pynkhraw Kharshiieng, 3rd position, Rajen Bordoloi. Ha ka SMALL BORE. 22 PEEP SIGHT RIFLE, PRONE POSITION, WOMEN-1st position, Veronica Buhroy, 2nd position, Amalisha N Sangma, 3rd position, Anjali Singh. Ha ka SMALL BORE. 22 PEEP SIGHT RIFLE, PRONE POSITION, MEN-1st position, Hiamdor Lyngdoh, 2nd position, Mawdaker Marwein, 3rd position, Dennyson Kyrsian. Kane ka long ka kyrwoh na u bah Nicholas Jeffrey Jyrwa Nongkhlaw u Media Secy ka SAM.

↧

Hikai coach ka AIFF ha Polo, Shillong

May 20, 2019, 7:53 pm

≫ Next: Pynkynriah tarik jngi ka MSA

≪ Previous: Kut ka jingialehkai siat suloi ba ar sngi ka SAM

Shillong: Ka Meghalaya Football Association (MFA) ka dang pynlong ia ka jingai jinghikai coach ka All India Football Federation Grassroots Leaders Course ha madan Jawaharlal Nehru Sports Complex , Polo, Shillong.
Kane ka jingai jinghikai la sdang ha kane ka sngi Saitjain bad kan kut mynta ka sngi Hat Majai. Ki don baroh 21 ngut ki Coach na Meghalaya bad na ki jylla ka Dong Mihngi ba la hikai da kaba peit ia ka Grassroots ka AIFF ka Anju Turambekar da ka jingiarap u CEO ka MFA, u bah Arki Nongrum.
Ha kane ka jinghikai kaba saw sngi, kan ai jinghikai ia ki samla, ha ka jingpule bad ka praktikal.
La ai jinghikai ruh ia ki khynnah na ka Unified Gorkha Football Club.

↧

Pynkynriah tarik jngi ka MSA

May 20, 2019, 7:57 pm

≫ Next: Kyrshan ka KHNAM ban pynduh ST ia ki riewlum bym dei na jylla

≪ Previous: Hikai coach ka AIFF ha Polo, Shillong

Shillong:Ka Meghalaya Swimming Association, ka pyntip ba ka 15th Meghalaya Junior & Sub Junior Swimming Championship ba la pynbeit ban pynlong ha ka 24 bad 25 tarik mynta u bnai Jymmang la pynsangeh noh na ki daw bym lah kiar bad la pynkynriah pat ia ka tarik sha ka 7 bad 8 u Jylliew.
Kiba kwah ban pynrung kyrteng ban shim bynta ha katei ka jingjngi yn pynlong ha Crinoline Swimming Pool naduh ka por 9baje mynstep haduh 4baje janmiet, Sngi Hat Majai haduh Sngi Saitjain haduh ka 6tarik u Jylliew, katkum ka kyrwoh na u Bah Ian A Lyngdoh, Secretary, Meghalaya Swimming Association.

↧

Kyrshan ka KHNAM ban pynduh ST ia ki riewlum bym dei na jylla

May 20, 2019, 8:05 pm

≫ Next: Sei ia ka met u samla ba ngam jyllop ha Jalaphet

≪ Previous: Pynkynriah tarik jngi ka MSA

Shillong: Ka KHNAM tnad samla ka la kyrshan ia ka Synjuk Ki Nongsynshar Shnong ka Nongthymmai Pyllun ban dawa pynkylla noh ia ka rukom ai syrnot Scheduled Tribes/Castes kaba long katkum ka Presidential Order 1950 ka sorkar pdeng da kaba weng noh ia ki riewlum ki bym dei na ka jylla Meghalaya.

Haba kren sha ki lad pathai khubor, u president ka KHNAM youth wing, u bah Thomas Passah u la ong ba ka seng ka kyrshan ia ka jingdawa ka Synjuk Nongsynshar Nongthymmai ban nym ithuh ia kiwei ki riewlum ki bym dei khasi, Garo kiba sah ha kane ka jylla.
U la ong ba namar ba ka jingbakla kaba naduh mynshwa, ka la pynlong ia kiwei ki riewlum ST na kiwei ki jylla ban ioh ei ia ka hok jong ki riewlum kiba dei na kane ka jylla.
“Naduh Rajasthan kila wan ban aplai kam ha ki tnad sorkar ha kane ka jylla kum ki ST”, la kam u bah Thomas.
U la ong ba katkum ka jingpynbna ka sorkar, ki don haduh 17 tylli ki jaitbynriew Tribe ba ioh ST ha Meghalaya.
“La mlien ban bud tynneng tangba la ioh ia ka jylla khlem bishar bniah”, u la ong bad bynrap, “Ngi ai jingkyrshan ia ka Synjuk Rangbah shnong bad kyntu ia u Myntri Rangbah ka jylla u Conrad K Sangma u dei ban shim khia ia kane ka kam.La kyntu ia ki sengbhalang ban ia kyrshan lang ia kane’.
Lah ban kdew ba ki nongsynshar shnong dang shen, ki la iakynduh ia u Myntri Rangbah ban dawa pynkylla ia kane ka ain namar ba ki don kumba 17 tylli ki jait riewlum katkum ka Presidential Order 1950 ha kaba ka rukom bud jong ka jylla Meghalaya ka la pynkulmar ia ka rukom ithuh riewlum ha kane ka jylla namar ki don ki riewlum ba shu wanpoi na kiwei pat ki jylla ki ioh ia kajuh ka jingithuh kum ki trai jylla kaba la wanrah ka jingduhnong ia ki trai jylla ha kiba bun ki liang.

↧

Sei ia ka met u samla ba ngam jyllop ha Jalaphet

May 20, 2019, 8:07 pm

≫ Next: Kam don ka jingtih uranium ha jylla, ong u Conrad

≪ Previous: Kyrshan ka KHNAM ban pynduh ST ia ki riewlum bym dei na jylla

Jowai: Ki shipai bad pulit pyllait im myn hynnin ka sngi, ki la ioh ban sei ia ka met jong u samla ba la ngam jyllop ha Kshaid Syndang kaba don ha Jalaphet Bri-Sutnga hynnin ka sngi U Blei.
Utei u samla lud uba dang 17 snem ka rta bad uba dang ap result matrik u la leit sha katei ka kshaid bad ar ngut ki paralok ban leit jngi hynrei uwei na ki u la ngam jyllop noh.
Utei u samlud uba la iap ha katei ka kshaid udei uba la tip kyrteng kum u Mihsalan Chyrmang uba dei na ka Shnong Jalaphet, East Jaintia Hills.
Ia ka met jong u la aiti noh sha ki ba haiing hadien ba ki pulit ka Khliehriat ki la pyndep ia ki jingdonkam katkum ka ain.

↧

Kam don ka jingtih uranium ha jylla, ong u Conrad

May 20, 2019, 8:10 pm

≫ Next: Pynkulmar kiba ha iing, shwa ban mih na Ganesh Das Hospital: U khyllung u dangim ha ka por ba ki mih, ong ka MS

≪ Previous: Sei ia ka met u samla ba ngam jyllop ha Jalaphet

Shillong: U Myntri Rangbah ka jylla u Conrad K Sangma ula ong ba kam don satia kano kano ka jingtih ne shalan ia u uranium na Meghalaya bad ka sorkar ka ieng skhem beit ban nym shah ia kane.
Haba jubab myn hynnin ka sngi ia ka jingkylli ba la ioh kurup uranium na Manipur jong ka AMD bad UCIL na Meghalaya, u Conrad u la ong, “Kam don kano kano ka jingjia ban don ka jingtih uranium ha ka jylla hynrei namar ba ka dei ka kam kaba ma bha”.
Hynrei ha kajuh ka por, u myntri u la ong, “Ngin wad jingtip bha halor kane”.
Lah ban kdew ba hynnin ka sngi, ka KSU South West Khasi kala kam ba ka la ioh kurup ia ka song uranium na Manipur kaba thoh ba dei ka AMD bad UCIl na Meghalaya.
Ha kawei ka liang halor ka jingbym pat ioh tulop ki nonghikai deficit la lai bnai, u Myntri Rangbah, u la ong ba um don jingtip ia kane hynrei un hap ban wad jingtip, ioh lehse ki don ki daw.
“Ngam tip ia kata, kam pat wan ka jingtip sha nga hynrei ka lah ban long lehse namar ba ioh don ki jingeh hangne hangtai”, la ong u myntri rangbah. Ula ong ba un sa wad jingtip halor kane na ka tnad ba dei peit.
U Myntri Rangbah ka jylla ula ong watla um pat ioh jingthoh eiei na ki nonghikai halor kane ka bynta hynrei un sa wad jingtip halor kane.
Lah ban kdew ba ki nonghikai deficit kim pat ioh tulop la lai bnai mynta naduh u Lber haduh u Jymmang.

↧

Pynkulmar kiba ha iing, shwa ban mih na Ganesh Das Hospital: U khyllung u dangim ha ka por ba ki mih, ong ka MS

May 20, 2019, 8:12 pm

≫ Next: Shisien lai bnai, ka bai thang ding sha thain Barato

≪ Previous: Kam don ka jingtih uranium ha jylla, ong u Conrad

Shillong: U Rupang myn hynnin ka sngi da lade hi u la leit ban ioh ia kren bad I Doktor N.Wanswet , ba dei I Medical Superintendent jong ka Ganesh Das Hospital,Shillong halor ka jingmih khubor ba khlad I khyllung jong I kong Anita Sing Rumnong ha Ganesh Das Hospital,Shillong.
I Doktor I la iathuh ba I kong Anita Sing Rumnong I la wan shah sumar ban kha khyllung ha ka 26 tarik Iaiong,2019 bad ki doktor ki la pynsted ban peit ia I bad la shem ba ka jinglong jong ka met jong ka kam don ha ka jinglong ba bha namar ba ka don ha ka High Blood Pressure bad la shem ba kam don um shuh, kaba la pynlong ba hap ban shu sei noh ia I khyllung da kaba shu puid noh bad mar ba ioh sei Ia u khyllung shynrang, la thew bad u don ka jing khia ba duna eh ba 1.900 gram, hynrei um don jing shitom eiei.
Ki doktor ba dei peit mar mar hi ki la peit bad ki la leit buh noh ia u khyllung sha ka jaka sumar khyllung ba khot ka Sick Newborn Care Unit.
La iathuh ruh ba u khyllung u khlem leilei naduh ka 27 tarik Iaiong 2019 haduh ka 1tarik Jymmang 2019 bad ka kmie jong I khyllung ruh ka ioh ban leit ai buin ha poh ka kamra pynthiah khyllung.
I la iathuh ba ki doktor bad ki sistar ki la leh ruh ia ki jait test ba donkam baroh,namar ki sistar baroh ki dei ki ba la dep training bad la lap ba ha ka por janmiet kumba 7 baje eiei jong ka 1 tarik Jymmang, la I don jingpher ha u khyllung bad la I donkam ban ai oxygen namar I khyllung I la nang shitom nang shitom.
Shuh shuh la iathuh ba dei ha ka por kumba 9.30 jong ka miet shi tarik Jymmang, kiba ha iing jong I khyllung pat ki la kyrpad ban pyllait noh ban leit sumar noh shawei. “Wat la ki doktor ki la ialeh ban pyni ba kam long ka ba bha ban mih namar I khyllung ruh I nang shitom nang shitom ioh jia eiei ha lynti.Hynrei namar ka kiba ha iing ki la pyneh, la shu pyllait noh ha ka mon jong ki ba ki khot ka Left Against Medical Advice (LAMA)” la iathuh I doktor.
I doktor I la iathuh ba ha ka por ba ki mih I khyllung te im pat khlad, hynrei I don pat ha ka jinglong ba shitom bha.
K ba ha iing jong ka Kong Anita Sing Rumnong la ong ba 10 ngut ki la ia rung jubor na ka jaka mih bym dei, na ka bynta ki paitbah bad ki la pynkulmar ha katei ka 1 tarik Jymmang shwa ba kin mih noh haduh ba ki la tan ia ka kti jong kawei ka doktor bad ki sistar ka Hospital ki leit ban pyntip sha ka ka Doktor N.Wanswet,ka Medical Superintendent bad ban iada na ka jingjia ba sngewsih, ka Doktor ka la hap ban phah wan da ki pulit, h a kaba ki pulit ruh ki la iohi iaka ta ka jing kulmar ka ba la jia hangta.
Halor katei jing ujor pyrshah jong ka Kong Anita pyrshah ia ka Hospital, la iathuh ba ki pulit ki la wan wad jingtip ha ka 9tarik Jymmang, bad ia ki kot ki sla ba iadei bad katei ka jingshah ujor ki la ai ha kti ki pulit ha ka 13tarik Jymmang 2019.

↧

Shisien lai bnai, ka bai thang ding sha thain Barato

May 20, 2019, 8:16 pm

≫ Next: Pynkhreh ki seng Hindu, ban pynkylla ri Hindu ia ka India ha shwa u snem 2023

≪ Previous: Pynkulmar kiba ha iing, shwa ban mih na Ganesh Das Hospital: U khyllung u dangim ha ka por ba ki mih, ong ka MS

Shillong:Ka Khasi Students’ Union Barato Unit bad Mukroh Unit hapoh ka jingialam jong u President Samla Hamar Maskut bad Secretary Samla Nihun Sten myn hynnin ka sngi ki la leit ban iakynduh ia u Junior Engineer Revenue Sub Division MPDCL ha Jowai ban dawa ia ka jingslem jong ka ophis ban pynpoi ia ki bill light sha u paidbah sha kitei ki thain Thadialong bad Barato ha ka jaka ba kin pynpoi man la u bnai, hynrei ki pynpoi pynban shisien lai bnai. Kane ka jingleh jong ka ophis, ka buh jingeh kaba khraw ia ki longiing ba duk, ha ka jaka ba kin siew shibnai ki hap siew baroh ka bill jong ki lai bnai.

Kumta na ka liang ka seng ka la dawa jur ia une u ophisar, ba dei peit ia kane ba un tohkit lane ban phah thikna ia ki bill light sha kine ki jaka ym ban phah shisien ka lai bnai. Na ka liang jong u, u la kular ha khmat ka seng ba un leh ia kaba donkam, ong ka kyrwoh na u Secretary ka Barato Unit Samla Nihun Sten.

↧

Pynkhreh ki seng Hindu, ban pynkylla ri Hindu ia ka India ha shwa u snem 2023

May 20, 2019, 8:55 pm

≫ Next: T.30 bai leit pi, sa lei ka!!

≪ Previous: Shisien lai bnai, ka bai thang ding sha thain Barato

Namar ka khubor ba ka BJP, kan wan phai biang ha ka jing synshar ha Delhi, kumta shi bun tylli ki seng ngeit niam Hindu, ki la pynkhreh ia ka jingialang kaba shiphew sngi kynthih, ha ka 27tarik Jymmang bad ka phang, ka long ban pynkylla ia ka riti synshar ri bad ban pynbna ia ka India, kum ka Ri Hindu lane kaba ki ong “Hindu rashtra”.

Ka Hindu Janajagruti Samiti, ka iathuh ba ka jingialang kan long ha Ponda, Goa, ha kaba kin don 800 tylli ki seng ki ban shim bynta ha ktei ka jingialang. Katei ka Samiti, ka dei ka seng, kaba donkti ha kaba pyniap ia ka nongthoh khubor, ka Gauri Lankesh.

U Mohan Gowda, u nongkren jong ka Samiti, lem bad U NP Amrutesh, Vice President ka Hindi Vidhidnya Parishad, ki kren shai ha ka news channel CNN News 18, ba ka thong jongki ka long ban pynkylla ia ka India, kum ka Ri jong ki Hindu bad ban weng noh ia ka kyntien laitluid niam (secularism) na ka riti synshar Ri. U Mohan Gowda, u pynbna ba ka India, ka dei ban kylla Ri Hindu, lada slem eh ha shwa u snem 2023.

↧

T.30 bai leit pi, sa lei ka!!

May 20, 2019, 9:14 pm

≫ Next: Shah siat iap U MLA ka Arunachal Pradesh, ba u pyniasoh bad ka NPP

≪ Previous: Pynkhreh ki seng Hindu, ban pynkylla ri Hindu ia ka India ha shwa u snem 2023

Kawei ka sengbhalang, ka la ujor halor ka jing remdor eh jong ka jaka leit pi ha Khyndailad, kaba shongdor haduh T.30 shisien leit.
Ka dor ha Police Bazaar, ngim sngew phylla shuh, namar ba kam dei tang ka jaka leit pi, hynrei baroh khoit, ki don tang kiba remdor suda, ha kaba lehse, u dei tang u waidong uba tad, hynrei lada thied juti, thied patlun sopti, leit bam ja ne dih sha bad kiwei kiwei ruh, ngi ju tip, ba haba la leit sha Khyndailad, la hap ban thep kham rben ka pla, hynrei te la shah lehrain artad.
Ka jaka leit pi, haba shu kum pyrkhat sngew kumba kam da dei eh ban rem dor than, hynrei, haba u trai pat ula khein rem dor, kata ruh, kaba ngim lah ban leh eiei; hynrei kaba ngi dei ban iakren, lane kaba ki sengbhalang, ki dei ban kham pynleit jingmut, ka long ba ka bai sha ruh, ka rem dor shibun bad lada bam ja doh ruh, ha iew bad ha khyndailad, ka iapher ka dor haduh lai bad saw shah bad nangta sa kiba bun ki jingdonkam bapher, kiba la shu kiew lai, saw shah hapdeng ka Iewduh bad ka Police Bazaar.
Ka la ju don ka jingong, ba ka dor jong ki mar ki mata, kiba don ha dukan, dei ban da thoh ba ki nongthied kin tip lypa bad lada ka long kumta, ka la bha ia ki dukan ha Khyndailad lane kum katei ka sengbhalang, ba kan dawa na kitei ki dukan, ba kin da wah ia ka dor kaba shai bad kaba iohi paidbah, ba kan nym don ka jingleh thombor lane die palat pud, na ka dor kaba dei ban die.
Ym tang katta, katei ka seng bhalang, kam dei ban pynkut tang ha Khyndailad, hynrei lada phi leit lei ha Iewduh, phin iohi, ba ki nongthied kiba dei ki nong kyndong, ki ju shah tan ha u dkhar die dukan, wat haba kim mon ruh bad u ju ialam biang ia ki sha dukan, ban ioh ia dait dor bad haba ki la tuklar ia ka bai leit pi, kumta kan bha shibun, lada kin tuklar ia ka dor jong ki juti, ki muja kjat, ki sopti, ki patlun bad kiwei, ba kan nym don ka jingnion bein ia ki nongthied bad haba ka long kumta, katei ka sengbhalang, ka donkam da kawei ka tnat kaba kyrpang, ba kan shah shkor ia ka jingud jong ki nongthied baroh jait, ym tang kito kiba siew heh dor, ha ka jingleit pi ha Khyndailad. [rms]

↧

Shah siat iap U MLA ka Arunachal Pradesh, ba u pyniasoh bad ka NPP

May 21, 2019, 3:31 am

≫ Next: Namar ba u phah thep vote ia 5ngut kiba ha iing, u shah siat iap 5 kuli ha Kashmir

≪ Previous: T.30 bai leit pi, sa lei ka!!

Hynniew ngut ki briew, ba kynthup ia u kandidet jong ka seng NPP bad uba dei U MLA ba mynta jong ka 56 Khonsa West, U Tiroh Aboh, ki la shah siat iap mynta ka step, da ki ehrang NCSN (IM) ha Bogapani ha Tirap district jong ka Arunachal Pradesh. La iathuh ba U MLA, u dang leit jingleit na Dibrugarh sha Khonsa. La iathuh ba ki ehrang NSCN (IM), ki la byrngem ia U MLA, namar ba ki kanbas elekshon ia ka seng NPP.

Ka jingjia, ka dei ha ka por 11.30 mynta ka step bad ka dei ha Bogapani.

U Conrad Sangma, President ka seng NPP, ula pynrem jur halor katei ka jingsiat iap ia U Tirong Aboh MLA bad U Conrad, u dawa ia U Rajnath Singh myntri kam poh iing bad ia ka ophis u myntri rangbahduh, ba kan leh da kaba tyngeh ia kitei kiba donkti ha katei ka kam pyntriem.

↧

Namar ba u phah thep vote ia 5ngut kiba ha iing, u shah siat iap 5 kuli ha Kashmir

May 21, 2019, 3:47 am

≫ Next: Artatien ki UDP ban jop u Dr.Jemino na Sohra, kynnoh ba leh arsap ka PDF

≪ Previous: Shah siat iap U MLA ka Arunachal Pradesh, ba u pyniasoh bad ka NPP

Zungalpora (Kulgam): U Mohammad Jammal, u dkhot jong ka seng PDP, na South Kashmir jong ka Kulgam district, ula tip shai ba ka jingleit thep vote jongu, kan buh ka jingeh kaba khraw ia u, hynrei, ula rai pat ba u dei ban leit ban thep ia la ka jong ka vote.

Ha ka 29tarik Iaiong 2019, U Jammal, uba don 65 snem ka rta, na Zungalpora, um don ka met kaba shait ba koit bha bad um lah satia ban leit thep vote, hynrei, u pynthikna ba na iing jongu, ki dei ban leit thep vote. Ha katei ka shnong, kaba don 500 tylli ki longiing, ki don tang hynniew tylli ki vote kiba la leit thep bad na kitei ki don 5 tylli ki vote kiba la thep na ka iing jong U Jammal.

Hynrei ha ka Sngi U Blei ba ladep, la siat iap noh ia U Jammal, namar ba u phah leit thep vote ia kiba ha iing jongu, ha kaba ar kuli la siat na kpoh, ar kuli na ki kti jongu bad sa uwei pat na ka khmut jongu. La iathuh ba u ehrang, uba kieng da ki suloi ba khlain bor bha, ula leit rung ha ka iing jongu bad ha ka por ba U Jammal, u dang mih ban leit peit, utei u ehrang, ula siat khlem jingmap ia U Jammal. La kit mar mar ia u sha Hospital, hynrei, ula khlad noh mar ia poi ha Hospital.

Kiba ha iing U Jammal, ki kam ba ula shah siat iap, namar ba kiba ha iing jongu, ki leit thep vote bad ba ula shah siat iap 5 kuli, namar ba ki 5ngut kiba ha iing jongu, ki la leit ban thep vote.

Kiba ha iing jongu, ki khie da ka jingbitar bad ki ong “Kumno ban pyniap ia uba thep vote, haba ka jingialeh ka dei hapdeng ki ehrang bad ki shipai bad kumta ia u briew, uba don ka jingsngew sain pyrthei, ym lah ban shu pyniap ha katei ka dur. Ka suloi ka dei ban ialeh pyrshah ia ka suloi bad ym dei satia ia utei u tymmen uba pang bad uba la don 65 snem ka rta” ong U Tariq Ahmad Bhat, uba dei u pyrsa kurim jong U Jammal.

↧

Artatien ki UDP ban jop u Dr.Jemino na Sohra, kynnoh ba leh arsap ka PDF

May 21, 2019, 4:05 am

≫ Next: Hiar khynra mynder ka HYC sha Mawkhan

≪ Previous: Namar ba u phah thep vote ia 5ngut kiba ha iing, u shah siat iap 5 kuli ha Kashmir

Shillong: Shisngi shuwa ban pynbna ia ka resol elekshon MP ki nongkyrshan ba hakhmat ka UDP Na Sohra ki la duh jingkyrmen lypa bad ki artatien ba u kyrtong ka NDA u Dr.Jemino Mawthoh un jop na katei ka konstitwensi.

Ki nongkyrshan ka UDP ki la kynnoh ba ka PDF ka la leh arsap bad ka khlem trei satia na ka bynta u kyrtong ka MDA hynrei ka la kyrshan ia ka seng Congress.

Haba iakren bad uwei na ki nongialam ka UDP na Sohra u bah Chesterwell Marbaniang uba bat kum u Asstn. Secretary ka UDP Sohra Circle, u la ong ba ki nongialam bad ki nongkyrshan ka PDF ki la iathuh ba ki kyrshan ia ka Congress lyngba ka jingbthah jong u MLA u bah Gavin Mylliemngap bad u la iathuh ba ki ong ba kim lah ban leh pyrshah ia ka hukum u MLA.

Shuh shuh u la iathuh ba ka jingkyrshan Congress ki PDF ha Sohra konstitwensi ka la paw tyngkrein ha ka sngi thep vote ha kaba ki PDF ki ia dihsha sngewbha lang bad ki Congress bad ia ka jingpynlut la tip hi na u MLA uba dei na ka seng PDF.

U bah Marbaniang u la ong ruh ba ki nongialam ka PDF ki kren shai sha ki nongialam ka UDP ba ki kwah eh ban ia treilang ban kyrshan ia u Dr.Jemino khamtam ba ki ia donlang ha kajuh ka sorkar hynrei kim lah pat ban leh pyrshah ia u MLA jong ki uba la bthah ban kyrshan ia ka seng Congress.

U la ong ba ka jingiakhun ha kane ka elekshon MP na Sohra konstitwensi hi ka dei beit tang hapdeng ka UDP bad Congress hynrei da ka jingleit kyrshan jong ka PDF pat ka Congress kan tam kput ia ka UDP na Sohra konstitwensi.

↧

Hiar khynra mynder ka HYC sha Mawkhan

May 21, 2019, 4:08 am

≫ Next: Pynmih ka website ia ka result thok jong ka SSLC 2019

≪ Previous: Artatien ki UDP ban jop u Dr.Jemino na Sohra, kynnoh ba leh arsap ka PDF

Shillong: Ki dkhot ka HYC, ki la hiar mynta ka sngi sha Mawkhan, na ka bynta ban khynra mynder, kiba thmu ban wan shong shnong ha ka dur ki nongbylla sngi. La ialam ia katei ka jingleit, da ki dkhot jong ka HYC ha Lawbah Circle.

“Ngi kyntu ia baroh ki Para Ri ba ngin peitngor lang iaka jing hiar thma ba jar jar jong ki nongwei jan man kasngi sha ki shnong kyndong ka Bri u Hynñiewtrep bad ngi maham ia kito kiba kdup mynder ba kin pyrkhat arsien shwa ban poi sha kaba eh” ong ka kyrwoh jong ka seng.

↧