Jowai: Uwei u samla 27 snem u la shah dung bad shah dung bad shah ksih na ryndang bad na ka daw ba u la mynsawjur u la khlad noh ha Hospital. Katei ka jingjia ka la jia hynnin ka miet ha ka shnong Nongbah bad ki pulit ka Phramer Traffic Cell ki la ioh kem ia uwei u briew... Pule Shuh Shuh»
The post Shah pyniap uwei ha Nangbah, kem ki pulit ia U Nehru appeared first on Rupang.
U misteri na Netherlands, ula thaw ia ka lieng, kaba u pyn ia syriem bad ka lieng U Noah, kaba ka jingkhia jongka, ka long 2,500ton bad ia katei ka lieng, un leit pyntuid sha Israel.
U Johan Huibers’ u shna ia katei ka lieng bad hapoh jongka, ki don ki mrad kiba da ki dieng, ha kaba la trei pyndep ia ka, la hynriew snem mynshwa, ha ka jinglot kaba $1.6million (£1million) bad mynta ka dei ka jingshna kaba khring ia bun bah ki paidbah, ha ka jaka ieng jongka ha Dordrecht, shathie jong ka Amsterdam.
Hynrei U Huibers, u iathuh ba u kwah ba katei ka jingtei, kaba un ai sha U Blei ba un pynpoi sha ka jaka, kaba u thmu bad mynta u dang wad jingiarap na ki riew don mynsiem “Nga kwah ia kane ka lieng ba kan poi sha Israel” ong U Huibers, 60.
“Ka lah ban long ka kam kaba sngew tieng, hynrei nga ngeit ba baroh ki dei kiba la thoh ha ka kot bakhuid na kaba sdang jong ka jingsuk bad haduh kaba kut jong ka jingsop jongka. Kane ka dei ka lieng jong U Blei bad ka dei ban poi ruh ha ka ri ka jong U Blei”.
Mynta u donkam sa $1.3 million ban pynpoi ia ka lieng sha katei ka jaka kaba u thmu bad ka jingthmu kaba kongsan, ka long ba un don da u motor, u ban pyniaid ia katei ka lieng.
U Huibers, u kwah ban pynpoi sha Brazil, hynrei ka jinglut sha katei ka jingjngai kaba 5hajar mer, ka long $1.97million (£1.36million). Katei ka lieng, ka kham heh ia ka madan ialehkai phutbol bad ka don 5 mala bad ka la ban kit ia 5hajar ngut ki briew. Katei ka lieng, ka dei kaba jrong lynter 410ft, ka pynkiang 95ft bad sa 75 phut ka pynieng jongka, kaba lam ia syriem ia ka lieng kaba la thoh ha ka kitab U Genesis 6:15.
The post Thaw u misteri ia ka lieng, kaba kum ka lieng U Noah, kwah leit buh sha Israel appeared first on Rupang.
U dei u masi, uba heh duh bad ka jingkhia jongu, ka la long kum kawei na ki kali rit bad utei u masi, u dei u masi, uba heh tam ha Australia.
U trai jong utei u masi, U Geoff Pearson, uba dei na Australia, u la ri la sumar ia utei u masi, uba jrong hynniew phut bad uba khia 1,400 kilo bad utei u donbok, ba ym lah shuh satia ban khaii ruh namar ba ula heh palat bad na ka daw ka jingheh jongu, kumta utei u masi, uba jrong thik hynriew phut 4 inshi, u ioh ban shong ban shirta ha katei ka jaka ri masi.
Ka Guinness Book of World Records, ka don ia ka jingkhein, ha kaba u masi, uba khia tam ha pyrthei, u dei uba don 2267kilo.
The post U masi uba jrong hynniew phut, dei uba jrong tam ha Australia appeared first on Rupang.
Tura: Ka trai bad kaba long ruh ka headmistress jong kawei ka skul shimet ha Tura, ka don mynta ha ka jing shah ujor, na ka daw, ba ka pynduh thoh eksamin ia ki arngut shi para, namar ba ki kmie ki kpa, kim pat siew ia ka bai skul, na ka bynta ar bnai.
U Ram Singh, Deputy Commissioner, ka West Garo Hills, ula hukum ia U District School Education, ba u dei ban ai ia ka kaiphod kaba shai halor katei ka jingjia, kaba jia ha Casarina Public school, ha kaba ka Marina R Marak, ka dei ka headmistress.
Na ka jingtip kaba malu mala, la sngewthuh ba kitei ki arngut shi para, ki shah set ha kawei ka kamra bad kim ioh satia ban thoh eksamin bad kitei ki dei ki khun kynthei jong U William S Sangma, ha kaba kawei ka dei kaba dang san snem ka rta bad sa kawei kaba 10snem ka rta. Kitei kim shym la ioh thoh eksamin satia, kaba sdang naduh ka 19tarik Naiwieng 2018.
Da ka jing tuklar U DC, la sngewthuh ba katei ka trai jong katei ka skul, ka la shah ia kitei ki khynnah, ba kin ialeh ia ki eksamin ha ki subjek, kiba dang sah, hynrei U Sangma, u iathuh ba u sngewsih jur, ba ki khun jongu, ki la duh noh ia ki katto katne ki sobjek, kiba la dep pynlong haduh mynta.
The post Ujor u kpa ha U DC Tura, ba duh thoh eksamin ki khun, namar bym siew bai skul appeared first on Rupang.
Shillong: U Bah Tyngshain Synrem (30), ula iap ei, na ka daw ba u ur katba u dang trei ha kawei ka jaka tih maw ha Laitkroh, Mawkdok jong ka East Khasi Hills, ha ka 27tarik Naiwieng 2018. U Bah Synrem, u la hap, ha ka por 5.11 baje jong katei ka janmiet bad la iathuh ba ula mynsaw jur na ki bynta jong ka khlieh.
Ka kali 108, ka la shimti mar mar ia utei uba mynsaw bad haba la leit rah sha PHC ha Swer, la lap da ki doktor, ba utei u briew, u la iap.
The post Khlad u rangbah, ba hap ha jaka trei maw ha Laitkroh appeared first on Rupang.
Palat shi lak ngut ki nongrep na kylleng ka India, kin poi ha ka nongbah Delhi, mynta ka sngi bad lashai, na ka bynta ban dawa ia ka dorbar kaba 21 sngi kynthih jong ka Parliament, ban iakren halor ka jingeh jong ki nongrep ha India bad ki nongrep, ki kwah ruh ba dei ban don ka jingmap ram ia ki nongrep. Katei ka jingleit tur sha Delhi, ka dei ha ka lama jong ka All India Kisan Sabha, kaba don ia ka jingkyrshan jong ki 200ngut ki nongrep, ha ka kynhun jong ka All India Kisan Sangharsh Coordination Committee (AIKSCC).
Katei ka jingialang kan dei kaba heh tam ha kine ki khyndiat snem ba ladep, ong ka khubor jong ka All India Kisan Sangharsh Coordination Committee (AIKSCC).
Ka jingiaid paidbah kan sdang na ka madan Ramlila sha Parliament Street lashai ka sngi.
Ki nongrep na Tamil Nadu, ki wan rah lem ruh bad ki ia ka shruh jong ki arngut ki para nongrep jongki, kiba la pyniap ialade bad kitei ki byrngem ruh ba kin iaid lyngkhuid lashai ka sngi, lada jia ba ka don ka jingkhang lad ia ki, ban leit tur beit beit sha Parliament. Kitei ki nongrep na Tamil Nadu, ki la wan poi mynta ka sngi ha ka nongbah Delhi.
Kitei kiba la wan poi ki dei ki 1,200 ngut ki dkhot jong ka National South Indian River Interlinking Agriculturalists Association, ha kaba la ialam da u nongialam jongki, U P Ayyakannu. “Lashai kan don ka jing ia iaid lymbuit sha Parliament, lada jia ba ki pulit ki khanglad iangi” ula ong shuh shuh.
The post Lashai, yn iaid paidbah da ki lak sha Parliament, byrngem ki nongrep na Tamil Nadu ban iaid lymbuit appeared first on Rupang.
Shillong: Halor ka khubor kaba mih mynta ka sngi ha u Rupang, ‘Shah shet u GS KSU ha u nongñiah Taxi’, ka don ka jingbakla, sngewbha ban pule noh bym dei ba shah shet u GS ka KSU hynrei ka dei ka jingshah shet jong u nongñiah Taxi u Teibor Syiemlieh ha kaba la don ba phah ai lem ha u ia ka song kaba don ki tin duma, u GS ka KSU u Rutherford Lyngdoh u dei uba la iarap ia utei u nongñiah Taxi ban pyntip sha ki pulit. Ngi sngewsih namar katei ka jingbakla.
The post Jingpynbeit appeared first on Rupang.
Guwahati: Ar ngut ki nurse ki la mynsaw ha ka jing ia pyni bor bad ki pulit mynta ka sngi, ha ka hospital jong ka Assam Medical College and Hospital (AMCH). Ha katei ka sngi kaba lait jong ka jing iakhih jong ki nurse, ka la nang khluit shuh shuh, haba ki bor pyniaid hospital, ki wan rah da ki nurse kiba na ki hospital jong ki riew shimet, ba kin sumar nongpang ha katei ka Hospital.
Kitei ki nurse, ki sdang ia ka jingiakhih kaba khlem pynkut por, naduh ka 26tarik Naiwieng bad kane ka jing iakhih, ka la ktah jubor ia ki hospital sorkar ha ka Jylla hi baroh kawei.
Ki don ruh ki khubor, kiba iathuh ba ka don kawei ka thei armet, kaba la khlad noh ha Jorhat Medical College Hospital (JMCH), na ka daw ba ka slem ka jingsumar jong ki doktor, namar ba ki duna ki nurse ha katei ka hospital bad nangta la iathuh ba sa kawei ka khynnah kynthei ruh, ka la iap ha Sivasagar hospital, namar ba ka slem ka jingsumar. Kat haduh mynta, ki don 100ngut ki nurse, kiba la shah bat ha ki pulit ha Gauhati Medical College and Hospital (GMCH).
Na ka liang jong ki nurse, ki la kren shai ba kin iai bteng ban iakhih, tad haduh ba ka sorkar Jylla, kan pynioh ia ki jingdawa jongki bad ka Makahani Baruah, Presidetn jong ka AANA, ka iathuh ba ka jingiakren, ka la iaid la lai sien kynthih, hynrei ka sorkar Jylla, kam shym la leh eiei satia.
The post Bteng ka jing iakhih ki nurse ha Assam, dkoh lut ki Hospital Sorkar appeared first on Rupang.
Hadien jong u masi ramhah, mynta, ula mih sa u iar ryngkuh ba ramhah bad une u dei uba la antad, ba u dei u syiar uba heh tam ha ka pyrthei.
Utei u syiar, u dei uba kyrteng U Merakli, u dei uba im ha kawei ka jaka ri jingri ha Kosovo bad u dei uba jrong 3 phut bad uba khia 7.7 kilo. La iathuh da u trai jongu, U Fitim Sejfijaj, ba utei u syiar, u don mynta arngut ki syiar kynthei, kiba u ia shong ia sah lang bad u im suk im sain bad u biang ka bam ka dih jongu ruh, ong U Fitim. La ju tip, ia ki symbai jong kitei ki syiar, kum ki Brahma, ha kaba ki dei ki syiar, kiba heh met bha bad ki dei ki syiar, kiba ju mih symbai ha United States bad kiba wan tynrai na China. Ki syiar Brahma, kiba heh duh haduh mynta, ki don 5.5 kilo, la iathuh.
The post Mynta don sa u syiar uba heh tam, uba khia 7.7 kilo appeared first on Rupang.
Shillong: Ka ophis jong ka North East Police Academy (NEPA), ka don da ki phew tylli ki kam, kiba ka dang pynbna mynta ha katei ka ophis jongka, kaba don ha Umsaw, Ri Bhoi District.
Ki kam ki kynthup ia ka kam Constable (General Duty), ha kaba ki donkam ia 11ngut ki nongtrei, 4ngut na ka bynta ka Constable Band, nangta ki don sa kiwei pat ki kam Constable (Motor Transport), Electrician, Carpenter, Mali bad sa shibun kiwei de ki kam, ha kaba yn siew katba kum ka tulop jong ka 7th Pay Commission jong ka sorkar India. Kito kiba kwah ban tip bniah ki lah ban leit ha ka website jong ka NEPA, ka http\\www.nepa.gov.in
The post Don bun phew tylli ki kam, ha ophis jong ka NEPA ha Umsaw appeared first on Rupang.
Shillong: Ka Mawlai Constituency Committee ka pynpaw ka jingsngew lyngoh kaba khraw halor ka jingkam trai jong u MLA ka seng U Bah Adelbert Nongrum ia ka seng bad ka jingpynbna khlem nongrim ba u la dei u President ba thymmai jong ka seng, khlem da pynlong ia ka General Convention kaba dei ka rukom katkum ka riti treikam. Kane ka pynpaw ia ka jingrhah bor bad ka jingleh donbor im im peit peit jong u MLA da kaba iuh roit ia ka sur jong ki constituency ki ba bun. Katei ka seng, ka ong shuh shuh “Ha ka jingshisha ngi la khmih lynti ba un iakhun bad iakren halor ki issue ki ba la ktah ia ki paidbah khamtam eh ka ILP kaba dei ka mat kaba ha khmat eh jong ka seng bad ka issue them metor kaba hap hapoh u pud u sam jong ka Constituency jong u, hynrei phewse marsien jop MLA u pyrshang ban pynjot pynban ia ka seng”.
Ka Mawlai Constituency Committee ryngkat bad ka Mawlai Youth Wing bad Women Wing ka la ia shim bynta ha ka General Convention kaba la long ha ka 28tarik Kyllalyngkot 2017 ha Mawlai Polytechnic Hall ha kaba la jied ia ki nongkit kam ba halor eh jong ka seng kat kum ka riti treikam bad la pynskhem ia u bah Pyndapborthiaw Saibon kum u president ryngkat bad kiwei dei ki nongialam jong ka seng. “Ka Election Commission of India kam don bor ban jied ia u President ka seng bad ki nongkitkam jong ka CEC hynrei kadei ka bor jong ka General Convention. Kan long kaba sngewsih lada haka kyrdan MLA ngim lah ban sngewthuh tang ia ka Constitution jong ka seng ruh” ong ka kyrwoh na U bah Bah S Mylliemumlong, Secretary, KHNAM Mawlai Constituency Committee.
The post Kynthah tyngeh ka KHNAM na Mawlai, halor ka jingrhah bor jong U bah Adelbert appeared first on Rupang.
Bus Dieng model 2013 ML05L. 40 seaters Tiptop Rs 10,70,000/- shipbew lak hynniew phew hajar. Yn duna. Bolero Camper model 2013 ML 05 L. Rs 4,10,000/-saw lak shiphew hajar tyngka duna.Bolero pick up ML 10 B ba dang bha Rs 5,50,000/-san lak sanphew hajar tyngka. Alto K10 VXI white kot biang lut Rs 2,80,000/- Jaka ha sawer Rs 650 per Sqft erea 6350 Sqft.
Ban die kyrkieh Dukan ha iewduh 2 tylli. Dor kawei Rs 20,00,000/-(arphew lak) kawei ka dukan kaba pynmih Rs 10,000/- shi taiew. Dukan building ha khliehiew Dor Rs 35,00,000/-(lak). Dukan building hajan stand 1,80,00,000/-(shi klur phra phew lak tyngka). Bandie kyrkieh shwa Khristmas Ka iing Assam type,dukan bad jaka Area 3000 sq ft ha surok by-pass ha Nongtraw Ribhoi. Dor 25,00,000/-(arphewsan lak).
Phone ha u number 8119893814
The post Ban die ia ki iing, dukan bad kali bad jaka appeared first on Rupang.
|
Shillong: Lyngba ka jingialehkai bha u Gurinder Singh, ka la pynlong ia ka Meghalaya ban knieh nam tam ia ka Manipur ha ka jingiakhun jong ka Ranji Trophy ka plate group kaba long mynta ka sngi ha Kolkata.
Da kaba bteng ia kaba buh thong na kaba la dep ka jingialehkai kaba long 82/1 ban beh ia ka Manipur kaba kamai 211, ka Meghalaya ka la lah ban knieh nam tam da kaba tied 326 bad knieh nam tam 115. U nongialehkai ka Meghalaya u Raj Biswa u kamai 87 katba u Punit Bisht u kamai 92. Ha kawei ka jingialehkai, jong ka U-19 Cooch Behar Trophy ka plate group, ka Meghalaya ka la pynliem 8 wicket ia ka Puducherry ha ka sngi kaba saw jong ka jingialehkai kaba long ha Anantapur, Andhra Pradesh. Ka Puducherry ka la lah ban kamai mynta 188 kaba dang jngai ban beh ia ka Meghalaya, kaba kamai 325. |
The post Knieh nam tam ka Meghalaya ia ka Manipur ha ka Ranji appeared first on Rupang.
Shillong: Mynta ka sngi, ki nongialam jong ka Khasi Authors Society (KAS), ki la ia kynduh ia U Conrad Sangma, myntri rangbah ka Jylla, na ka bynta ban ai khublei ia u, halor ka jingleit rah ia ka jing mynjur ia ka ktien Khasi, ha iing dorbar, kaba la long hynnin ka sngi.
Ha katei ka jingleit, la ialam da U Bah DRL Nonglait, President jong ka seng bad ki nongialam ka KAS, ki kyrpad ia u myntri rangbah, ba un phah noh kloi kloi ia katei ka rai jong ka iing dorbar sha ka tnat kam poh iing jong ka sorkar India. La iathuh shuh shuh ba ka KAS ruh kan phah ia ka dorkhas jongka sha u myntri kam poh iing jong ka sorkar India, ban kyrshan halor ka rai jong ka iing dorbar Jylla.
Ha ka jingiakren, la iathuh ba u myntri rangbah, ula mynjur ba un pynstet ia katei ka kam ban phah sha ka jing mynjur jong ka sorkar India.
The post Leit ia kynduh ki nongialam ka KAS, ia U Conrad Sangma appeared first on Rupang.
Ki paidbah kim sngewthuh shuh balei ka Khasi Hills Autonomous District Council (KHADC) ka la kylla long pynban u Mawjynthut bad Diengpyngkiang na ka bynta ka roi ka par bad ka jingbit jingbiang jong u paidbah kiba shong hapoh u pud u sam jong ka. Ha kaba iadei bad ka jingthmu ban shna pynbha ia ka surok bah na Nongstoiñ-Nonglwai-Pombriew-Rangblang-Mariem-Umdohlun-Wahkaji-Phlangdiloiñ-Ranikor da ka sorkar Meghalaya, ban wanrah ia ka suk ka saiñ jong u paidbah ha ka leit ka wan bad ka kit ka bah, bad ban wanrah ia ka jingroi stet ha ka thie ka thaiñ West bad South West Khasi Hills, ka District Council ka la long pynban ka nongkhanglad lane u Diengpyngkiang. Balei ka leit long kumne? Hato ka KHADC kam don shuh ia ki briew kiba sngewthuh, kiba shemphang bad kiba im sngi na ka bynta ka roi ka par jong ki paidbah? Hato kita ki MDC, ki EM bad CEM ki la kyllut bad matlah lut ia ka jingdonkam jong ki paidbah jong ka thie ka thaiñ? Hato ia ka jinglut jong kane ka surok hab ban pynlut na ka pla jong ka bad namarba kam don peisa ban shna hi ka bishni ban pynshna da ka sorkar Meghalaya? Ne hato ka kwah ba ka peisa ka dei ban wan ha ka kti jong ka, khnang ban pyntrei ia kane ka surok. Oh, ngi dang kynmaw bha ka la leh aiu ia ka peisa ba la ai da ka sorkar4 India sha ka ban pynshna iaka surok na Wahkaji sha Mawthabah kaba tang 21 k.m bad ngi la iohi kumno ka long kane ka surok mynta. Hato kam ai NOC ban shna ia kane ka surok (Nongstoiñ-Ranikor) namar ka tieng ia ka KSU. Sngewbha jubab ko District Council namar ki paidbah ki kwah surok ban pynsuk ia ki bad ban rah stet ia ka roi ka par.
Kaei ka jingeh ban ai iaka NOC, ngim iohi jingeh ei ei hangno hangno ruh. Mano ba ong ba ka surok Nongstoin-Ranikor ka dei ka surok Uranium? Ka surok Uranium lei lei ka dei na Wahkaji-Nongtnger-Domiasiat-Nongbah Jynrin-Mawthabah-Kylleng-Pyndengsohiong, kam dei ka surok na Nongstoin sha Ranikor lyngba ka Rangblang bad Umdohlun. Wat bakla ia kane bad shah pyntieng shrieh pyntieng tyngaw ei ei ruh.
Ngi da kwah eh ba ka District Council ka dei ban tip bad kynmaw dngong ba lada la shna ia kane ka surok ka jingroi bad ka jingmyntoi ka dei hi naka bynta ki paidbah babun jong Ri Khasi-Jaintia bad jong ka jylla baroh kawei. Ka jingroi bad jingmyntoi ka leit kham bun sha ki paidbah jong ka West Khasi Hills bad jong ka South West Khasi Hills kiba don kumba 5 lakh ngut kiba dei na ki 500 tylli ki shnong bapher bapher. Lada kheiñ tang ia ki shnong na thaiñ Nongstoiñ ter ter shaduh sha Ranikor ruh la poi palat spah, yn nai kheiñ ia ka jingbun briew namarba la bun bha. Kane ka surok, lada shna, kan iaid lyngba ia ka hima Nongstoiñ, hima Nobosohphoh bad hima Langrin bad ki hima ki ban myntoi na kane ka surok kin long ka Hima Rambrai, Hima Myriaw, Hima Nongkhlaw, hima Mawïang, hima Maharam bad kine lai ba la kdew hangne. Kiwei ki Elaka rit kum ka hima Riangsih bad Jyrngam ruh kin myntoi lang ha ka leit ka wan ha ki por donkam.
Kiwei kiwei ki bynta jong ka Meghalaya ruh kin ioh jingmyntoi ha ka leit ka wan ne ha kiwei kiwei ki bynta. Ngi hab ban peit jngai ym tang ia mynta hynrei ia kaba hadien habud ruh namar ka pyrthei ka long kaba pyllun . Namar wat na kawei ka bynta jong ka pyrthei dang iakynduh bad kawei pat ka bynta jong ka pyrthei. Dei halor kine ki nongrim ba ka KHADC ka dei ban sngewthuh bad peit jngai bha bad ka dei ban don ka jingkitkhlieh na ka bynta ka bha ka miat bad ka jingroi jong ki paidbah. Ym ban shong shong shuki jem bad shah kynting ha ka jingsngewbha lane shong shuki da ka jingshah pyntieng pynsmiej ha ki seng aiu re ne ha ki briew ki bym peit jngai na ka bynta ka khia ka shon jong ki paidbah.
Mynta, ki don bun ki projek surok ban myntoi bad ban pynroi ia ki paidbah jong ka Ri Khasi- Jaintia bad jong ka Meghalaya kumjuh. Tang ha West Khasi Hills ruh ngi don ka projek surok ban iaid lyngba na Nongstoin-Rambrai-Kyrshai ban poi sha Chaygoan (Kamrup District) kaba jngai kumba 75-80 km; Nangta ngi don ka projek surok bah kaba jngai kumba 170 km na Mawphlang-Weiloi-Mawsynram-Balat-Ranikor-Nongjri-Moheskola ban poi sha Baghmara; Ngi don sa ka projek surok bah na Nongstoiñ-Maweit-Kulang-Nongjri; nangta ngi don sa ka projek surok bah na Riangdo-Athiabari-Hahim-ban poi sha Boko (Kamrup District). Kine ruh ki donkam ia ka NOC na ka KHADC (District Council). Hato ka District Council kan kyntait ban ai NOC na ka bynta ban shna ia kine ki surok kumba ka la kyntait ban ai NOC ia ka surok na Nongstoiñ – Rangblang-Umdohlun – Phlangdiloiñ – Ranikor? Lada ka leh kumta hato mutdur bha katno ka jingduhnong jong ki paidbah jong kane ka juk bad jong ka juk kaba hadien? Hato ka District Council ka don na ka bynta ban khang lad ia ki paidbah ban ioh ia ka hok ha ka leit ka wan bad ka kit ka bah?
Hato kan kylla long ka nongshun ha ka jaka ban long ka paralok bad ka nongiarap, ka nongda nongker bad nongsumar na ka bynta ki riewlum kiba dang iaksaid ban kiew ha baroh ki liang?. Ngi dawa ba ka KHADC kan pyrkhat bha, mut ia kaba shisha bad leh ia kaba dei. Ngi dawa ruh ba ka KHADC kan ai noh kloi ia ka NOC ban shan ia katei ka surok Nongstoin-Rangblang-Umdohlun-Phlangdiloin-Ranikor bad na ka bynta kitei kiwei de. Ngi shaniah ba ka District Council kan leh ia kane kham kloi.
Da U Bah Philip Marweiñ
The post Ka KHADC bad ka NOC shna surok appeared first on Rupang.
Ka Priyanka Chopra, kan ia poi kha noh bad uba ieid jongka, U Nick Jonas, hynrei haduh mynta, ki don bun bah kim bym pat tip halor ka jingsdang ka jing ia dei jong kitei ki arngut, hynrei ka interbiw jong ka Priyanka ha ka makasin Vogue, ka iathuh lut shaphang ka jingsdang jong ka jingiadei jongka bad U Jonas.
Ka Priyanka Chopra, ha ka jingiakren bad ka Vogue, ka iathuh ba ka sngewsih jur bad ka dang iai bitar haduh ha kine ki sngi, ba U Nick Jonas, um shym doh satia ia ka, haba ki ia kynduh nyngkong eh.
Ka Priyanka, ka iathuh ba U Nick, ula phah mesej nyngkong eh ia ka ha ka twitter, ha u snem 2016, ha kaba u ong “Nga iohsngew na ki paralok ba iajan bha bad nga ba nga dei ban ia kynduh bad phi” bad hangta ka Priyanka, ka jubab ba kam bha thoh ha twitter, hynrei ka la ai ia u da ka number mobile jongka.
Kitei ki ia kynduh nyngkong eh ha ka Vanity Fair Oscars party, ha kaba U Nick, u dem shiliangn ka khohsiew jong bad ha katei ka por ka Priyanka, ka jubab “Phi mut shisha? Shaei pat phi jah baroh shi katta jong ka jingim jongnga” ong ka Priyanka.
Hadien kata ka ialam kai ia u sha iing jongka, ha kaba ka don ka kmie jongka bad hadien shi kynta tam eiei, ba ki ia shongkai, ula mih noh na iing bad hangta ka iathuh ba um shym doh satia bad um shym leh eiei ruh em.
Ka dei ha ka jing ia kynduh kaba lai sien, ba U Nick, ula sngew thikna ba un ia poi kha bad ka Priyanka bad ka jing ia ieid jongki ka sdang ha Greece, ha kaba ula tyrwa ia ka jingieid jongu kaba shisha sha ka Priyanka.
Kitei ki arngut, kin ia poi kha ha ka 2tarik Nohprah ha Jodhpur.
The post Dei U Nick, uba kylli nyngkong, ong ka Priyanka Chopra appeared first on Rupang.
Uwei u samla, uba 29snem ka rta, uba na Shillong, ula sdien phasi ialade ha Kolkata, ha ka sngi balang, ong ka khubor.
Ka jing pynmih khubor jong ka Times of India, ka iathuh ba U Bhanuprakash Chhetri, u dei u engineer bad u dei uba trei ha ka kompeni jong ka Sector V ha Kolkata. La lap ia ka met iap jongu, kaba sdien ha u beam jong katei ka iing.
U Chhetri, u dei uba la heh la san ha Shillong, ha kaba u shong u sah ha Upland Road bad ula pyndep ia ka jing pule jongu ha St. Edmund’s School, Shillong bad ia ka kolej ruh, ula pyndep na katei hi ka kolej bad hadien, ba ula pyndep ia ka jingpule, u sa kynriah noh ialade sha Kolkata.
Ka don ka jing antad, ba ula pyniap ialade na ka daw shimet jongu bad la sngewthuh ba ka daw bah, ka long namar ba um iahap jingmut satia bad ka samla jongu bad la iathuh ba um lah satia ban shah ia ki jingdawa jongka, ba un hap ban pynbiang. Ki pulit, kim da tip shai satia ia ka daw jong ka jing pyniap jongu ialade. Ki pulit ki iathuh ruh, ba ha shwa ba un pyniap ialade ruh, la sngewthuh ba u la ia chat video bad ka samla jongu.
The post Sdien phasi u samla na Shillong, uba 29 snem ha Kolkata appeared first on Rupang.
Guwahati: Sa uwei u samla pule, uba dei u software engineer, ula pyniasoh ialade sha ka seng kaikhlaw ULFA. Utei u samla, u dei U Chow Abhijeet Gogoi.
La iathuh ba U Chow, u pyni ia ka video, ha ka peij jongu ha facebook halor katei ka jingleit pyniasoh jong bad ka seng ULFA.
La iathuh ba U Gogoi, ula iehnoh ia la ka jong ka kam ban pyniasoh ialade bad ka ULFA (I). Ha video, ula ong “Ka kyrteng jongnga, ka dei U Abhijeet Gogoi. Nga dei na Moran, Dibrugarh. Nga la pyndep ia ka degree ha ka Information Technology na Chennai’s SRM Institute of Science and Technology. Nga la trei bad ka kompeni Hitachi kum u software engineer. Hadien nga la ioh ia ka degree ha ka MBA na Bengaluru. Nga la trei ha Bengaluru, Singapore, Malaysia, bad ha Australia. Mynta nga la pyniasoh bad ka ULFA (I), namar nga khuslai ia ka lashai jong ka Assam”.
The post Pyniasoh ULFA, sa uwei u samla na Dibrugarh appeared first on Rupang.
Ki nongialam liang pyrshah mynta ka sngi, ki la ther tyngeh ia U Narendra Modi, myntri rangbahduh, halor ka jinghiar ka rep ka rep ha kine ki sngi ha ka Ri hi baroh kawei. Ki nongialam liang pyrshah, ki kren ia kitei ki kyntien, ha ka jingiaid paidbah jong ki phew hajar ki nongrep mynta ka sngi, ha kaba ki leit tur sha khmat jong ka Parliament.
U Rahul Gandhi, nongialam jong ka seng Congress, haba kren ha ka jingialang, ula ong “Ki nongrep kim shym pan ia kano kano ka jingai sngewbha na ka sorkar, ha kaba ia dei bad ka jingmap ram na ki nongrep, hynrei ki dawa ia kaei kaba ki dei ban ioh”. Na ka liang U Arvind Kejriwal myntri rangbah ka Delhi, ula maham tyngeh ia ka sorkar jong U Narendra Modi, ba lada um pyntrei kam ia ka jingmynjur jong ka kaiphod ka Swaminathan, kumta ki nongrep, kin sa nion kylla ia u ha ka elekshon 2019″.
Da ki phew hajar ki nongrep, ki la leit tur mynta ka sngi sha Parliament na Ramlila Maidan, ha kaba ki dawa ba dei ban thaw ia ki lad ki lynti, na ka bynta ban iarap ia ki nongrep ha ka Ri hi baroh kawei.
The post Tur da ki phew hajar ngut ki nongrep sha Parliament ha Delhi appeared first on Rupang.
U President ka Ukraine, u maham ba ki shipai ka Russia, ki la nang tur shajan, na ka bynta ban hiar thma ia ka Ukraine bad na ka liang jong ka Ukraine, ka la khanglad ruh ia ki nong Russia, kiba la don ha ka rta ban long shipai ba kin rung sha Ukraine.
U Petro Poroshenko,u kam ba u don ia ki sakhi kiba thikna ban pyni ba ki tup ki man jong ka Russia, ki don ha ka jingjngai kaba 18 Kilometre bad kaba dei ruh ka jaka, kaba ki buh ia ki tiar ialeh jongki. Ki lad khubor, ki iathuh ruh ba ki iohi ia ki namding jong ka Russia, kiba don ha khappud jong ka Ukraine, ha ka miet jong ka Sngi Palei bad kitei ki tiar, ki don hajan ka nongbah Dzhankoy, kaba dei ka nongbah jong ka Crimea, kaba don ha ka jingjngai kaba 12 mer na Ukraine.
The post Wan tur ki shipai Russia sha khappud, ong U President ka Ukraine appeared first on Rupang.
