Buh mawnongrim u Chief Justice ia ka MSLSA

Shillong, 25 Naiwieng:
Ia u mawnongrim jong ka Alternative Disputes Resolution Centre (ADR) ka Meghalaya State Legal Services Authority (MSLSA) la buh da u  Justice u Uma Nath Singh ka Meghalaya uba dei ruh u  Patron-in-Chief ka  MSLSA ha Maw diangdiang, Shillong mynta ka sngi ha Mawdiangdiang.
Ha kane ka sngi la don lang u justice T. N. K. Singh bad ki Executive Chairman ka Meghalaya State Legal Services Authority bad u Justice S. R. Sen.
Ka ADR ka dei ka rynsan ha kaban iatai ban wad ia ka jingiasuk hapdeng ki nongiakhun mukotduma. Ka  Alternative Disputes Resolution ka long ka jingiakren, jingiasyllok, iasuk bad iapynbeit.  Ka  ADR ka dei ka atiar ban iapynbeit ia ki jingeh  hapdeng ki longiing, ki briew kiba don hapdeng ka jingiakhun ha ka kashari.Hadien ba la plie ia u mawnongrim, la pynlong sa ka jingpynlait ia ka kali Multi Utility Van jong ka Meghalaya State Legal Services Authority da u Chief Justice bad u Judge ka High Court ka Meghalaya.