Pynshai ka HSPDP ba mih U Bah Hilarius

Shillong, 23 Naiwieng:
Halor ka khubor kaba la mih ha kine ki sngi halor ka jingmih noh I Bah Hilarius Warbah na ka seng HSPDP Nong krem Constituency namar ka jingbym sngew iahap ia ki jingtreikam ka seng hapoh ka jingialam jong U Bah Ardent M. Basaiawmoit, na ka liang jongi ki nongkitkam jong ka seng HSPDP Nong krem Constituency ka pynshai u Bah Hilarius Warbah um shym la dei satia u nongkitkam jong ka seng H.S.P.D.P hapoh Nongkrem Constituency hynrei tang u nongkyrshan ba shimet jong ka seng. Kum ki dkhot jong ka seng hapoh Nongkrem Constituency ngi long kiba iatylli mlon hapoh ka jingialam I Bah Ardent M. Basiawmoit kum u M.L.A. jongngi. Ka jingmih noh I Bah Hilarius Warbah ka long shimet bad kan ym ktah satia ia ki nongkyrshan ka seng H.S.P.D.P. Ka daw halor ka j ingmih noh jong I, ka long halor ka jingshah kyntait ban ioh ticket na ka seng H.S.P.D.P na ka bynta ka bye election sha ka District Council.