Shillong,21 Iaiong:
Ka seng HNYF hadien ba ka la ioh shibun bah ki jingujor ia ki jingleh ka sorkar lyngba ka tnad ka koit ka khiah ha kaba ka la kynriah noh ia u Chowkidar na PHC Dawki, u ba ju iarap ia ki nongpang kiba ju thiah pang ha kane ka PHC.
La ioh jingtip ba kane ka Hospital kiba briew kiba leit shim dawai kim ju duna na ka 100 tam ngut bad kiba thiah pang kim duna ia ka 20 ne 30 ngut. Kumta haba don ba shitom jur, dei u chow kidar u ba iarap lem ia kiba kum kine ki nongpang man la ka sngi, bad u bapli um lah satia ban ap haduh 24 kynta man la ka sngi.
Namar ba la duna briew lypa ha ka tei ka hospital ka la buh jingeh haduh katta katta haba jia ka pang ka shitom ia ki nongpang ka tei ka thain.kumta haba kum kane ka jingeh jong ki paidbah ba ki wan ud wan nam, ka Seng HNYF South Circle DFawki ka la dawa ia ka sorkar ba dei ban phah chowkidar biang ha ka tei ka hospital.
Lada jia ba ka sorkar kam sngap satia ia ka tei ka jingdawa ban pynsuk ia ki nongpang, ka seng kam banse ban shim da ki wei pat ki lad ki lynti kiba kham eh, na ka bynta ka jingmyntoi ki paidbah ka thain kiba thiah pang bad kumjuh ruh kiba leit shim dawai ha ka tei ka hospital pynkut ka khubor lyngba u bah Tarson Lymba General secretary HNYF Southern Circle.
↧
Kwah Chowkidar ha PHC Dawki
↧