“Balei ngan ieh” ong U Daryl, lada ioh tiket MP

Shillong, 19 Iaiong:
“Ka shong ha ka parti” ong U Daryl Ch Momin, uba dei u kyrtong ba la ia khun pyrshah ia U PA Sangma, ha ka elekshon MP 2014. Haba la kylli biang, da u nongthoh khubor, la ula pynkhreh ne em ban iakhun, lada ioh tiket, ula jubab “Balei ngan ieh”.
Ha kajuh ka por, U Daryl, ula ong ba ia mynta hi, ka dang dei ka por sngewsih ha Garo Hills, namar ka jingkhlad ba kyndit jong U PA Sangma.
U Daryl, u iathuh ba haduh mynta, ki paidbah, ki dang ia leit ia wan ban ia kynduh ia u bad ban iakren halor ki jingeh bapher, ba ki don bad u ong ruh ba kito kiba la kyrshan ia u, ki kwah ba un dang ia khun biang ha kane ka sien, kaba mynta ruh.
U Daryl, u dei u kyrtong jong ka seng Congress, ha ka elekshon MP 2014 bad ula shah pynliem ha U PA Sangma, ha ka jingialeh, da kumba 40hajar vote.