Khwai ia ka met iap u rangbah

Nongstoin, 15 Iaiong:
Myn ha ka step jong ka sngi thoh dieng ki pulit ka Mairang kila ioh tam bad khwai ia kawei ka met iap jong u wei u rangbah na ka ka wah Urbuh kaba don ha ka shnong Maw sawa WKHD, kaba hap hapoh ka Mairang Police Station.
Katkum ka tyllong khubor na ki pulit ka Mairang la ong ba ia katei ka met iap la lap da u wei u nongleit thohdieng bad hadien katei u la pyntip mar mar sha ki rangbah kiba don ha katei kajaka bad la pyntip ruh mar mar sha ki pulit bad ki pulit ruh mar mar ki lahiar sha katei ka jaka haka ba kila ioh ban sei noh ia katei ka met iap.Shuh shuh ka khubor na ki pulit ka iathuh ruh ba ia ka met iap jong u tei u rangbah haduh bala thoh ia kane ka khubor ym shym pat la tip satia ia ka kyrteng bad ym shympat la tip ruh ba u dei na ka shnong aiu namar ba haduh mynta ym shym pat la don ba wan wad bad kam ia katei ka met iap, bad na ka liang jong ki pulit kila shu antad ruh ba katei ka metiap kadei jong u rangbah Khasi. Ha kaba iadei bad katei ka jingjia ki pulit kila suba jur ruh ba katei kajingjia kalah bad dei ka jingleh hi da kaba shu noh iap bad mynta ia katei ka met iap ki pulit kila buh noh ha jaka buh met iap ha Civil Hospital Mairang ban pyndep ia ka post mortem.