“Ka jingker sainar shiah kan iaid beit 150 Yard” ong u heh BSF

Shillong, 13 Lber:
Wat la hapdeng ka jingpyrshah kaba jur na ka Co-ordination Committee on International Border (CCIB), ka kyn hun kaba donlang ki nongsynshar shnong ryngkat ki sengbhalang kaba kwah ba ia ka jingker sainar shiah dei ban pynieng beit na Zero Line, u heh BSF ha ka sngi saitjaiñ jong ka taiew u la pynbna ba ka jingker sainar shiah kan iaid beit na ka 150 Yard.
U PK Dubey IG BSF Meghalaya Frontier ha ka sien ba nyngkong ba u la ia kynduh ia ki nong thohkhubor ha ka sngi saitjaiñ jong ka taiew naduh ba u la shimti kum u IG ba thymmai, u la ong ba ia katei ka jingker sainar shiah katkum ka 150 yard la ju leh ha kylleng ka ri kaba don ha ki khappud. U la ong ba 358 km ka jingker sainar shiah la lah ban pyndep bad ka kam ka dang iaid shakhmat sa 10 km, hynrei 12 km u la ong ba ym lah ban leh eiei namarba ka dei ha umbah. “Ki dang don ki jingduna ha ki 108 tylli ki jaka,ngi dang don ha ka lynti ban pyndep ia ki” u la ong.
U P.K Dubey u la ong ba u myntri rangbah duh ka ri u la hukum ba ia ka jingker sainar shiah baroh dei ban pyndep hapoh une u snem,hynrei u laong ba don katto katne tylli ki jaka ha kane ka jylla bym lah ban leh namar ym shym la ioh jaka. U la ong ba yn pyllait khyrdop ia ki nongrep ban leit ban wan sha ka jaka rep jong ki. Na katei ka jingker sainar shiah utei u heh BSF u la ong ba ka Meghalaya kan ioh nong 240 akar ka jaka.