Amlarem, 11 Lber:
Ka Amlarem Upper Primary School, Amla rem hapoh ka Amlarem Sub- Division ka la ioh ban plie ia ka iing Skul thym mai ia kaba la iarap da ka SSA Skhim kaba la tei ha ka jinglut kaba la kot sha ka T.20,0,2500 tyngka ia kaba la mang kyrpang na ka bynta ka pule ka puthi. Ia kane ka iing skul ba thymmai la wan ban plie da u MLA ka 7-Amlarem Constituency bad uba dei ruh u Parliamentary Secretary ka Sorkar Jylla u Ma Stephan son Mukhim da ka jing donlang ka kong I Laloo, SDO Amlarem (Civil) , Ma PM Tariang SDSEO Amlarem, u Ma Kolmen Pohshna, President Synjuk Rangbah Shnong War Jaintia, ki Nonghikai, ki Khynnah skul bad lem bad ki kmie ki kpa jong ki khynnah skul bad nongshong shnong jong ka Amlarem hi baroh kawei.
Ka kong Laloo haba ai jingkren ka la iaroh ia ka jing shim khia jong ka School Managing Committee ba ki la pyntrei hok ia kane ka skhim na ka bynta ka jingbha jong ka shnong, ka la kyntu ruh ia ki khynnah skul ba kin sngew ba ka skul kan dei ka iing kaba ar jong ki bad ba kin dei ban sumar bad ban leh khuid ia ka skul, ka la kyntu shuh shuh da kaba ong ba ka lawei jong ka Ri ka dei ka kamra klas jong ki.
U kongsan u Ma Stephan Mukhim ha kane ka sngi ha ba u ai jingkren u la ai ka jingiaroh ia ki nongkitkam shnong ia ka jingjop jong ki ban tei ia kane iing skul, u la kyntu ruh ia ki khynnah skul ban kin dei ban don ka mynsiem ban trei shitom ia kaba pule ia ki kot khnang ba kin lah ban kheit ia u soh jong ka jingjop bad kiba don ka akor ka burom bad u la kyntu ruh ba dei ka kamram jong ki kmie ki kpa bad ia ki Nonghikai kumno ba kin saindur ia ki khun ha ka lynti kaba dei, khnang ba ka jingkyntiew ia ka pule ka puthi kan long kaba jop kumba la angnud da ka sorkar.
↧
Plie U Ma Stephanson ia ka iing skul ha Amlarem
↧