Pyllait kali kit nongpang U Mukul

Shillong, 19 Rymphang:
U Myntri Rangbah ka jylla u Dr. Mukul Sangma mynta ka sngi u la pyllait ia ka kali kit nongpang kaba hap ha ka skhim Chief Minister’s Special Urban Development Fund 2012-13  ha ka jingialang kaba lyngkot ha  Goanang Baptist Church, Tura.  Ia kane ka kali kit nongpang yn pyniaid da ka Goanang Multi-Purpose Society, Tura.
Ha kane ka sngi u Dr. Sangma u la pynpaw ia ka jingsngew kmen ban pynlait ia kane ka kali kit nongpang kaban ai ia ka jingshakri sha ki briew kiba donkam shisha ia ka jingiarap.
U la ong ba ka sorkar ka la don ka jingthmu ban pynlong ia ki nongbah bad ki shnong ha ka jylla kiba khuid bad u la kyntu ia ki paidbah ban iatreilang ban pynlong kam ia kane ka jingthmu ka sorkar.