Shillong,12 Rymphang: U Rupang u la wad jingtip hato la ki la don ne-em ki nongtrei sorkar kiba bat kam rangbah shnong ne kiba bat kam seng kiba la dep ban ai kyrteng sha ka sorkar,la ioh jingtip ba haduh mynta ym pat don ki nongtrei sorkar kiba la dep ban ai kyrteng. La wad jingtip na ki thaiñ Nongthymmai bad thaiñ Laitumkhrah kaba bun ki briew ha kitei ki shnong ki dei ki nongtrei sorkar hynrei la ong ba ha kitei ki thaiñ ki nongtrei sorkar ki ap ia ka rai kaba mih na ka jingialang ka Synjuk ki Khlieh Nongsynshar shnong ka Bri u Hynniewtrep bad u Dr.Mukul Sangma, myntri rangbah ka jylla kaba la long ha ka 10 tarik u rymphang.
La wad jingtip ruh na u nongialam ka seng jong ki nongtrei sorkar u bah Maxmillan Lyngdoh u President jong ka Meghalaya Government Employees Federation ha kaba la io hban ia kren ha kine ki ar lai sngi ba la dep bad u la ong ba haduh mynta ym pat don ki dkhot jong katei ka seng kiba ai jingtip sha u bad katkum ka jingtip ba u la ioh u la ong ba haduh mynta kim pat don ki dkhot katei ka seng kiba la leit ban ai kyrteng sha ka sorkar.
Katkum ka jingioh lumjingtip la ong ba ki nongtrei sorkar ki la ap rai na ka jingiakynduh Mukul ki rangbah shnong kaba la long ha ka 10 tarik hynrei hadien katei jingiakynduh ka bym seisoh,la ong ba ki nongtrei sorkar kin dang ap shuwa kaei ka rai ka ban mih hadien bad kim pat lah rail akin lei tai kyrteng ne-em.
Lah ban kdew ba ha ka jingpynbeit thymmai ka sorkar ia ka Meghalaya Services and Conduct Rules 1990 ka la khang ia ki nongtrei sorkar ba kin bat kam shnong hynrei hadien ba la mih ki jingpyrshah na kiba bun ka la pynbeit thymmai noh ba la shah ban bat kam shnong ne bat kam seng tangba ki nongtrei jong ka ki hap ban pyntip noh sha ka sorkar ia ka kam ba ki bat.
↧
Ym pat don ki nongtrei sorkar, kiba la dep ban ai kyrteng sha ka sorkar
↧