Pan khnam, ryntih, na U CEM ban iada pud ha Block I&II

Shillong, 12 Rymphang:
Ka seng Meghalaya Border Area Development Welfare Association (MBADWA) kala phah da ka jingthoh sha u CEM ka KHADC bad kumjuh sha ka Deputy Commissioner ka Ri-Bhoi District ban pynpaw ia ka jingeh jong ki paidbah ka thaiñ Ri-Bhoi kiba sah ha khappud bad ka Assam bad ha katei ka jingthoh la soi da u bah Lakhon Lamin President katei ka seng.
Ha katei ka jingthoh katei ka seng ka la pan jingiarap na u CEM bad DC ba kin ai jingiarap da u khnam ka ryntih, ka wait bad ka stieh ba kin iada ia u pud u sam khamtam hapoh ka shnong Khanduli bad ka shnong Sabuda, Ri-Bhoi District bad ban iada ia u pud u sam hapoh Block I bad Block II. Ha katei ka jingthoh katei ka seng ka la kdew ruh ia ki jingeh kaba ka la ong ba ki briew ka Assam ki la tuh la lute bad ki la knieh jubor bad rahbor ia ka khyndew ka shyiap jong ki paidbah ka jylla Meghalaya bad kila shim khajna ruh na ki paidbah nongshong shnong bad ka la don ruh ka jingpyntieng ia ki kynthei khynnah ki bym nud shuh ban leit sha ki jaka trei jaka ktah ne sha la ki lyngkha rep kba,rep synñiam rep jhur.
Katei ka seng ka thoh sha u CEM bad DC ban thung kawei ka Border Police Post hapoh ka shnong Umlawang kaba hap hapoh Mawhati konstitwensi hapoh ka 30 tarik u lber, 2016 khlem pep. Ka dawa ban pynkiew kyrdan ia ka umlasnai Police Post sha ka Police Station kaba pura bad ka la dawa ban pynkiew kyrdan ia u bah S.S Shiangshai sha ka kyrdan Officer Incharge. Ka la dawa ruh ba dei ban ker sainar shiah ia u pud ka jylla Assam bad Meghalaya bad ka ri Bangladesh hapoh u snem2016ne 2017 bad ia katei ruh la kynthoh ba dei ban leh khlem pep.