Batbor u kni ia ka pyrsa ha Kynshi Bangla

Nongstoiñ, 1 Naiwieng:
Mynta ka sngi ki pulit ka Mairang Police Station, ki la ioh ban kem noh ia u briew u bala tip kyrteng kum u Probingshon L Nonglait 23 snem na ka shnong Kynshi Bangla kaba hap hapoh ka West Khasi Hills hadien ba u la batbor ia kawei ka hep rit kaba dang 11 snem ka arta.
Katkum ka tyllong khubor la ong ba u tei u briew u dei ruh u knii jong katei ka hep rit bad u la leh ia katei ka kam bymman ia la ka jong ka khun pyrsa naduh ka 7/9/2017 haka por kumba 1 baje janmiet ha kaba u la byrngem byrsit ia katei ka khun pyrsa lada ka iathuh ia katei ka kam pohjait jong u.
Hadien ba ki pulit kila ioh ban kem noh ia u Probingshon kila pynngat noh ia u hapoh ka ain POCSO.