Shah dung iap u rangbah, ha dukan kyiad

Jowai, 31 Risaw:
Hynnin ka meit, uwei u briew uba la tip kyrteng kum u Madiar Tyngkan uba dei trai shnong na ka shnong Mushrot West Jaintia Hills u la shah dungiap hapoh kawei ka dukan kyiad kaba don ha Mookhep, East Jaintia Hills.
Kane ka la jia ha ka por kumba 8 baje eiei mynmiet. La iathuh ba utei u Tyngkan u la shongkha ha ka shnong Wapungskur bad u la leit dih kyiad sha Mookhep ha ryngkat ki paralok jong u.
Hapoh katei ka dukan kyiad, la don uwei pat u rangbah uba la 58 snem uba la tip kyrteng kum u Tell Shyrmang uba na ka shnong Pamrapaithlu.
Hadien ba u Tyngkan bad ki paralok jong u ki la shongshit, ki la kren dait bad kynjat ia utei u rangbah ha kaba utei u rangbah u la kiew don ban sei da ka tari ban tang shi tari na ka kpoh jong utei u Tyngkan haduh ba u la khlad noh shen.
Ki pulit ki la kem noh ia utei u Tel Shyrmang da ka jingiarap ki VDP ka Mookhep.