Lashai jingialang Aadhaar

Shillong, 22 Risaw:
Ka  jingialang  paidbah  halor  u  Aadhaar,  ba  la  pynbeit  da ka  Meghalaya  Peoples’  Committee  on  Aadhaar  (MPCA)  ha  Khasi National  Durbar  Hall,  Mawkhar,  Shillong, kan long  la  sngi  Hat  Majai,  24tarik  U  Risaw,  2017  naduh  ka  por  11  baje  mynstep.
Kane  ka  jingialang  ka  long  na  ka  bynta  kino  kino  kiba  ioh jingshai  shuh  shuh  halor  u  Aadhaar,  naduh  ba  mih  jingpyrkhat ban  don  kata  ka  jingithuh  kyrpang  (unique identification)  ha ka  snem  1999,  ka  jingpyntrei  kam  ia  u  naduh  ka  Sorkar  UPA II,  mynta  ha  ka  NDA  II,  ki sorkar  jylla,  ki  bank,  mobile company  bad  kiwei,  ki  dorkhast  pyrshah  ka  jingpyntrei  kam  ia u  Aadhaar,  ka  Rai  ka  SC  halor  ka  Hok  long  Kyrpang  (Right to  Privacy),  u Aadhaar  bad  ka  VIth  Schedule,  ka  rai  ba shiteng  por  (interim  order)  ka  SC  halor  ka  jingpyntrei  kam ia  u  Aadhaar  jingap  ia  ka  Rai  kut  (final  ruling) ka  SC halor  u  Aadhaar.
Kito  kiba  la  shim  Aadhaar  number  ruh  ki lah  ban  wan  bad lada  don  kino  kino  kiba  kwah  ban  law  noh  na  kaba  don  une u  number,  kan  bha  shibun  eh,  ba  kin  don  lang  ha katei  ka sngi  ha  KNDH  khnang  ban  ioh  pyrkhat  lang kumno  yn  leh, ong ka kyrwoh na U Rev.  Dr.  P.  B.  M.  Basaiawmoit, na  ka  bynta  ka  MPCA.