Jubab hapoh 5 tarik, ne shah sympat, ong ka UDP

Shillong, 03 Risaw:
Ka UDP ka la pan jubab na u MDC ka Mairang u Bah Equator L Nongrang ba un ai ia ka jubab hapoh ka 5 tarik Risaw halor kano ka nongrim u kyrshan ia ka Executive Committee ka People Democratic Forum (PDF) ha KHADC.
“U dei ban ai jubab hapoh 5 tarik Risaw bad lada kam iahap ka party kan sympat ia u”, la ong uwei u nongialam ka UDP.
U MDC ka Mairang u la ai jingkyrshan ia ka PDF ba ialam da u Bah Pynshngain N Syiem wat ha ka jingshisha ka UDP ka don ha ka liangpyrshah ha KHADC.
Watla kiwei ki MDC ki don kiba dang sah bun ka pisa bym pat pynlait da u CEM katba don kiba la del ioh lut bad don kiba sah sa khyndiat.
U MDC ka Mairang ula jan ioh lut ia ka MDC skhim kaba T. 3 klur uba la ioh T.2.80 klur.
Kham mynshwa u president ka UDP u Dr Donkupar Roy ula ong ba u Bah Pynshngain ula pyndonkam da ka pisa ba ioh na ka sorkar pdeng ban thied ia ki MDC ka UDP bad na kiwei ki party.