Shillong, 28 Nailur:
Ka People’s Democratic Front (PDF), ka la rai ban pyniakhun da u bah Judah JM Wahlang na Sohiong, ha kane ka elekshon MLA ban wan. U Bah Wahlang u dei ruh u khun jong u Pastor PBM Basaiawmoit uba ju iakhun elekshon MP teng ha ki snem ba la dep.
Ia ka rai ban pyniakhun da u Bah Wahlang, la pynbna ha ka jingialang kaba long ha ka 28 tarik u Nailur ha Sohiong.
U Bah Judah u wan pyniasnoh sha ka PDF ryngkat ka jingwan ia synran lang u kpa jong u hi u Pastor PBM Basaiawmoit, ka kmie jong u, ki kni, ki meinah meisan lem ryngkat ki paidbah nongkyrshan jong u na kylleng ki dong bad shnong jong ka Constituency, ha ka jingialang kaba la pynlong ha ka shnong Nongbsap ba la pdiang burom da u President ka PDF State Executive Committee u Bah Ivanlumlang Marbaniang bad kiwei.
Ha kane ka sngi wat hapdeng ka jingslap jong ka suin-bneng, ki paidbah ki la wan ban ia donlang ban sakhi ia ka jingthaw ia ka PDF Zonal Committee Sohiong Constituency, ha kaba la thung ruh ia ki nongkitkam.
↧
U khun U Pastor PBM, na ka PDF na Sohiong
↧