Elekshon 2018: U Amit ha u Nailar, U Modi ha U Naiwieng ha Shillong

Shillong, 14 Jymmang:
U President ka party BJP u Amit Shah un sa wan sha ka jylla Megghalaya ha u Nailar ban wan ban pynkhreh na ka bynta ka elekshon MLA ha kane ka jylla kaba bun paid da ki Khristan, katba u Myntri Rangbahduh ka ri u Narendra Modi un sa wan ha u Naiwieng ban wan.
Katkum ka khubor ba la iohlum, la iathuh ba ka jingwan jong u Amit Shah ka long kumno ban pynkhreh ia ka elekshon ha kane ka jylla bad kawei pat ban pynthikna ba ka sorkar ha u 2018 kan nym dei shuh ka Congress ha kane ka jylla Meghalaya.
La iathuh ba ka BJP na New Delhi ka la thaw lad kumno ban khwai ia ki nongmihkhmat na kiwei ki party ban iakhun na ka BJP, bad ka thong ka long beit uno uno uba don ka jingkyrmen ban rah ia ka jingjop, ka BJP kan sa pyndonkam beit ha ka elekshon tang na ka bynta ban pynjah kyrteng noh ia ka Congress.
Ym tang katta ka jingwan u Amit Shah ka long ruh ban iakren bad ki seng sain pyrthei kiba don ha ka North East Democratic Alliance (NEDA) ban don ka jingiasngewthuh jingmut bad ki, lada ym dei shwa ka elekshon ruh hynrei hadien ka elekshon ban ia thaw sorkar.
Hynrei ka khubor kaba lah ban pynkyndit ha kane ka jingwan jong u Amit Shah ka long ba kiba bun ki MLA na kiwei ki party ki lah ban pynbna syndon ban rung sha ka BJP.
Ha kawei ka liang, la iathuh ba u Modi un wan ban kren ia ki kam pynroi ka sorkar NDA bad khamtam na ka bynta ka elekshon MLA ban wan ha ka jylla.
Katkum ka jingtip, ka BJP na kane ka jylla ka la don ka jingiakren bad ki katto katne ngut ki MLA na kiwei ki party kiba kwah ban rung ban iakhun noh na kane ka seng hynrei kim pat kwah ban pynpaw pyrthei bad kin sa ap sa tang kumba katto katne bnai.