Bu-aid jaw sheh u Asst.Manager ka SBI ha Patharkhmah

Shillong, 9 Jymmang:
Ka CORP Jirang Circle ha ka jingialam u President u Bah O Lyngdoh mynta ka sngi ka la lap ba u Asst.Manager ka SBI Patharkhmah Branch u P.Rabha u la bu-aid jaw sheh haduh ba um nang shuh ban treikam. Katei ka seng ka la ong ba ka SBI Patharkhmah ka dei ka jaka treikam kaba bun ki nongtrei ki dei ki bar jylla bad khyndiat eh ki Khasi bad ka la ong ba ka jingwan ki nongtrei bym dei Khasi ka la buh jingeh ia ki paidbah ka thaiñ Western Ri-Bhoi namar ka jingbym ia sngewthuh ktien.
Ka la kynnoh ruh ba ki nongtrei jong katei ka bank ki leh mon , ki leh ba heh bad haba wan ki paidbah kiba biej ki bym don jingtip kim ju pyni ne kren jai jai hynrei ki shu mai shu tim ia ki bad ka kynhied. Katei ka seng ka la ong ba kaba paw pyrthei katei ka jingleh jong ki ka dei ka sakhi kaba katei ka seng ka la lap ia u Asst. Manager uba bu-aid jaw sheh ha kamra treikam jong u.