Weng U bah Bansaiohbor, na ka tiket MDC

Nongstoin,
12 K’Lyngkot:
U bah Bansaiohbor Mawtyllup u wei na ki 8 ngut ki nongpan tiket na ka party HSPDP Ram brai Jyrngam Constituency na ka bynta ban ioh iakhun ha ka election shiteng samoi sha ka KHADC kaba ban sa long shen mynta u la pynbna ba u la weng noh ialade kum u nongpan tiket.
Kane ka jingweng  noh jong  u bah Mawtyllup kala wan ruh hadien katto katne sngi  ba  Executive Committee jong ka HSPDP Rambrai kala dep ban  pynlong ia ka jing ialang ban khmih bniah  ia kajingpan ticket jong ki tei ki  phra ngut  ha kaba ka  EC ka HSPDP Rambrai  halor katei ka kam ban ai ticket ka la  dep ban aiti sha  ki primary unit ba kin pynpoi ia ka jingmynjur ha lane shuwa ka 18 tarik mynta u bnai.
Na ka liang jong u bah Mawtyllup ha ba kren ha u nongthoh khubor u la ong ba ka jingweng noh jong u kum u nongpan tiket na katei ka party kam shymla don kano kano ka daw kaba kyrpang bad halor kane ka bynta shen un sa phah ia ka shithi weng ialade kum u nongpan tiket sha u President jong ka Party.
“Ka jingthmu ka jong nga ban weng kalong ban ailad noh ia ki wei pat” ong u bah Mawtyllup da kaba u la bynrap ruh ba watla u la weng noh hynrei un ai ka jingkyrshan ia uno uno u kyrtong u ba ioh ia ka ticket na ka party HSPDP ha kane ka election shiteng samoi bad ai ka jingkyrshan ba pura khnang ban pynjop donburom ia ka party hi baroh ka wei.