Dawa tohkit ka Dikkanchi ia ka jingshna painkhana ia ki skul

Shillong, 21 Lber:
Ka MLA na liang-synshar ka Dikkanchi D Marak kaba dei ka lok u Myntri Rangbah u Dr Mukul Sangma, ka la dawa ba ka sorkar ka dei ban tohkit halor ka jingshna ia ki painkhana ha ki skul LP bad UP skul ha jylla.
Haba wanrah ia Kane ka mat hynne ha ing dorbar ka Dikkanchi ka la ong ba don bun bah ki skul kiba khlem don ki painkhana bad lada ki don ruh kiba don tangba kim biang. “Ka sorkar ka dei ban shim Ki lad ki lynti ban thung da ka jingtohkit halor Kane”, la ong ka Myntri.
Halor kane, u Myntri sam um ka jylla u bah Prestone Tynsong u la ong ba ka sorkar kan peit halor kane. U la ong ruh ba la dep shna 13501 ki painkhana shynrang bad 14867 ki painkhana kynthei ha ki Lower Primary bad Upper Primary skul ha ka jylla.
U bah Tynsong u la ong ba ia kine ki painkhana la shna hi da ka tnad PHE bad ka MeECL bad baroh lah dep siew lut ia ka pisa.