Shillong, 17 Lber:
U Deputy Commissioner, jong ka West Khasi Hills, ula pyllait ia ka pisa kaba T.3,23,000 sha ki long iing kiba ia tyngkhuh ia ka jingkylla kali ha Nongspung, kaba la jia ha ka 26tarik Rymphang 2017. Katei ka dei ka pisa, kaba la lum lyngba ka jingiarap ki sengbhalang, ki riew paidbah bad ki nongtrei ophis, kiba hap ha West Khasi Hills. Ka ophis U DC, ka sngewnguh shibun eh, ia kito kiba la noh kylluid ia kitei ki jingai sha kitei ki riew shem lanot.
La iathuh shuh shuh ba ka ophis u myntri rangbahduh, ka la mang T.2lak sha kiba iap bad T.50hajar sha kiba mynsaw, katba ka sorkar Jylla, ka la mang T.50hajar sha kiba iap bad T.10hajar sha kiba mynsaw.