Hadien ka T.9lak, lute ki runar sa T.2.50lak na Petrol Pump ha Ialong

Jowai, 10 Rymphang:
Lai ngut ki riew runar bym lah ban ithuh kiba la wan da ka thuk thuk bad kiba rah da ar tylli ki Pistol ha ryngkat ka tari heh, ki la wan ban lute ia kawei  ka petrol pump kaba dei trai da u ma M. Rymbai uba na ka shnong Ialong mynta ka janmiet ha ka por kumba 2 lakh 50 hajar tyngka.
Kitei ki runar kiba la wan da ka thuk thuk kaba khlem nombor, ki la rung beit beit ha ka jaka buh pisa jong katei ka Petrol Pump ban pynap pistol ia u Manager bad sei lut ia ka pisa kaba don baroh.
U Manager katei ka Petrol Pump, u Chandra Kan Singh u la iathuh ba ha katei ka por ki don kumba 10 tylli eiei ki kali kiba la wan ban theh umphniang bad baroh ki nongtrei ki dang ia bun kam bha ban theh umphniang bad dei ha katei ka por ba ki la wan rung ha ka jaka buh pisa ban lute bad mar syndep ki la phet noh bak.
Kitei ki runar ki la phet back sha thain East Jaintia Hills. Kitei ki runar ki la rah ruh ia ka mobile jong utei u Manager.
Ha kine ki khyndiat sngi, ki runar bym lah ban ithuh ki la lute ruh ia ka Petrol pump kaba don ha Dkhiah West ha kaba ki la ioh ban rong ei haduh 9 lak tyngka. Ki riew ruanar ki la leh da ka juh ka style ban lute na kitei ka petrol pump