Iap 2, tynrah ka trok ia ka thuk thuk

Shillong, 10’lyngkot:
Ar ngut ki samla na ka shnong Umlyngka-Mawria ki la iap hashen bad uwei pat u la mynsaw jur ha ka jingjia aksiden kaba la jia mynta ka miet ha 5 Mer Upper Shillong. Katei ka jingjia ka la jia ha ka por 7 baje eiei. Ki- ar ngut kiba la iap hashen ki dei kiba la tip kyrteng kum u Joshuwa Kurbah bad u Hoi Synrem katba uwei pat uba la mynsaw jur dei uba ki ju khot sin u Hitler Mylliemumlong. Kitei ki samla ki dei kiba dang hapoh ka 30 snem karta. La iathuh ba ki la mih na Umlyngka ban leit donkam sha 7 mer bad ha ka por ba ki wan phai na 7 mer ban leit sha Umlyngka ka trok ka la tynrah ia ka thuk thuk ba ki shong ha ka jaka kaba hapdeng ka lad Mawklot bad ka Block 5 mer.