Bam Smai u ma Lamdibok

Jowai, 27 Nohprah:
U ma Lamdibok Sumer uba dei u CEM barim ka JHADC uba la jop ha kane ka By-Election bad dang shu dep na War East Constituency  u la bam smai kum u MDC ha ka 23tarik mynta u bnai, ha khmat u Chairman ka JHADC ha kamra treikam jong utei u Chairman ka JHADC, u ma Arborhima Darnei. U ma Lamdibok u ba la ju mih khmat teng kum u MDC ka War East bad uba la ju long ruh kum u CEM ka JHADC u la bam smai, hadien ka jingjop jong u ia ka Election shiteng Samai hadien ba ki MDC bam ar maloi ki la iehnoh kam da ka jingmih ka rai jong ka Assembly ka jylla.