Shah kem u dkhot ka ASAK

Shillong, 8 Nohprah:
Mynta ka sngi palei ki pulit ka South Garo Hills ki la ioh kem ia uwei u dkhot ka ASAK uba treikam napoh napoh bad katei ka seng , utei uba la shah kem u dei uba la tip kyrteng kum u Barash Sangma, 27 snem karta na ka shnong Namisikgre, SGH. Ki pulit ki la ong ba u dei ruh u briew uba don jingiadei kaba jan bad u Commander In chief katei ka seng u Reding T Sangma bad la ong ba u dei u nongiarap ban pynpoi tiar siat bad kiwei pat ki jingdonkam katei ka seng bad u dei ruh u nongleit thep ia ka pisa kot 500, 1000 jong katei ka seng sha ki account bapher bapher. U dei uba la shah thwet jur ha ki pulit bad la ioh kem tad mynta ka step da ki pulit ka Special Force 10 ( SF-10) Commando.